សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងរយៈពេលប៉ុន្មានឆ្នាំចុងក្រោយនេះ តំបន់នៅតាមបណ្ដោយផ្លូវមហាវិថីចោមចៅ ឬហៅថាផ្លូវវេងស្រេង បាននិងកំពុងកែប្រែមុខមាត់បន្តិចម្ដងៗ ពីតំបន់ឧស្សហកម្មទៅជាតំបន់ពាណិជ្ជកម្មដ៏ទាក់ទាញ និងមានការអភិវឌ្ឍជាផ្សារទំនើបៗ រួមទាំងអគារការិយាល័យ ជាពិសេសផ្ទះអាជីវកម្មជាច្រើនបានលេចរូបរាងជាបន្តបន្ទាប់នៅតាមបណ្ដោយផ្លូវដ៏សំខាន់នេះផងដែរ។
បើតាមអ្នកជំនាញអចលនទ្រព្យជាច្រើនបានលើកឡើងថា ការរីកចម្រើននៃទីក្រុង បានធ្វើឱ្យអតីតតំបន់ជាយក្រុងក្លាយជា តំបន់អភិវឌ្ឍន៍ហើយវាកាន់តែសាយទៅកាន់តំបន់ជាយក្រុងឆ្ងាយៗបន្តបន្ទាប់ ហើយអាជីវកម្មនៅកណ្ដាលក្រុងក៏បានរាលដាលទៅកាន់តំបន់ជាយក្រុងដើម្បីបំពេញតម្រូវការរបស់ប្រជាជន ។
លោក ប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance Real Estate បានមានប្រសាសន៍ថា តំបន់ផ្លូវវេងស្រេងត្រូវបានគេដឹងថា ជាតំបន់ឧស្សាហកម្ម និងមានបណ្ដុំរោងចក្រច្រើន ដូច្នេះហើយទើបតំបន់នេះ សំបូរទៅដោយកម្មករ កម្មការិនីរស់នៅ។ ប៉ុន្តែមកដល់ពេលនេះ វេងស្រេងបានផ្លាស់ប្តូរបន្តិចម្ដងៗ ដោយមានផ្សារទំនើប មានអគារការិយាល័យ និងអាចក្លាយជាតំបន់ពាណិជ្ជកម្មដ៏ទាក់ទាញមួយនៅពេលអនាគតខាងមុខនេះ។
លោកបន្តថា ទោះជាយ៉ាងនេះក្តី ការផ្លាស់ប្តូរសក្ដានុពលតំបន់មួយត្រូវការពេលវេលាបន្តិច ហើយបើទោះបីជាវេងស្រេងពេលនេះមានសកម្មភាពពាណិជ្ជកម្មក្ដីក៏មិនអាចបំបាត់ចោលនូវសកម្មភាពក្នុងវិស័យឧស្សាហកម្មបានលឿនដែរ។ លោកបន្ថែមថា កត្តាការអភិវឌ្ឍហេដ្ឋារចនាសម្ព័ន្ធនៅតាមបណ្ដោយផ្លូវវេងស្រេង និងតំបន់ជុំវិញនោះ បានធ្វើឱ្យតំបន់នេះ មានការប្រែប្រួលបន្តិចម្ដងៗ ហើយអ្នកអភិវឌ្ឍន៍លំនៅឋានជាច្រើនក៏បានទៅកាន់តំបន់នោះដើម្បីផ្គត់ផ្គង់លំនៅឋានសម្រាប់ផ្គត់ផ្គង់ទៅតាមតម្រូវការដែរ។
បើតាមផែនការរបស់រដ្ឋបាលធានីភ្នំពេញ តំបន់នេះនឹងគ្រោងប្រែក្លាយពីតំបន់ឧស្សាហកម្មទៅជាតំបន់ពាណិជ្ជកម្ម ដោយបង្វែររោងចក្រនៅតំបន់នេះទៅតំបន់ជាយក្រុង។ ចំពោះទីតាំងថ្មីដែលគេមើលឃើញថាអាចទាក់ទាញរោងចក្រចេញពីភ្នំពេញនិងទាក់ទាញរោងចក្រថ្មីៗនោះ គឺតំបន់តាមផ្លូវ៥១នៃខេត្តកំពង់ស្ពឺ ដោយមានការរៀបចំបណ្ដើរៗហើយ ។
លោកអ៊ឹង ប៊ុនហួត ប្រធានផ្នែកទីផ្សារនៃក្រុមហ៊ុនអចលនទ្រព្យ PIXIU Property បានឱ្យដឹងថា សកម្មភាពនៃការអភិវឌ្ឍរោងចក្រឧស្សាហកម្មនៅតាមបណ្ដោយផ្លូវ៥១ឃើញថាមានភាពមមាញឹកកាន់តែខ្លាំង ជាពិសេសនៅក្រោយពេលរដ្ឋាភិបាលបានបើកប្រទេសជំរុញសកម្មភាពសេដ្ឋកិច្ចឡើងវិញកាលពីចុងឆ្នាំ២០២១។ រដ្ឋាភិបាលបានត្រៀមរៀបចំទីតាំងនៅតំបន់ផ្លូវ ៥១ ទុកសម្រាប់ទទួលរោងចក្រដែលនឹងរើចេញពីភ្នំពេញ និងសម្រាប់បង្កើតរោងចក្រថ្មីៗផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អ្នកជំនាញកសិកម្ម ៖ El Niño អាចនឹងអាក្រក់ជាងពេលណាៗទាំងអស់ ប៉ុន្ដែប្រព័ន្ធសុវត្ថិភាពស្បៀងបម្រុងកម្ពុជានៅតែរឹងមាំ
Top News, ព្រឹត្តិការណ៍, សេដ្ឋកិច្ច
• 06/11/2026
El Niño មិនប៉ះប្រព័ន្ធសុវត្ថិភាពស្បៀងបម្រុងកម្ពុជាទេ
ក្នុងត្រីមាសទី៣ តម្លៃជួញដូរភាគហ៊ុននៅកម្ពុជាកើនឡើងជិត ៥ដង មានទំហំជិត ១លានដុល្លារក្នុងមួយថ្ងៃ
ព្រឹត្តិការណ៍, សេដ្ឋកិច្ច, ហិរញ្ញវត្ថុ
• 06/11/2026
ភ្នំពេញ ៖ សកម្មភាពជួញដូរនៅលើទីផ្សារមូលបត្រកម្ពុជា (CSX) បានស្ទុះកើនឡើងខ្លាំង ដោយតម្លៃជួញដូរជាមធ្យមប្រចាំថ្ងៃនៅក្នុងត្រីមាសទី៣ ឆ្នាំ២០២៦ មានការកើនឡើងដល់ ៣.៣ ពាន់លានរៀល (ប្រមាណ ០.៨ លានដុល្លារអាមេរិក) ឬកើនឡើងប្រមាណជិត ៥ដង បើធៀបនឹងតម្លៃជួញដូរជាមធ្យមប្រចាំថ្ងៃក្នុងរយៈពេល ៦ ត្រីមាសមុន ពោលគឺត្រីមាសទី ១
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content