សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តំបន់មួយចំនួនក្នុងខណ្ឌសែនសុខ បាន និងកំពុងទាក់ទាញការវិនិយោគលើលំនៅឋាន និងពាណិជ្ជកម្មដ៏ទាក់ទាញ ស្របនឹងតម្លៃដីធ្លីនៅតំបន់មួយចំនួនក្នុងខណ្ឌនេះ ជាពិសេសតំបន់អភិវឌ្ឍន៍ថ្មីៗ មានការកើនឡើងរហូតដល់៤២០០ដុល្លារអាមេរិកក្នុងមួយម៉ែត្រការ៉េ ។
បើតាមការកត់សម្គាល់ជាក់ស្ដែងឃើញថា តំបន់នៅប៉ែកសង្កាត់ភ្នំពេញថ្មី សង្កាត់ឈ្មួញ កំពុងមានការអភិវឌ្ឍយ៉ាងមមាញឹកទៅលើប្រភេទលំនៅឋានប្រណីត និងពាណិជ្ជកម្ម ដោយឃើញមានបុរីថ្មីៗ នៅបន្តសាងសង់ឡើងក្នុងតំបន់នោះ។ ជាមួយគ្នានោះដែរ តំបន់នេះក៏មានការអភិវឌ្ឍផ្សារទំនើបៗតូចធំជាច្រើន និងមានសកម្មភាពគាំទ្រគួរសមពីប្រជាពលរដ្ឋក្នុងតំបន់ និងប្រជាពលរដ្ឋក្នុងរាជធានីភ្នំពេញទាំងមូល ។
បើតាមអ្នកជំនាញ នៃវិស័យអចលនទ្រព្យ ជាច្រើនលើកឡើងថា ភ្នំពេញថ្មី និងសង្កាត់មួយចំនួនទៀតក្នុងខណ្ឌសែនសុខ នឹងកាន់តែមានភាពទាក់ទាញ ក្នុងពេលបច្ចុប្បន្ន និងពេលអនាគត ដោយសារតែគម្រោងផ្សារទំនើប និងបុរីធំៗជាច្រើន បានបោះទីតាំង និងគ្រោងអភិវឌ្ឍន៍ជាបន្តបន្ទាប់ ។
លោកឧកញ៉ាបណ្ឌិត សំ សុខនឿន អគ្គនាយកក្រុមហ៊ុន KW SAM SN បានមានប្រសាសន៍ថា តំបន់ភ្នំពេញថ្មី នៅពេលអនាគតនេះ នឹងមានការទាក់ទាញកាន់តែខ្លាំងលើការអភិឌ្ឍលំនៅឋានតម្លៃថ្លៃ បែបប្រណីតៗ សម្រាប់អ្នកមានចំណូលខ្ពស់។
លោកឧកញ៉ាបន្តថា ៖ «តំបន់នេះឃើញមានការអភិវឌ្ឍលើហេដ្ឋារចនាសម្ព័ន្ធថ្មីៗច្រើន និងធំៗ ដូច្នេះហើយទើបអ្នកអភិវឌ្ឍន៍ គាត់បានសម្រុកទៅកាន់តំបន់មួយនេះដើម្បីអភិវឌ្ឍន៍គម្រោងរបស់ពួកគេ ជាក់ស្ដែងនៅតំបន់ជុំវិញផ្សារបឹងបៃតង ផ្លូវអ្នកឧកញ៉ាម៉ុងឬទ្ធី និងផ្លូវជាច្រើនក្នុងខណ្ឌសែនសុខ ។ តំបន់នេះ គឺជាតំបន់ដែលមានការអភិវឌ្ឍលើហេដ្ឋារចនាសម្ព័ន្ធច្រើន ដូច្នេះតម្លៃដីធ្លីក៏ឃើញមានការកើនឡើងខ្ពស់ដែរ » ។
បើតាមការវាយតម្លៃរបស់សមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានឱ្យដឹងថាដីធ្លីក្នុងខណ្ឌសែនសុខមានខ្ពស់បំផុតរហូតដល់ ៤ ២០០ដុល្លារអាមេរិកក្នុងមួយម៉ែត្រការ៉េ ក្នុងនោះដែរសង្កាត់ភ្នំពេញ ជាសង្កាត់ដែលមានតម្លៃដីខ្ពស់ជាងគេ ។
តាមការវាយតម្លៃឱ្យដឹងថាសង្កាត់ភ្នំពេញថ្មីមានតម្លៃចន្លោះពី ២៦០០ដុល្លារទៅ៤២០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងដីនៅជាប់ផ្លូវធំៗ និងតម្លៃចន្លោះពី៨៥០ដុល្លារអាមេរិកទៅ១៧០០ដុល្លារអាមេរិកក្នុងមួយម៉ែត្រការ៉េ សម្រាប់ទីតាំងដីដែលនៅជាប់ផ្លូវតូច ៕
Account
Security
Favourite Content