សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី១៣ ខែកុម្ភៈ ឆ្នាំ២០២៥ នៅទីស្តីការក្រសួង បានធ្វើបទបង្ហាញជូនគណៈកម្មាការទី៩ នៃព្រឹទ្ធសភា ដែលដឹកនាំដោយឯកឧត្តម អ៊ុំ សារឹទ្ធ នូវផែនទីឯកភាពការងាររបស់ក្រសួង។
ថ្លែងក្នុងជំនួបសវនាការការងារជាមួយឯកឧត្តម អ៊ុំ សារឹទ្ឋ ប្រធានគណៈកម្មការទី៩ នៃព្រឹទ្ធសភា ក្រសួងរៀបចំដែនដី នគរូបនីយកម្ម និងសំណង់ បានធ្វើបទបង្ហាញពីសមរភូមិទាំង៥ នេះរួមមាន៖
- សមរភូមិទី១៖ ការរៀបចំផ្ទះសំបែងឱ្យរៀបរយ (១.បន្តនិរន្តភាពការងារ និងដំណើរការស្ថាប័ន ២.រក្សាស្មារតីនិងសតិអារម្មណ៍អោយបាននឹងនរ ៣.រក្សាសាមគ្គីភាព ឯកភាពផ្ទៃក្នុង ៤.កសាងបាននូវជំនឿនិងទំនុកចិត្តលើការដឹកនាំជារួម)។
- សមរភូមិទី២៖ ការបង្កើតនូវបរិយាកាសមិនមានវិវាទ (១. ការងារចុះបញ្ជីដីបង្ហើយ ២. ការបញ្ចប់វិវាទដីធ្លី ៣. ការផ្តល់សេវាគាប់ចិត្ត៤. ការកំណត់ និងគ្រប់គ្រងតំបន់បឹងទន្លេសាប ៥. ការរៀបចំ និងគ្រប់គ្រងតំបន់រមណីយដ្ឋានអង្គរ ៦. ការដោះស្រាយវិវាទបុរី៧.ការដោះស្រាយអគារចាស់ទ្រុឌទ្រោម ៨.ការរៀបចំសំណង់មិនរៀបរយ)។
- សមរភូមិទី៣៖ ការកសាង និងពូនជ្រំរដ្ឋបាលសាធារណៈទំនើប ឆ្លាតវៃ និងវាងវៃ (១.ការពង្រឹងសមត្ថភាពមន្ត្រី ២.ការពង្រឹងសមត្ថភាពស្ថាប័ន ៣.ប្រព័ន្ធលើកទឹកចិត្តមន្ត្រី ៤.មូលដ្ឋានថវិកា និងហិរញ្ញវត្ថុ ៥.ការងារកែទម្រង់វិមជ្ឈការ និងវិសហមជ្ឍការ ៦.ការងារអប់រំផ្សព្វផ្សាយ ៧.ការរៀបចំគោលនយោបាយ ច្បាប់ បទប្បញ្ញត្តិ និងលិខិតបទដ្ឋានគតិយុត្តិ និង៨.ការពិនិត្យឡើងវិញ ការវិភាគមុខងារ និងរចនាសម្ព័ន្ធក្រសួង)។
- សមរភូមិទី៤៖ ការងាររៀបចំដែនដី និងនគរូបនីយកម្ម (១.ការងាររៀបចំដែនដី ២.ប្រព័ន្ធគ្រប់គ្រងរដ្ឋបាល ៣.នគរូបនីយកម្មនិងការកសាងទីប្រជុំជន ៤.ការរៀបចំរបៀងនិងប៉ូលសេដ្ឋកិច្ចទាំង ៨តំបន់ ៥.កិច្ចការតំបន់ឆ្នេរសមុទ្រកម្ពុជា ៦.ការងារលំនៅឋាន និង៧.ការងារសម្បទានសង្គមនិងសេដ្ឋកិច្ច)។
- សមរភូមិទី៥៖ ស្ថាបត្យកម្មខ្មែរនាសហសម័យកម្ពុជា ផ្តោតលើ ១ សុវត្ថិភាព គុណភាព និងសោភណភាព ២. រចនាបទ និងការឌីសាញសហសម័យ ៣. ច្បាប់ស្តីពីសំណង់ឆ្នាំ២០១៩ ៤.ការគ្រប់គ្រងអ្នកវិជ្ជាជីវៈក្នុងវិស័យសំណង់និងស្ថាបត្យកម្ម។ កម្ពុជារុងរឿង (១.វេទិការាជរដ្ឋាភិបាល-វិស័យឯកជន ២.ក្រុមការងារផ្នែកសំណង់និងអចលនទ្រព្យ ក្រុម “ឌ”៣.ឧស្សាហកម្មគ្រឿងផ្គុំសំណង់ ៤.ឧស្សាហកម្មគ្រឿងលម្អផ្ទះ ៥.ឧស្សាហកម្មគ្រឿងសង្ហារឹម ៦.ឧស្សាហកម្មអចលនទ្រព្យ ៧.ឧស្សាហកម្មធនាគារនិងហិរញ្ញវត្ថុ ៨.ឧស្សាហកម្មប្រាក់កម្ចី ៩.ការធ្វើពិពិធកម្មសេដ្ឋកិច្ច និងការបង្កើនភាពប្រកួតប្រជែង និង១០.ការងារផ្សព្វផ្សាយ)។ ក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ខេត្តកែប ខេត្តកំពត គិតគូរពីភូមិសាស្រ្តនយោបាយ សេដ្ឋកិច្ច សង្គម។
នៅក្នុងជំនួបសវនាការនេះ ក្រសួងក៍បានគូសបញ្ជាក់នូវចំណុចមួយចំនួនដែលគណៈកម្មាការទី៩ នៃព្រឺទ្ធសភា សុំអោយក្រសួងធ្វើការបកស្រាយបញ្ជាក់បន្ថែមផងដែរ៕
Account
Security
Favourite Content