សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រោមកិច្ចខិតខំប្រឹងប្រែងស្រាវជ្រាវដោយក្រុមការងារបច្ចេកវិទ្យានៃសកលវិទ្យាល័យ Delft University of Technology ប្រទេសហូឡង់ នៅទីបំផុតគំរូម៉ូឌែលថ្មីនៃយន្តហោះផ្ទុកអ្នកដំណើរត្រូវបានឆ្លងកាត់សាកល្បងទទួលលទ្ធផលគួរជាទីគាប់ចិត្ត និងសង្ឃឹមថាអាចជួយកាត់បន្ថយការបំពុលអាកាសបានយ៉ាងច្រើននាពេលអនាគត។
The Flying V ជាយន្តហោះធ្វើដំណើរប្រភេទថ្មី និងមានរូបរាងខុសដាច់ស្រឡះពីយន្តហោះធ្វើដំណើរនាពេលបច្ចុប្បន្ន ប៉ុន្តែសមត្ថភាពដ៏អស្ចារ្យរបស់វាគឺពិតជាគួរឲ្យសរសើរ ជាពិសេសអាចកាត់បន្ថយការប្រើប្រាស់ថាមពលឥន្ធនៈដល់ទៅ ២០ភាគរយធៀបទៅនឹងគំរូយន្តហោះធ្វើដំណើរសម័យនេះ។
ប្រសើរជាងការឌីសាញដែលមានតួយន្តហោះតែមួយសម្រាប់ផ្ទុកអ្នកដំណើរនោះ The Flying V បានប្តូររូបរាងជាអក្សរ V ជំនួសវិញ ហើយផ្នែកសងខាងសុទ្ធតែអាចផ្ទុកអ្នកធ្វើដំណើរបានផង និងដើរតួនាទីជាស្លាបរបស់យន្តហោះផង ដែលនេះជាកត្តាសំខាន់ធ្វើឲ្យទំងន់របស់យន្តហោះមានកម្រិតស្រាលជាងយន្តហោះធម្មតា និងប្រើប្រាស់ថាមពលតិចជាង ទាំងការរត់មុនពេលហោះឡើង ទាំងដំណើរការហោះហើរ ក៏ដូចជាការចុះចត ហើយថែមទាំងមានរូបរាងសមស្របទៅនឹងលំហរខ្យល់ទៀតផង។
ការស្រាវជ្រាវ និងអភិវឌ្ឍដោយសកលវិទ្យាល័យ Delft ក្រោមជំនួយគាំទ្រដោយផ្ទាល់ពីសំណាក់ក្រុមហ៊ុន Airbus និង KLM គំរូយន្តហោះថ្មីដែលមានប្រវែងជិត ៣ ម៉ែត្រត្រូវបានធ្វើតេស្តជោគជ័យក្នុងការហោះហើរនាពេលកន្លងមក ហើយរកឃើញថាក្នុងចំនួនផ្ទុកអ្នកធ្វើដំណើរដូចគ្នា ប៉ុន្តែ Flying V អាចស៊ីសាំងតិចជាងដល់ទៅ២០ភាគរយ ហើយមិនត្រឹមតែប៉ុណ្ណោះក៏នឹងអាចបំពាក់បច្ចេកវិទ្យាដើរដោយថាមពលអ៊ីដ្រូសែនជំនួសផងដែរ ដែលវានឹងក្លាយទៅជាផ្នែកដ៏សំខាន់នៃការកាត់បន្ថយការបំពុលអាកាសយ៉ាងខ្លាំងនៅក្នុងវិស័យធ្វើដំណើរតាមអាកាសនាពេលខាងមុខ។
គួរឲ្យដឹងដែរថា បច្ចុប្បន្នការធ្វើដំណើរតាមអាកាសបានបង្កើនការបំពុលអាកាសដល់ទៅ ២,៥ភាគរយនៃការបំពុលសរុបទាំងអស់នៅលើសកលលោក ។ ដូចនេះដើម្បីចូលរួមចំណែកឲ្យបានប្រសិទ្ធភាពនៅក្នុងផែនការកាត់បន្ថយការកើនឡើងនៃកំដៅភពផែនដីដោយសារវិស័យធ្វើដំណើរតាមអាកាស គឺទាមទាចាំបាច់ឲ្យមានការកាត់បន្ថយការបំពុលអាកាសឲ្យបានដល់ទៅ៥០ភាគរយនៅត្រឹមឆ្នាំ២០៥០ខាងមុខ ដោយក្នុងនោះគឺផ្តោតសំខាន់ទៅរកការកាត់បន្ថយការប្រើប្រាស់ថាមពលឥន្ធនៈ និងងាកទៅរកបច្ចេកវិទ្យាហោះហើរដោយថាមពលកកើតឡើងវិញ និងថាមពលប៉ះពាល់តិចដល់បរិស្ថានដូចជាអ៊ីដ្រូសែនជាដើម៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content