ការលើកលែងយកពន្ធប្រថាប់ត្រាចំពោះអ្នកទិញផ្ទះក្រោម៧ម៉ឺនដុល្លារនឹងជំរុញចរន្តទិញលក់បន្ថែម

ភ្នំពេញ ៖ ដើម្បីសម្រួលដល់ប្រជាពលរដ្ឋដែលមានតម្រូវការលំនៅឋានសម្រាប់ស្នាក់នៅ រាជរដ្ឋាភិបាលបានសម្រេចលើកលែងពន្ធប្រថាប់ត្រាចំពោះអ្នកទិញផ្ទះក្រោមតម្លៃ៧ម៉ឺនដុល្លារអាមេរិករហូតដល់ដំណាច់ឆ្នាំ២០២២ ខណៈដែលអ្នកជំនាញអចលនទ្រព្យមើលឃើញថាការប្រកាសលើកលែងពន្ធប្រថាប់ត្រានេះនឹងជួយជំរុញឱ្យមានចរន្តទិញលក់អចលនទ្រព្យប្រភេទនេះ កាន់តែកើនឡើងបន្ថែមទៀត ។

លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group បានមានប្រសាសន៍ប្រាប់ AMS តាមទូរសព្ទឱ្យដឹងថា ការលើកលែងរបស់អគ្គនាយកដ្ឋានពន្ធដារ ក៏ដូចជារាជរដ្ឋាភិបាលកម្ពុជាចំពោះពន្ធប្រថាប់ត្រាសម្រាប់អ្នកទិញផ្ទះក្រោម៧ម៉ឺនដុល្លារនៅក្នុងឆ្នាំ២០២២នេះ គឺជាបច្ច័យដ៏ល្អសម្រាប់វិស័យអចលនទ្រព្យ ជាពិសេសការទិញលក់ផ្ទះតម្លៃក្រោម៧ម៉ឺនដុល្លារនេះតែម្ដង ។

លោកឧកញ៉ាបន្តថា ៖

“កត្តានេះនឹងជួយឱ្យអ្នកផ្គត់ផ្គង់លំនៅឋានតម្លៃក្រោម៧ម៉ឺនដុល្លារកាត់បន្ថយតម្លៃលក់ ហើយអ្នកទិញកាន់តែមានលទ្ធភាពច្រើនក្នុងការទិញលំនៅឋានប្រភេទនេះសម្រាប់រស់នៅ នឹងធ្វើឱ្យមានការអភិវឌ្ឍលំនៅឋានប្រភេទនេះ កាន់តែច្រើនផងដែរ។ នេះជាបច្ច័យល្អមែនទែន ទាំងអ្នកអភិវឌ្ឍន៍ និងប្រជាពលរដ្ឋមានតម្រូវការលើលំនៅឋានតម្លៃសមរម្យ”

លោកឧញ៉ាបន្ថែមថា ៖

“បច្ចុប្បន្ននេះ សកម្មភាពនៃការទិញលក់លំនៅឋានតម្លៃក្រោម៧ម៉ឺនដុល្លារនេះ យើងមើលឃើញថាមានច្រើនណាស់ ជាក់ស្ដែងយើងបានមើលឃើញហើយថាមានម្ចាស់បុរី អ្នកអភិវឌ្ឍន៍លំនៅឋានជាច្រើនបានចាប់បន្តសាងសង់ អភិវឌ្ឍន៍គម្រោងរបស់ខ្លួនជាបន្តបន្ទាប់ក្នុងប្រទេសកម្ពុជា ហើយក៏មានអ្នកទិញជាហូរហែ ដូចជាគម្រោងផ្ទះវីឡា តម្លៃ ៥ទៅ៦ម៉ឺនដុល្លារ គម្រោងក្រោម៨ម៉ឺនជាច្រើនគម្រោងទៀត ដែលកំពុងមានសកម្មភាពអភិវឌ្ឍន៍ និងផ្គត់ផ្គង់លើទីផ្សារ”

របាយការណ៍របស់ក្រុមហ៊ុនអចលនទ្រព្យអន្តរជាតិ CBRE Cambodia បានឱ្យដឹងថា ក្នុងរយៈពេល៦ខែចុងក្រោយ ទោះបីជាកម្ពុជាប្រឈមមុខនឹងវិបត្តិកូវីដ១៩ក្តី តែគម្រោងលំនៅឋានដែលបានអនុវត្តន៍មានចំនួនរហូតដល់ជិត៤០គម្រោង ដែលបានបង្ហាញថា តម្រូវការលំនៅឋាន នៅតែបន្តមានក្នុងវិបត្តិបែបនេះក្ដី ។

ឯកឧត្តម លី រស្មី អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានមានប្រសាសន៍នាពេលកន្លងមកថា កំណើនប្រជាសាស្ត្រនៅក្នុងទីប្រជុំជន ជាពិសេសនៅរាជធានីភ្នំពេញ បានធ្វើឱ្យតម្រូវការលំនៅឋានកើនឡើងជារៀងរាល់ឆ្នាំ និងទាមទារឱ្យមានការអភិវឌ្ឍដើម្បីផ្គត់ផ្គង់បំពេញទៅតាមតម្រូវការប្រជាជន។  សូមរម្លឹកថា កាលពីចុងសប្ដាហ៍មុននេះ អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុបានចេញសេចក្ដីប្រកាសព័ត៌មានមួយស្ដីពីការលើកលែងពន្ធប្រថាប់ត្រាលើផ្ទេរកម្មសិទ្ធិ ឬទិញ កាន់កាប់អចលនទ្រព្យជាលំនៅឋានគ្រប់ប្រភេទ  ដែលមានតម្លៃស្មើ ឬទាបជាង៧ម៉ឺនដុល្លារអាមេរិករហូតដល់ដំណាច់ខែធ្នូ ឆ្នាំ២០២២នេះ  ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន