បណ្ដាខេត្តជាប់ផ្លូវជាតិលេខ​៥ ​នឹងមានសក្ដានុពល​ខ្ពស់​ក្រោយផ្លូវ​សាងសង់រួច​រាល់​

ភ្នំពេញ ៖ បណ្ដាខេត្តដែលស្ថិតនៅ​ជាប់ផ្លូវជាតិលេខ​៥ ដូចជា ​ខេត្តកំពង់ឆ្នាំង ពោធិ៍សាត់ បាត់ដំបង ​​​និងបន្ទាយមានជ័យ ត្រូវបានរំពឹងថា​ នឹង​មានសក្ដានុពល​ខ្ពស់​ក្នុងការទាក់ទាញ​វិនិយោគិន​បណ្ដាក់ទុនវិនិយោគ​នៅពេល​ផ្លូវ​នេះ​បញ្ចប់កា​រសាងសង់ទាំងស្រុង​នាពេលខាងមុខនេះ ។​

ផ្លូវជាតិលេខ​៥ ដែលកាត់តាមបណ្តា​ខេត្ត​មួយចំនួនស្ថិត​នៅប៉ែកខាងជើ​ង​រាជធានីភ្នំពេញ​បាន​សាងសង់​រួច​ខ្លះៗហើយ ដែល​ធ្វើឱ្យការ​ធ្វើ​ដំណើ​ររបស់ប្រជាពលរដ្ឋ​មានភាពរអាក់រអួល​បន្តិ​ចបន្តួច ប៉ុន្តែការ​វិនិយោគនៅតាមបណ្ដោយផ្លូវនេះ ជាពិសេស​នៅតំបន់​ដែល​នៅជិតរាជធានីភ្នំពេញ​​ចាប់ផ្ដើម​មានការ​វិនិយោគ​បន្តបន្ទាប់​ហើយ ជាពិសេសគម្រោងអភិវឌ្ឍលំនៅដ្ឋាន និងវិស័យឧស្សាហកម្មរោងចក្រ។

​បើគេក្រឡេក​ទៅមើល​តំបន់ដែល​ចេញពីស្ពានព្រែកព្នៅ​ទៅស្ពាន​ព្រែក​​ក្ដាម​ឃើញថា​មានក្រុមហ៊ុនវិនិយោគទុន​ជាតិ ​និងអន្តរជាតិ​ជាច្រើន​បាន​រៀបចំ និងកំពុង​អភិវឌ្ឍន៍​គម្រោងរបស់ខ្លួនជា​បន្តបន្ទាប់ ដោយ​ក្នុ​ង​នោះ​មា​ន​គម្រោ​ង​អ​ភិវឌ្ឍន៍លំនៅឋាន តំបន់ពាណិជ្ជកម្ម និង​គម្រោងរោងចក្រ​សហគ្រាស​នានា​ ។​

អ្នកស្រី​ អាន សុធីតា ​នាយិកា​ប្រតិបត្តិ​ក្រុមហ៊ុន​ PropNex Cambodia បានមានប្រសាសន៍ថា​ តំប​ន់​ស្ថិតនៅតា​ម​ប​ណ្ដោ​​​​​យ​ផ្លូវជាតិលេខ​៥នេះ​នឹង​ក្លាយជា​តំបន់ដែល​មានការទាក់ទាញលើ​វិស័យឧស្សាហកម្ម​ ពីព្រោះ​ថា​តំបន់​ទាំង​នេះ​គឺងាយស្រួល​ក្នុងកា​រដឹកជញ្ជូន​ទំនិញ​ចេញ​ចូលទៅកាន់ច្រកព្រំដែនកម្ពុជា​-ថៃ​ ។

អ្នកស្រីបន្តថា​ ៖

“តំបន់​តាមបណ្ដោយផ្លូវ​នេះ​​ត្រូវការពេលវេលា​បន្តិច ​ដើម្បីទាក់ទាញឱ្យមានការ​វិនិយោគលើ​ឧស្សាហកម្ម​និង​វិស័យ​ផ្សេងទៀត​បានកាន់តែច្រើន​ ស្របនឹង​ផ្លូវមិនទាន់រួចរាល់​ទាំងស្រុង​ ប៉ុន្តែក្រោយពេលគម្រោងរួច​រាល់​ពេលណា​នោះ អាចនឹងមានការ​បណ្ដាក់ទុនវិនិយោគ​នៅតាមតំបន់នោះ។”

