សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្លែងក្នុងពិធីបិទសន្និបាតបូកសរុបការងាររបស់ក្រសួងរៀបចំដែនដី នគរូបនីយកម្ម និងសំណង់ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ជម្លោះបញ្ហាដីធ្លីនៅក្នុងប្រទេសកម្ពុជាបានកើនឡើងនៅក្រោយប្រទេសមានសុខសន្តិភាព ហើយសម្ដេចក៏បានជំរុញឱ្យអាជ្ញាធរក៏ដូចជាភាគីជម្លោះដីធ្លីព្យាយាមដោះស្រាយបញ្ហាដីធ្លីក្រៅប្រព័ន្ធតុលាការ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជានៅថ្ងៃទី២៧ ខែធ្នូ ឆ្នាំ២០២២ បានមានប្រសាសន៍ថា ជម្លោះដីធ្លីមិនមែនទើបតែកើតឡើងថ្មីៗនោះទេ ពោលគឺនៅពេលប្រទេសមានសន្តិភាព ករណីជម្លោះដីធ្លីក៏បានកើតឡើង ហើយនៅពេលប្រទេសមានសង្គ្រាម អស្ថិរភាព ពលរដ្ឋបានបោះបង់ដីធ្លីចោល ជាក់ស្ដែងកាលពីជំនាន់១៩៧៥ ល់១៩៧៩ មិនមានប្រជាពលរដ្ឋណាម្នាក់ចង់បានដីនោះទេ ពេលនោះគឺចង់ឱ្យតែខ្លួនរស់ ហើយនៅពេលប្រទេសមានសន្តិភាព ជម្លោះដីធ្លីនៅក្នុងប្រទេសកម្ពុជាចាប់ផ្ដើមកើនឡើង រហូតដល់ជម្លោះជាមួយបងប្អូនបង្កើត ជាមួយឪពុកម្ដាយផងដែរ ។
សម្ដេចតេជោបានបន្តថា ៖
“ករណីខ្លះ ដីមួយកន្លែងតែគេយកទៅលក់តៗគ្នាជាច្រើនម្ចាស់ ដោយមិនដឹងថាដីនោះជាដីអ្នកណាពិតប្រាកដ ។ ខ្ញុំសុំឱ្យភាគីទាំងអស់ព្យាយាមដោះស្រាយជម្លោះដីធ្លីនៅក្រៅប្រព័ន្ធតុលាការ”
សម្ដេចបន្ថែមថា ៖
“កំណើនប្រជាពលរដ្ឋកើនឡើងជាបន្តបន្ទាប់ធ្វើឱ្យតម្រូវការដីធ្លីកាន់តែកើនឡើង ហើយការកើនឡើងនៃពលរដ្ឋនេះដែរក៏ធ្វើឱ្យពលរដ្ឋទៅកាប់ព្រៃរុករានយកដីមកបង្កបង្កើនផល សង់ផ្ទះ ជាក់ស្ដែងក្រោយឆ្នាំ១៩៧៩ កម្ពុជាមានប្រជាជនតែ៥លាននាក់តែមកដល់ពេលនេះកំណើនប្រជាជនកើនឡើងដល់១៦លាននាក់ដូច្នេះហើយរឿងវាទដីធ្លីជៀសមិនផុតនោះទេ”
សម្ដេចមិនគាំទ្រដល់តុលាការដែលអាងចាប់ចងមនុស្សពាក់ព័ន្ធនឹងវិវាទដីធ្លី ពីព្រោះថាករណីនេះជាករណីរដ្ឋវប្បវេណី ដែលអាចដោះស្រាយនៅក្រៅប្រព័ន្ធតុលាការបានសោះ ។ សម្ដេចក៏បានអំពាវនាវឱ្យតុលាការពិចារណាក្នុងករណីចាប់មនុស្សពាក់ព័ន្ធនឹងជំលោះដីធ្លី ឬករណីទិញដីខ្យល់ ៕
Account
Security
Favourite Content