អ្នកជំនាញអចលនទ្រព្យរំពឹងថា ក្រោយកិច្ចប្រជុំអាស៊ាននឹងមានរំហូរវិនិយោគិនផ្ទាល់ពីអាស៊ានមកកម្ពុជាបន្ថែម

ភ្នំពេញ ៖ កិច្ចប្រជុំកំពូលអាស៊ានលើកទី៤០-៤១ ដែលកម្ពុជាធ្វើជាម្ចាស់ផ្ទះក្រោមការចូលរួមពីបណ្ដាមេដឹកនាំអាស៊ាន និងពិភពលោកមួយចំនួន រួមជាមួយនឹងវត្តមានរបស់វិនិយោគិនអាស៊ាន និងកម្ពុជាជាច្រើន។ តាមរយៈកិច្ចប្រជុំកំពូលជាប្រវត្តិសាស្ត្រមួយនេះដែរ នឹងនាំមកនូវការវិនិយោគពីបណ្ដាប្រទេសអាស៊ានចូលមកកម្ពុជាបន្ថែមទៀតជាក់ជាមិនខាន។

អ្នកស្រី អាន សុធីតា នាយិការប្រតិបត្តិក្រុមហ៊ុនអចលនទ្រព្យ PropNex Cambodia បានថ្លែងប្រាប់ AMS ឱ្យដឹងថា កិច្ចប្រជុំដែលកម្ពុជាធ្វើជាម្ចាស់ផ្ទះនេះ គឺជាការបង្ហាញពីអ្វីដែលកម្ពុជាមានទៅកាន់មេដឹកនាំនៅបណ្ដាប្រទេសអាស៊ាន និងប្រទេសផ្សេងទៀតដែលពាក់ព័ន្ធ ខណៈដែលអ្នកវិនិយោគក៏ដូចជាមេដឹកនាំដែលបានចូលរួមក្នុងកិច្ចប្រជុំនេះផ្ទាល់បានឃើញពីភាពរីកចម្រើនរបស់កម្ពុជា ហើយនឹងអាចពិចារណាក្នុងការស្វែងរកការបណ្ដាក់ទុនវិនិយោគនៅក្នុងប្រទេសកម្ពុជា។

អ្នកស្រីបន្តថា ៖

“ខ្ញុំគិតថា វាជាចំណុចល្អដែលកម្ពុជាធ្វើជាម្ចាស់ផ្ទះនៃកិច្ចប្រជុំនេះដែលអាចជួយផ្នែកផ្សេងៗ រួមទាំងអចលនទ្រព្យផងដែរ ថ្វីត្បិតតែបច្ចុប្បន្ននេះ កម្ពុជាក៏ដូចជាបណ្ដាប្រទេសជាច្រើននៅតែបន្តជួបបញ្ហាប្រឈមពិតមែន ប៉ុន្តែតាមរយៈកិច្ចប្រជុំនេះ កម្ពុជាអាចធ្វើឱ្យវាមានភាពប្រសើរឡើងបានមួយកម្រិត ហើយអាចធ្វើឱ្យវិនិយោគិនក៏ដូចជាធុរជនមានការទុកចិត្តមកលើយើងបានយ៉ាងប្រាកដ”

អ្នកស្រីបន្តទៀតថា ៖

“កន្លងមកការវិនិយោគផ្ទាល់ពីបណ្ដាប្រទេសអាស៊ានក៏មានច្រើនដែរ ក្រៅពីចិនដែលជាអ្នកវិនិយោគច្រើនជាងគេនៅកម្ពុជា ហើយក្រោយកិច្ចប្រជុំនេះយើងជឿថាវិនិយោគិនអាស៊ាននឹងអាចមកកម្ពុជាដើម្បីស្វែងរកការវិនិយោគនានាជាមិនខាន”

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានថ្លែងឱ្យដឹងថា តាមរយៈកិច្ចប្រជុំកំពូលអាស៊ានដែលកម្ពុជាធ្វើជាម្ចាស់ផ្ទះ គឺការផ្ដល់នូវប្រយោជន៍ដល់កម្ពុជា ហើយការទទួលបានផលប្រយោជន៍មានតិច ឬច្រើន អាស្រ័យលើការទាក់ទាញរបស់វិនិយោគិនកម្ពុជាខ្លាំងកម្រិតណាតែប៉ុណ្ណោះ។ លោកបន្តថា ជាបទពិសោធន៍កន្លងមកតាមរយៈកិច្ចប្រជុំកំពូលអាស៊ានឆ្នាំ២០១២ឃើញថា ក្រោយកិច្ចប្រជុំមានគេស្គាល់កម្ពុជាច្រើន ហើយក៏មានអ្នកចូលមកកម្ពុជាដើម្បីស្វែងរកការវិនិយោគ និងធ្វើជំនួញដើម្បីរកប្រាក់ចំណេញរបស់ពួកគេដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល

វេទិកាសេដ្ឋកិច្ចរបស់គណបក្សប្រជាធិបតេយ្យអាចនឹងនៅដដែលបន្ទាប់ពី Joe Biden បញ្ចប់តំណែងជាប្រធានាធិបតី

ព្រឹត្តិការណ៍, សេដ្ឋកិច្ច

• 23/07/2024

ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច

ក្រុមហ៊ុនធំមួយរបស់ចិន នាំចូលរថយន្តអគ្គិសនីទំនើប​ និងបង្កើតមជ្ឈមណ្ឌលតាំងបង្ហាញនៅកម្ពុជា

ព្រឹត្តិការណ៍, សេដ្ឋកិច្ច

• 22/07/2024

ក្រុមហ៊ុនធំមួយរបស់ប្រទេសចិន នាំចូលរថយន្តអគ្គិសនីទំនើប និងបង្កើតមជ្ឈមណ្ឌលតាំងបង្ហាញរថយន្តនៅព្រះរាជាណាចក្រកម្ពុជា .

ឆមាសទី១ ​ឆ្នាំ​២​០​២​៤​ ​កម្ពុជា​នាំចេញ​កៅស៊ូ​ស្ងួត​មានតម្លៃ ​២​១​៣​.​៣​លាន​ដុល្លារ ​កើនឡើង ៨.៦%

ព្រឹត្តិការណ៍, សេដ្ឋកិច្ច

• 22/07/2024

របាយការណ៍ដែលចេញផ្សាយដោយអគ្គនាយកដ្ឋានកៅស៊ូ បានឱ្យដឹងថា ក្នុងឆមាសទីមួយនៃឆ្នាំ ២០២៤ ទំហំនៃការនាំចេញកៅស៊ូស្ងួតរបស់កម្ពុជាមានទំហំទឹកប្រាក់២១៣.៣លានដុល្លារ

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