ជាការ​កត់សម្គាល់ នៅតំបន់ណាដែលមានការអភិវឌ្ឍ​ហេដ្ឋារចនាសម្ព័ន្ធ តំបន់នោះតែងតែមានការទាក់ទាញ​លើ​ការ​វិនិយោគជាមួយនឹង​ការឡើង​ថ្លៃនៃតម្លៃដី ហើយផ្លូវជាតិលេខ​៥នេះដែរ ក៏រំពឹងថា​នឹងមានកំណើន​នៃ​ការ​វិនិយោគ និង​តម្លៃដី​ដូចគ្នា​ ក្រោយពីផ្លូវ​មួយខ្សែនេះបានសម្រេច​រួចរាល់ទាំងស្រុង។

គួររំលឹកផងដែរថា ឯកឧត្តម ​ស៊ុន ចាន់ថុល ទេសរដ្ឋមន្ត្រី​ និងជារដ្ឋមន្ត្រីក្រសួ​ងសាធារណការ ​និងដឹកជញ្ជូនធ្លាប់​បានថ្លែង​ថា​ ការ​អភិ​វ​ឌ្ឍ​​ហេដ្ឋារចនាសម្ព័ន្ធផ្លូវ បានផ្ដល់​ប្រយោជន៍ជាច្រើនដល់សេដ្ឋកិច្ចជាតិ ដោយក្នុងនោះក្រៅពីការ​ធ្វើដំណើ​រងាយស្រួល ​លឿន​រហ័ស​ ការសាងសង់​ហេដ្ឋារចនាសម្ព័ន្ធ ក៏នឹង​ទាក់ទាញឱ្យវិនិយោគិន​ជាតិ និងអន្តរជាតិ​ដាក់ទុន​វិនិយោគ​នៅតាមបណ្ដោយផ្លូវនោះផងដែរ ជាក់​ស្ដែង​ដូ​ចបានឃើញកន្លងមក តំបន់ណាដែលមានផ្លូវធំទូលាយ​ស្អាត តែងតែមានវិនិយោគិន​បណ្ដាក់ទុនវិនិយោគ ដូចជា​ រោងចក្រ សហគ្រាស​នានា​ជាដើម ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​រំពឹង​សម្រេច​កំណើន​សេដ្ឋកិច្ច​ ៤​%​ ​នៅ​ឆ្នាំ​ ២០២៦ ​និង​កើន​ដល់​ ៤​,​៨​%​​ នៅ​ឆ្នាំ ​២០២៧

ព្រឹត្តិការណ៍, សេដ្ឋកិច្ច

• 17/11/2026

សេដ្ឋកិច្ច​កម្ពុជា​ត្រូវ​បាន​ព្យាករ​ថា​នឹង​សម្រេច​កំណើន​ក្នុង​រង្វង់​ ៤​%​ ​នៅ​ឆ្នាំ ​២០២៦ ​និង​បន្ត​កើន​ដល់​ ៤​,​៨​%​ ​នៅ​ឆ្នាំ​២០២៧ ​ដោយ​រាជ​រដ្ឋាភិបាល​គ្រោង​ប្រមូល​ចំណូល​ថវិកា​រដ្ឋ​ប្រមាណ​ ​១៥​,​២៤​%​ ​នៃ​ផលិតផល​ក្នុង​ស្រុក​សរុប​ ​(​ផ.ស.ស.​) ​និង​កំណត់​ចំណាយ​សរុប​ថ្នាក់​ជាតិ​ក្នុង​ទំហំ​ ១៥​,​៨៩​%​ ​នៃ​ ​ផ.​ស.ស. ​ដើម្បី​រក្សា​លំនឹង​សង្គម​-​សេដ្ឋកិច្ច​ ​និង​គាំទ្រ​កំណើន​ក្នុង​បរិការណ៍​នៃ​ភាព​មិន​ប្រាកដប្រជា

កិច្ច​សហការ​បច្ចេកវិទ្យា​ថ្មី​​ ៣ ​ជំរុញ​សន្តិសុខ​សាយប័រ ​AI ​និង​បរិវត្ត​កម្ម​ឌីជីថល​នៅ​កម្ពុជា​

ព្រឹត្តិការណ៍, សេដ្ឋកិច្ច

• 17/11/2026

ក្រុមហ៊ុន​ ​មេគង្គណិត ​បាន​ចុះ​អនុស្សរណៈ​នៃ​ការ​យោគយល់​ចំនួន​ ៣ ​ជាមួយ​ក្រុមហ៊ុន​បច្ចេកវិទ្យា​អន្តរជាតិ​ ​និង​ដៃគូ​ក្នុង​ស្រុក ​ដើម្បី​ពង្រីក​សេវា​សន្តិសុខ​សាយប័រ ​ពង្រឹង​ការ​តភ្ជាប់​មជ្ឈមណ្ឌល​ទិន្នន័យ​ ​និង​ជំរុញ​ការ​ប្រើប្រាស់​បច្ចេកវិទ្យា​បញ្ញា​សិប្បនិម្មិត ​(​AI​)​ ​និង​ដំណោះស្រាយ​ឌីជីថល​នៅ​កម្ពុជា

