សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការធ្វើបណ្ដាំមរតក ឬការផ្ទេរកម្មសិទ្ធិអចលនទ្រព្យពីឪពុកម្ដាយទៅកូនគឺពិតជាមានសារសំខាន់ណាស់នៅពេលអនាគត មិនថាអ្នកមានជីវភាពធូរធា ឬអ្នកមានជីវភាពសមរម្យនោះទេ។ ការមិនធ្វើបណ្ដាំមរតកបែងចែកកូនៗនៅពេលដែលឪពុកម្ដាយនៅពេលមានជីវិត ហើយនៅពេលពួកគាត់អស់ជីវិតទៅ នោះនឹងបន្សល់ទុកឱ្យកូនៗអាចឈ្លោះប្រកែកគ្នាដណ្ដើមទ្រព្យ ។
លោកឧកញ៉ា ចេង ខេង អគ្កនាយកក្រុមហ៊ុន CPL បានថ្លែងកន្លងមកថា មានមូលហេតុមួយចំនួនដែលឪពុកម្ដាយត្រូវរៀបចំបណ្ដាំមរតកសម្រាប់កូនចៅ។ បណ្ដាំមរតកគឺជាឯកសារផ្លូវច្បាប់ដែលនិយាយពីលក្ខខណ្ឌនានា និងសិទ្ធិអ្នកដែលត្រូវទទួលបានមរតក ឬបណ្ដាំផ្សេងៗដែលបានចែងនៅក្នុងផ្លូវច្បាប់ ក្រោយពីឪពុកម្ដាយ ឬអាណាព្យាបាលទទួលមរណភាព ។
លោកឧកញ៉ាបន្តថា ឪពុកម្ដាយ ឬអាណាព្យាបាលភាគច្រើនមិនសូវបានរៀបចំបណ្ដាំមរតកទុកឱ្យកូនចៅមុនពេលពួកគាត់ចាកចេញនោះទេ ហើយដើម្បីចៀសវាងនូវភាពស្រពិចស្រពិលផ្សេងៗ លោកអ្នកត្រូវធ្វើការសម្រេចចិត្ត និងបែងចែកទ្រព្យនោះឱ្យរួចរាល់ មុនពេលដែលលាចាកលោកទៅ ។ ការដែលមិនធ្វើបណ្ដាំមរតកត្រឹមត្រូវ នៅពេលលោកអ្នកលាចាកលោកទៅ នោះកូនចៅនឹងអាចទាស់ទែងដណ្ដើមទ្រព្យគ្នា។
លោកបន្តទៀតថា នៅពេលលោកអ្នកមិនបានធ្វើបណ្ដាំមរតក ទ្រព្យសម្បត្តិទាំងអស់នឹងត្រូវចាត់ចែងតាមច្បាប់ ហើយការចាត់ចែងបែបនេះ នឹងធ្វើឱ្យមានការចំណាយប្រាក់ច្រើន និងត្រូវខាតពេលវេលាយូរទៀតផងដែរ ដូច្នេះហើយ ទើបគេឱ្យលោកអ្នកត្រូវធ្វើបណ្ដាំមរតកមុននឹងលាចាកលោកទៅ ។
បើតាមលោក ង៉ែត ឆៃលាង អនុប្រធាននាយកដ្ឋានពន្ធចលនទ្រព្យ និងអចលនទ្រព្យ នៃអគ្គនាយកដ្ឋានពន្ធដារ បានលើកឡើងផងដែរថា នៅរាល់ពេលមានការផ្ទេរកម្មសិទ្ធិពីម្ចាស់ទ្រព្យទៅម្ចាស់ទ្រព្យមួយទៀត គឺតម្រូវឱ្យបង់ពន្ធ ហើយបើតាមច្បាប់គឺត្រូវគិតពន្ធ ៤ភាគរយនៃតម្លៃអចលនទ្រព្យ ។ ប៉ុន្តែសម្រាប់ការផ្ទេរកម្មសិទ្ធិពីឪពុកម្ដាយទៅកូន ពីជីដូនជីតាទៅចៅមិនមានការបង់ប្រាក់ឬបង់ពន្ធនោះទេ។
លោកបន្តថា ដោយឡែកការធ្វើដំណោយពីបងទៅប្អូន ឬក្នុងរង្វង់សាច់ញាតិក៏មិនត្រូវបង់ពន្ធដែររាល់ការធ្វើកម្មសិទ្ធិ ប៉ុន្តែត្រូវតែជាដីដែលត្រូវចុះបញ្ជីស្របច្បាប់ត្រឹមត្រូវផងដែរ ៕
Account
Security
Favourite Content