សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងពេលវិនិយោគិនបរទេសនៅមិនទាន់មានចំនួនច្រើនចូលមកកម្ពុជាដើម្បីស្វែងរកការវិនិយោគនៅក្នុងវិស័យអចលនទ្រព្យ ក៏ដូចជាវិស័យមួយចំនួនទៀតនោះ សម្រាប់តែទីផ្សារខុនដូត្រូវបានអ្នកជំនាញសិក្សាទីផ្សារអន្តរជាតិសម្លឹងឃើញថា ទីផ្សារខុនដូបាន និងកំពុងផ្ដល់ឱកាសដល់វិនិយោគិនក្នុងស្រុក ដើម្បីទិញទុកចំណេញនៅពេលវិនិយោគិនបរទេសចូលមកកម្ពុជាឡើងវិញ ។
អ្នកជំនាញនៃវិស័យអចលនទ្រព្យជាច្រើនបានលើកឡើងថា ក្នុងរយៈពេល២ឆ្នាំកន្លងមកនេះ ទីផ្សារខុនដូបានជួបប្រទះនឹងបញ្ហាមួយចំនួន ដោយសារខុនដូត្រូវពឹងលើជនបរទេស ហើយនៅពេលនេះជនបរទេសមិនអាចចូលមកកម្ពុជាបានពីព្រោះតែកូវីដ១៩ ដូច្នេះទីផ្សារមួយចំណែកធំនៅកម្ពុជាត្រូវពឹងផ្អែកស្ទើរតែទាំងស្រុងទៅលើអតិថិជនជាអ្នកក្នុងស្រុកជំនួសវិញ ដូច្នេះបានធ្វើឱ្យអ្នកផ្គត់ផ្គង់ខុនដូមួយចំនួនបញ្ចុះតម្លៃ និងផ្តល់លក្ខខណ្ឌងាយស្រួលជាច្រើន ដែលជាហេតុធ្វើឱ្យអ្នកក្នុងស្រុកអាចមានឱកាសក្នុងការទិញខុនដូដើម្បីទុកយកចំណេញនៅពេលអនាគត ។
អ្នកនាង គឹម គិនកេសា អ្នកគ្រប់គ្រងផ្នែកស្រាវជ្រាវទីផ្សារជាន់ខ្ពស់នៃក្រុមហ៊ុនអចលនទ្រព្យអន្តរជាតិ CBRE Cambodia បានឱ្យដឹងថា ទីផ្សារខុនដូក្នុងឆ្នាំ២០២០ និងឆ្នាំ២០២១កន្លងទៅ បានរងផលប៉ះពាល់មួយចំនួន ហើយបានបន្តប៉ះពាល់ដល់ឆ្នាំ២០២២នេះ ។ ការប៉ះពាល់ទៅលើទីផ្សារខុនដូនេះដែរ បានធ្វើឱ្យតម្លៃខុនដូមួយចំនួនធ្លាក់ចុះដោយខុនដូកម្រិតខ្ពស់បានធ្លាក់មកនៅក្នុងតម្លៃលក់នៃខុនដូកម្រិតមធ្យមក៏មាន ដូច្នេះទើបធ្វើឱ្យវិនិយោគិនក្នុងស្រុកជាអ្នកទិញខុនដូជំនួសជនបរទេស ។
អ្នកនាងបន្តថា តាមការសិក្សារបស់ក្រុមហ៊ុន CBRE បានបង្ហាញថា ទីផ្សារខុនដូ បន្តមានបញ្ហានៅក្នុងត្រីមាសទី១នៃឆ្នាំ២០២២នេះ ដែលធ្វើឱ្យការផ្គត់ផ្គង់ខុនដូមានដំណើរការយឺតយ៉ាវ ដូច្នេះមិនថាអ្នកទិញ និងអភិវឌ្ឍន៍ខុនដូគឺភាគច្រើនជាជនជាតិខ្មែរ ។
លោក រិន ច័ន្ទរឹទ្ធ អគ្គនាយកនៃក្រុមហ៊ុនអចលនទ្រព្យ DNZ Realty ក៏បានលើកឡើងផងដែរថា នៅក្នុងឆ្នាំ២០២០ និង២០២១ កន្លងទៅអ្នកទិញខុនដូភាគច្រើនជាជនជាតិខ្មែរជាអ្នកក្នុងស្រុក ដូច្នេះហើយអ្នកដែលមានលទ្ធភាពទិញខុនដូក៏ទិញរួចហើយកាលពីអំឡុងពេលនោះ ទើបមកដល់ឆ្នាំ២០២២នេះ ទីផ្សារខុនដូហាក់មានភាពពិបាកជាងកាលពីឆ្នា២០២០ និងឆ្នាំ ២០២១ទៅទៀត ពីព្រោះតែអ្នកក្នុងស្រុកមានលទ្ធភាពបានទិញរួច និងមិនទាន់មានជនបរទេសចូលមកកម្ពុជាច្រើននៅឡើយ។
លោកបន្តថា ថ្វីត្បិតតែសកម្មភាពសេដ្ឋកិច្ច និងអាជីវកម្មមួយចំនួនក្នុងប្រទេសកម្ពុជា បានងើបឡើងវិញក្រោយពីរាជរដ្ឋាភិបាលកម្ពុជាបានបើកប្រទេសក្ដី តែភ្លាមៗអាជីវករ ដែលរកចំណូលត្រលប់មកវិញក៏មិនទាន់យកទៅបណ្ដាក់ទុនវិនិយោគក្នុងវិស័យអចលនទ្រព្យដូចជាការទិញខុនដូនៅឡើយទេ ពួកគាត់ត្រូវការប្រាក់ចំណូលមួយចំនួនសម្រាប់ផ្គត់ផ្គង់ ឬទប់ទល់នឹងស្ថានភាពគ្រួសារសិន ។ យ៉ាងណាក្ដី អ្នកជំនាញនៃវិស័យខុនដូមួយទៀតគឺលោក ខន គង្គា អគ្គនាយកក្រុមហ៊ុន ERA Cambodia បានបង្ហាញថាទីផ្សារខុនដូកម្ពុជាបានចាប់ផ្ដើមកម្រើកឡើងវិញហើយ ហើយវានឹងកម្រើកឡើងបន្ថែមទៀតនពេលអនាគតឆាប់ៗនេះ ជាមួយនឹងកំណើនអ្នកទិញជាជនជាតិខ្មែរ និងការហូរចូលមកវិញនៃវិនិយោគិនបរទេសមកកាន់កម្ពុជា។ លោកថា
“ប្រជាពលរដ្ឋកម្ពុជានឹងមាននិន្នាការផ្លាស់ទៅរស់នៅក្នុងខុនដូកាន់តែច្រើនជាក់ស្ដែងប្រទេសជិតខាងស្រាប់ ពីមុនអ្នករស់នៅខុនដូជាជនជាតិបរទេសតែក្រោយមកក៏ផ្លាស់មកជាអ្នកក្នុងស្រុកច្រើនទៅវិញ៕”
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនាញ មើលឃើញសេដ្ឋកិច្ចកម្ពុជាបន្តរឹងមាំ ទោះស្ថិតក្នុងវិបត្តិសេដ្ឋកិច្ចសកលក៏ដោយ
អ្នកជំនាញសេដ្ឋកិច្ចវិស័យឯកជនព្រមានពីការចំណាយរបស់ពលរដ្ឋអាម៉េរិកកើនឡើងខ្ពស់ ខណៈមន្ត្រីរដ្ឋាភិបាលនិយាយថា ជាសញ្ញាល្អរបស់សេដ្ឋកិច្ច
Account
Security
Favourite Content