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

រដ្ឋមន្ត្រី កសិកម្ម អញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ក្នុងព្រឹត្តិការណ៍អម «ហ្វ្រង់កូតិច-FrancoTech»

ព្រឹត្តិការណ៍, សេដ្ឋកិច្ច

• 16/11/2026

ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ស្តីពី «AgriTech and Food Security» ក្នុងព្រឹត្តិការណ៍អម «ហ្វ្រង់កូតិច-FrancoTech» នៃកិច្ចប្រជុំហ្វ្រង់កូហ្វូនី លើកទី២០ ឆ្នាំ២០២៦។

​CSX​ ​ទទួល​បាន​សញ្ញា​បណ្ណ​ហេដ្ឋារចនាសម្ព័ន្ធ​បៃតង​ថ្មី​​ កៀរ​គរ​ទុន​រយៈពេល​វែង​ជិត​ ​១០០ ​លាន​ដុល្លារ​

ព្រឹត្តិការណ៍, សេដ្ឋកិច្ច

• 16/11/2026

ផ្សារ​មូលបត្រ​កម្ពុជា​ ​(​CSX​)​ ​បាន​ទទួល​ក្រុមហ៊ុន​ SchneiTec ​Jupiter ​Co​.​,​ Ltd​. ​ចុះ​បញ្ជី​លក់​សញ្ញា​បណ្ណ​ហេដ្ឋារចនាសម្ព័ន្ធ​បៃតង ​ដោយ​អាច​កៀរ​គរ​ទុន​រយៈពេល​វែង​បាន​ប្រមាណ​ ​១០០​ លាន​ដុល្លារ​អាម៉េរិក​ ​ដែល​នឹង​រួមចំណែក​គាំទ្រ​ដល់​ការ​វិនិយោគ​លើ​ហេដ្ឋារចនាសម្ព័ន្ធ​ថាមពល​ស្អាត ​និង​ការ​អភិវឌ្ឍ​សេដ្ឋកិច្ច​បៃតង​នៅ​កម្ពុជា

អ្នក​ជំនាញ​៖​ ​ដំណើរ​ទស្សនកិច្ច​របស់​ប្រធានាធិបតី​បារាំង បើក​ឱកាស​នយោបាយ ​និង​សេដ្ឋកិច្ច​ថ្មី​សម្រាប់​កម្ពុជា​

ព្រឹត្តិការណ៍, សេដ្ឋកិច្ច

• 16/11/2026

​អ្នក​ជំនាញ​ប្រវត្តិសាស្ត្រ ​និង​នយោបាយ​កម្ពុជា​ ​លោក​សាស្ត្រាចារ្យ​ ​ឥន សុផល ​មើល​ឃើញ​ថា​ ​ដំណើរ​ទស្សនកិច្ច​ផ្លូវការ​របស់​ឯកឧត្តម​ ​Emmanuel ​Macron ​ប្រធានាធិបតី​បារាំង ​មកកាន់​កម្ពុជា​ចាប់​ពី​ថ្ងៃ​ទី​១៤ ​ដល់​ថ្ងៃ​ទី​១៦​ ​ខែ​វិច្ឆិកា ​ឆ្នាំ​២០២៦ ​និង​ការ​ចូលរួម​កិច្ច​ប្រជុំ​កំពូល​ហ្វ្រង់​កូហ្វូនី​លើក​ទី​២០ ​នឹង​ផ្តល់​អត្ថប្រយោជន៍​ជា​ច្រើន​ដល់​កម្ពុជា​ ទាំង​ផ្នែក​នយោបាយ​ ​និង​សេដ្ឋកិច្ច

មេដឹកនាំ​បារាំង ​និង​កាណាដា ​ជំរុញ​កិច្ច​សហប្រតិបត្តិការ​ហ្វ្រង់​កូហ្វូនី ​និង​បច្ចេកវិទ្យា​ ​AI

ព្រឹត្តិការណ៍, សេដ្ឋកិច្ច

• 16/11/2026

​នាយករដ្ឋមន្ត្រី​កាណាដា ​លោក​ ​Mark ​Carney ​និង​ប្រធានាធិបតី​បារាំង ​លោក​ ​Emmanuel ​Macron ​បាន​ជំរុញ​ឱ្យ​មាន​ការ​ពង្រឹង​កិច្ច​សហប្រតិបត្តិការ​ក្នុង​សហគមន៍​ហ្វ្រង់កូហ្វូនី ​ជាពិសេស​លើ​វិស័យ​បច្ចេកវិទ្យា​ ​ពាណិជ្ជកម្ម​ ​និង​បញ្ញា​សិប្បនិម្មិត ​(​AI​)​ ​

បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ

Top News, ព្រឹត្តិការណ៍, សេដ្ឋកិច្ច

• 16/11/2026

ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព