សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បើតាមច្បាប់ស្ដីពីហិរញ្ញវត្ថុរបស់កម្ពុជាបានចែងថា ដីដែលមិនប្រើប្រាស់គឺត្រូវបង់ពន្ធជូនរដ្ឋ ដូច្នេះអ្នកដែលមានដីតែមិនបានប្រើប្រាស់ទុកទំនេរដុះស្មៅចោលនោះ គឺត្រូវបង់ពន្ធជូនរដ្ឋទៅតាមទំហំតូចធំ ។ តើកត្តាអ្វីដែលជំរុញឱ្យដីដែលមិនប្រើប្រាស់ត្រូវបង់ពន្ធជូនទៅអគ្គនាយកដ្ឋានពន្ធដារដែរនោះ ?
បើតាមលោក រស់ សារ៉ាក់ ប្រធានការិយាល័យពន្ធអចលនទ្រព្យនៃអគ្គនាយកដ្ឋានពន្ធដារបានមានប្រសាសន៍ថា ពន្ធលើដីធ្លីមិនបានប្រើប្រាស់បង្កើតឡើងក្នុងគោលបំណងទប់ស្កាត់រូបភាពនៃការទិញដីប្រើប្រាស់ ហើយដោយរង់ចាំតម្លៃឡើងថ្លៃដោយលក់យកកម្រៃលើស និងជំរុញការប្រើប្រាស់ដីធ្លីឱ្យសមស្របនឹងការអភិរវឌ្ឍ និងបង្កើនសកម្មភាពសេដ្ឋកិច្ច ដើម្បីបង្កើនកំណើនការងារ និងជាគុណប្រយោជន៍ថវិកាថ្នាក់ក្រោមជាតិ ។
លោកបន្តថា ការប្រមូលពន្ធលើដីធ្លីមិនបានប្រើប្រាស់នេះ គឺត្រូវប្រមូលនៅទូទាំងប្រទេសដោយកំណត់លើដីដែលមានសំណង់ ឬគ្មានសំណង់ ស្ថិតនៅក្នុងទីក្រុងនានា និងក្នុងតំបន់ទាំងឡាយ ដែលកំណត់ដោយគណៈកម្មការវាយតម្លៃដីមិនបានប្រើប្រាស់ ដូចមានចែងនៅក្នុងសេចក្តីសម្រេចលេខ០០៧ ចុះថ្ងៃទី ២៩ ខែ ធ្នូ ឆ្នាំ ២០០៥ ។ ដោយឡែក ក្នុងករណីអចលនទ្រព្យដែលស្នើសុំបង់ពន្ធធ្លាប់បានចុះបញ្ជី និងបានធ្វើបច្ចុប្បន្នភាពព័ត៌មានអចលនទ្រព្យក្នុងប្រព័ន្ធគ្រប់គ្រងទិន្នន័យរបស់អគ្គនាយកដ្ឋានពន្ធដាររួចហើយ នោះកម្មសិទ្ធិករនៃដីជាប់ពន្ធ ឬអ្នកជួលដីពីរដ្ឋគ្រាន់តែភ្ជាប់មកនូវប័ណ្ណសម្គាល់ការបង់ពន្ធអចលនទ្រព្យ ឬបង្កាន់ដៃបញ្ជាក់ការបង់ប្រាក់ពន្ធដែលបានបង់ឆ្នាំចាស់ មករដ្ឋបាលសារពើពន្ធធ្វើការវាយតម្លៃ និងបោះពុម្ពលិខិតប្រកាសបង់ពន្ធលើដីធ្លីមិនបានប្រើប្រាស់ចេញពីប្រព័ន្ធរបស់អគ្គនាយកដ្ឋានពន្ធដារដើម្បីបង់បន្ត ។
លោកបញ្ជាក់ថា បច្ចុប្បន្នអគ្គនាយកដ្ឋានពន្ធដារមិនទាន់បានអនុញ្ញាតឱ្យបង់ប្រាក់ពន្ធនៅតាមរយៈ GDT Taxpayer App នៅឡើយនោះទេ អ្នកជាប់ពន្ធលើដីធ្លីមិនបានប្រើប្រាស់ទាំងអស់ អាចទៅបង់ពន្ធនៅតាមសាខាពន្ធដារខេត្តដែលអចលនទ្រព្យនោះស្ថិតនោះ ហើយប្រសិនបើអចលនទ្រព្យនោះស្ថិតនៅក្នុងរាជធានីភ្នំពេញ អ្នកជាប់ពន្ធអាចទៅបង់ពន្ធនៅអគ្គនាយកដ្ឋានពន្ធដារបាន ប៉ុន្តែនៅពេលខាងមុនអាចនឹងមានដោយសារកំពុងស្ថិតក្នុងដំណាក់កាលសិក្សានៅឡើយ ។
បច្ចុប្បន្ននេះ ការទិញលក់ដីធ្លីនៅក្នុងប្រទេសកម្ពុជា ហាក់មានការថមថយច្រើនជាងមុន ដោយបច្ចុប្បន្ននេះ អ្នកលក់ដីមានច្រើនជាងអ្នកទិញ ដែលធ្វើឱ្យការដោះដូរឬទិញលក់កាន់តែតិច ហើយសកម្មភាពនៃការអភិវឌ្ឍដីធ្លីក៏ហាក់មានការថមថយជាងមុនមួយកម្រិតដែរ ដែលធ្វើឱ្យដីទំនេរមានច្រើនជាងមុនដូចគ្នាដែរ ៕
បើតាមអ្នកនាង គឹម គិនកេសា អគ្គនាយិការងនៃក្រុមហ៊ុន CBRE Cambodia បានឱ្យដឹងថា ម្ចាស់ដីអាចកែប្រែដីទំនេររបស់ខ្លួនដើម្បីកុំឱ្យរដ្ឋគិតពន្ធបានតាមរយៈការប្រើប្រាស់ដីនោះទៅជាដីកសិកម្ម សាងសង់ឃ្លាំងសម្រាប់ជួលក្នុងពេលស្ថានភាពនៃការអភិវឌ្ឍមិនទាន់មកដល់ ។ បើសិនជាម្ចាស់ដីទិញដីទុកអភិវឌ្ឍន៍ ឬកំពុងស្វែងរកដៃគូមកអភិវឌ្ឍន៍តែរកមិនទាន់បាន គាត់អាចប្រើប្រាស់ដីនោះបណ្ដោះអាសន្ន រង់ចាំស្ថានភាពល្អប្រសើរវិញចាំអភិវឌ្ឍន៍នោះទើបមិនអស់ថ្លៃពន្ធដារ ។
Account
Security
Favourite Content