សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្របពេលដែលរដ្ឋាភិបាលឥណ្ឌាប្រកាសគាំទ្រជាគម្រោងហិរញ្ញវត្ថុដែលមានតម្លៃរាប់សិបពាន់លានដុល្លារក្នុងផែនការអភិវឌ្ឍវិស័យបច្ចេកវិទ្យាឆ្លាតវ៉ៃ AI នោះ ក្រុមហ៊ុនថាមពលដ៏ធំមួយរបស់ប្រទេសដែលមានមូលដ្ឋាននៅក្នុងទីក្រុងម៉ុមបៃបានប្រកាសពីគម្រោងសាងសង់អគារមជ្ឈមណ្ឌលផ្ទុកទិន្នន័យដ៏ធំបំផុតមួយរបស់ពិភពលោកនៅពេលខាងមុខនេះ។
Reliance Industries ជាក្រុមហ៊ុនដែលកាន់កាប់មហាសេដ្ឋីពាន់លានដុល្លារ លោក Mukesh Ambani ក្នុងនាមជាប្រធានគ្រប់គ្រងផ្ទាល់មួយនេះបានអះអាងថា ខ្លួនបានទទួលកិច្ចសហការជាដៃគូជាមួយនឹងក្រុមហ៊ុនដែលអ្នកផលិតបន្ទះឈីបល្បីបំផុតរបស់ពិភព លោក Nvidia ដើម្បីអនុវត្តផែនការកសាងមជ្ឈមណ្ឌលមួយនេះដោយវាមានទីតាំងស្ថិតនៅក្នុងទីក្រុង Jamnagar ភាគខាងលិចនៃប្រទេសឥណ្ឌា។
ក្រុមហ៊ុនដដែលនេះក៏ធ្លាប់បានប្រកាសកាលពីឆ្នាំកន្លងទៅផងដែរថា នឹងរៀបចំក្រុមការងារដើម្បីផលិតឲ្យបាននូវកំពូលកំព្យូទ័រទំនើបបំផុត (Supercomputer) នៅក្នុងប្រទេសឥណ្ឌាដើម្បីកសាងហេដ្ឋារចនាសម្ព័ន្ធបច្ចេកវិទ្យា AI គ្រប់ប្រភេទនៅទូទាំងប្រទេស។
គួរឲ្យដឹងដែរថា កាលពីពេលកន្លងទៅថ្មីៗនេះ រដ្ឋាភិបាលទីក្រុងញូវដេលីបានទម្លាក់កញ្ចប់ថវិកាជាតិប្រមាណជា ១,២ពាន់លានដុល្លារបន្ថែមទៀតដើម្បីជួយគាំទ្រផ្នែកហិរញ្ញវត្ថុទៅដល់គម្រោងអភិវឌ្ឍ AI នានានិងក្រុមហ៊ុនទាំងឡាយដែលមានពាក់ព័ន្ធទៅនឹងវិស័យដ៏មានសក្តានុពលមួយនេះ។
មកទល់បច្ចុប្បន្ននេះ ឥណ្ឌា សម្រេចបានលទ្ធផលជាច្រើនរួចមកហើយជុំវិញគម្រោងកសាងមជ្ឈមណ្ឌលទិន្នន័យធំៗនៅក្នុងប្រទេសដែលក្នុងនោះមានដូចជា អគាររបស់ក្រុមហ៊ុន CtrlS ដែលផ្តល់សេវាកម្ម cloud ធំបំផុតរបស់ប្រទេសបន្ទាប់ពីមជ្ឈមណ្ឌលមួយស្ថិតមួយនៅក្នុងរដ្ឋ Gujarat។
ស្ថាបនិកក្រុមហ៊ុនផលិតឈីប Nvidia លោក Jensen Huang ធ្លាប់បានលើកឡើងកាលពីឆ្នាំកន្លងទៅថា ៖វាជារឿងត្រឹមត្រូវនៅពេលដែលប្រទេសឥណ្ឌាចាប់ផ្តើមផលិតបច្ចេកវិទ្យា AI ដោយខ្លួនឯង។ ឥណ្ឌាមិនគួរធ្វើជាអ្នកលក់ទិន្នន័យដែលទិញយកបច្ចេកវិទ្យាឆ្លាតវ៉ៃពីខាងក្រៅនោះទេ ព្រោះសព្វថ្ងៃនេះ ប្រទេសឥណ្ឌាក៏ត្រូវបានគេទទួលស្គាល់ថាជាប្រទេសដែលមានហេដ្ឋារចនាសម្ព័ន្ធតភ្ជាប់ល្អជាងគេបំផុតផ្នែកបច្ចេកវិទ្យាឌីជីថល ពោលគឺបន្ទាប់តែពីសហរដ្ឋអាមេរិក និងមហាយក្សចិនប៉ុណ្ណោះ៕
Account
Security
Favourite Content