​គម្រោងអភិវឌ្ឍអចលនទ្រព្យ​ដែល​មាន​បញ្ហា​ចំនួន ​៥៣​គម្រោង​​ត្រូវ​បាន​ក្រសួង​ដែនដី​ដោះស្រាយជូន​រួចរាល់​​ក្នុងឆ្នាំ ២០២៤​

ភ្នំពេញ ៖ ចាប់តាំងពីដើមអាណត្តិទី​៧​នៃរដ្ឋសភា ក្រសួង​រៀបចំដែនដី នគរូបនីយកម្ម​ និងសំណង់ បាន​ដោះស្រាយ​នូវ​គម្រោង​អភិវឌ្ឍន៍​លំ​នៅឋាន ដូចជា ​បុរី ខុនដូ និង​គម្រោងដីឡូត៏​ដែល​ជួបបញ្ហាប្រឈម ដោយសារតែវិបត្តិ​កូវីដ​១៩ និងវិបត្តិសេដ្ឋកិច្ច ដែលលទ្ធផលគិតត្រឹមចុងឆ្នាំ២០២៤​​​នេះ​ ក្រសួង បានសម្រេចដោះស្រាយ​គម្រោង​​អភិវឌ្ឍន៍​លំនៅឋានចំនួន៥៣​គម្រោង និង​កំពុងបន្តដោះស្រាយ​ជា​បន្តបន្ទាប់ទៀត ។

បើតាមរបាយការណ៍​របស់ក្រសួងរៀបចំដែនដី នគរូបនីយកម្ម​ និងសំណង់ ចេញផ្សាយកាលពីចុងខែវិច្ឆិកា ឆ្នាំ២០២៤​កន្លងទៅនេះបានឱ្យ​ដឹង​ថា ក្នុងឆ្នាំ២០២៤ ក្រសួង​បានទទួល​សំណើសុំអន្តរាគមន៍​ដោះស្រាយ​បញ្ហា​លក់​-ទិញ​លំនៅឋានក្នុង​គម្រោង​បុរី ស្តង់ក្នុង​គម្រោងផ្សារ​ ដី​ឡូត៏​​ ចំណែកឯកជន​ក្នុងគម្រោង​ខុនដូ សរុប​ចំនួន ​៥២ទីតាំង ស្មើនឹង​១០៦គម្រោង ហើយក្រសួងក៏បានដោះស្រាយ​រួចរា​ល់​​ចំនួន៥៣​គម្រោង និងនៅ​សេសសល់​ចំនួន៥៣គម្រោងទៀត ។

យោ​ងតាម​របាយការណ៍​ដដែលនេះ​បាន​ឱ្យដឹងថា គម្រោងបុរីចំនួន២៧​ទីតាំង​ ស្មើនឹង​៨១​គម្រោង បានដាក់​ស្នើ​សុំអន្តរាគមន៍មក​ក្រសួ​ង​​រៀបចំដែនដី​ នគរូបនីយកម្ម និងសំណង់ ក្នុងឆ្នាំ២០២៤កន្លងមក ហើយ​ក្រសួង​បាន​ដោះ​ស្រាយ​រួច​ចំនួន៤៤​គម្រោង និ​ង​នៅ​សេស​សល់​ចំនួន៣៧​គម្រោងទៀតបន្តដោះស្រាយ ។ ចំណែក​គម្រោង​ដីឡូត៏ ក្រសួង​បានទទួល​សំណើសុំ​អន្តរាគមន៍​ចំនួន២០​ទីតាំង ស្មើ​នឹង​​២០គម្រោង​​ ក្នុងនោះក្រសួង​បានដោះស្រាយជូនរួចរាល់​ចំនួន​ ៧គម្រោង និ​ងនៅសេសសល់​ចំនួន១៣គម្រោង​ ។

ដោយឡែក​គម្រោង​អភិវឌ្ឍន៍លំនៅឋាន​ជា​ប្រភេទ​ខុនដូ​ ដែល​បានដាក់ស្នើ​សុំ​អន្តរាគមន៍មក​ក្រសួង​មាន​ចំនួន​ ​៣ទីតាំង ស្មើនឹង​៣​គម្រោង​ នៅមិនទាន់​បានដោះស្រាយ​រួចរាល់​នៅឡើយ ខណៈគម្រោងផ្សារ​ចំនួន​២​ទី​តាំង​ស្មើនឹង​ ២​គម្រោង​ ដែលបានដាក់ពាក្យ​ស្នើ​សុំ​អន្តរាគមន៍ ក្រសួង​បានដោះស្រាយ​រួចរាល់ទាំងពីរ​គម្រោ​ង​​ ។

បើតាមសេចក្ដី​ប្រកាសព័ត៌មានរ​បស់ក្រសួង​រៀបចំដែនដី នគរូបនីយកម្ម​ និងសំណង់ ជា​បន្តបន្ទាប់​បាន​ឃើញ​ថា ក្រសួង​បានប្រកាស​ឱ្យ​អតិ​ថិជនដែល​ទិញគម្រោង​អចលនទ្រព្យ​ ហើយមានបញ្ហា​ មកទទួល​យក​ដំណោះ​ស្រាយជា​បន្តបន្ទាប់ ក្នុងនោះ​គម្រោងផ្សារ​ TCC ស្ថិតនៅ​ក្នុង​​ខណ្ឌ​ឬស្សីកែវ រាជធានីភ្នំពេញ ក៏បានដោះស្រាយ ​និងរកឃើញអ្នក​បន្ត​គម្រោង​​ ដើម្បីបញ្ចប់​គម្រោង​ផ្សារ​នេះជូនអតិថិជន ។ ​លើស​ពីនេះ នៅមានគម្រោង​បុរី​របស់អ្នកឧកញ៉ា​ ឡេង ណាវ៉ាត្រា​ ដែលយឺត​យ៉ាវ ក៏ត្រូវ​ក្រសួង​ប្រកាស​អញ្ជើញអតិថិជន​ដែល​បង់ប្រាក់គ្រប់​១០០​ភាគ​រយ​ទៅ​ដាក់ពាក្យ​ស្នើ​សុំធ្វើ​បណ្ណកម្មសិទ្ធិ ឬធ្វើ​វិញ្ញាបនបត្រ​សម្គាល់​ម្ចាស់អចលនវត្ថុ ហៅកាតថា​ប្លង់រឹងជាដើម ។

គួរកត់សម្គាល់ថា កាលពីពេលកន្លងទៅថ្មីៗនេះ សម្ដេច​មហាបវរធិបតី ហ៊ុន ម៉ាណែត នាយករដ្ឋមន្ត្រីនៃ​ព្រះរាជាណាចក្រកម្ពុជា បានថ្លែង​កោតសរសើរ​ពីលទ្ធ​ផ​ល​​​ការងារ​រប​ស់​ក្រ​សួង​រៀប​ចំដែន​ដី នគរូប​នីយកម្ម និងសំណង់ ដែលដឹកនាំដោយផ្ទាល់របស់ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ហើយសម្ដេចក៏​បានប្រកាស​ត្រៀមថវិកា ​១​០​០​លា​ន​ដុល្លារអាមេរិក​បន្ថែមទៀត សម្រាប់​ក្រសួង​រៀប​ចំ​ដែនដី​ នគរូបណីយកម្ម និងសំណង់​ ក្នុងការ​វាស់វែង ចុះបញ្ជី​ដីធ្លី និង​ចេញបណ្ណកម្មសិទ្ធិ​ ជូនប្រជាពលរដ្ឋ ដើម្បីបញ្ចប់វិវាទដីធ្លី ដែលធ្លាប់​កើតមាន​នា​ពេល​កន្ល​ងមក៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សូហ្វី​ណា ​ហ្វាម​ ​បោះ​ទុន​ ​៦​,​៥​ ​លាន​ដុល្លារ​ ​បង្កើត​កសិដ្ឋាន​មាន់​ពង ​និង​កែច្នៃ​សាច់​ខ្នាត​ធំ​នៅ​ព្រៃ​វែង

ព្រឹត្តិការណ៍, សេដ្ឋកិច្ច

• 17/11/2026

​ក្រុមហ៊ុន​ សូហ្វី​ណា ​ហ្វាម ​ដែល​ជា​ក្រុមហ៊ុន​មាន​ម្ចាស់​ជា​ជនជាតិ​ខ្មែរ​ទាំងស្រុង​ ​បាន​វិនិយោគ​ទុន​ចំនួន​ ៦​,​៥ ​លាន​ដុល្លារ​អាម៉េរិក​ ​ដើម្បី​បង្កើត​កសិដ្ឋាន​ចិញ្ចឹម​មាន់​ពង ​និង​រោងចក្រ​កែច្នៃ​សាច់​មាន់​ខ្នាត​ធំ​ ​នៅ​ស្រុក​កញ្ចៀច ​ខេត្ត​ព្រៃវែង ​ដោយ​គ្រោង​ចាប់ផ្ដើម​ដំណើរការ​នៅ​ថ្ងៃ​ទី​៤​ ​ខែ​មេសា ​ឆ្នាំ​២០២៧

អាស៊ាន​ ចុះ MOU ស្តីពី បណ្តាញអគ្គិសនី និងសេដ្ឋកិច្ចឌីជីថល ខណៈប្រទេសចំនួន ៥ ចាប់អារម្មណ៍លើការស្តុកប្រេងក្នុងតំបន់

ព្រឹត្តិការណ៍, សេដ្ឋកិច្ច

• 17/11/2026

បរទេស ៖ រដ្ឋាភិបាលបណ្តាប្រទេសជាសមាជិកអាស៊ានបានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីបណ្តាញអគ្គិសនីអាស៊ាន (ASEAN Power Grid) ខណៈដែលប្រទេសចំនួន ៥ បង្ហាញចំណាប់អារម្មណ៍លើការស្តុកប្រេងទុកក្នុងតំបន់។ នេះបើតាមការលើកឡើងរបស់រដ្ឋមន្ត្រីក្រសួងពាណិជ្ជកម្មហ្វីលីពីន លោកស្រី Cristina Roque កាលពីថ្ងៃចន្ទ សប្ដាហ៍នេះ បន្ទាប់ពីបញ្ចប់កិច្ចប្រជុំក្រុមប្រឹក្សាសហគមន៍សេដ្ឋកិច្ចអាស៊ានលើកទី ២៨។ លោកស្រី

រដ្ឋមន្ត្រី កសិកម្ម អញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ក្នុងព្រឹត្តិការណ៍អម «ហ្វ្រង់កូតិច-FrancoTech»

ព្រឹត្តិការណ៍, សេដ្ឋកិច្ច

• 16/11/2026

ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៦ ខែវិច្ឆិកា ឆ្នាំ២០២៦ បានអញ្ជើញជាវាគ្មិនកិត្តិយសក្នុងវេទិកាពិភាក្សាទី៤ ស្តីពី «AgriTech and Food Security» ក្នុងព្រឹត្តិការណ៍អម «ហ្វ្រង់កូតិច-FrancoTech» នៃកិច្ចប្រជុំហ្វ្រង់កូហ្វូនី លើកទី២០ ឆ្នាំ២០២៦។

​CSX​ ​ទទួល​បាន​សញ្ញា​បណ្ណ​ហេដ្ឋារចនាសម្ព័ន្ធ​បៃតង​ថ្មី​​ កៀរ​គរ​ទុន​រយៈពេល​វែង​ជិត​ ​១០០ ​លាន​ដុល្លារ​

ព្រឹត្តិការណ៍, សេដ្ឋកិច្ច

• 16/11/2026

ផ្សារ​មូលបត្រ​កម្ពុជា​ ​(​CSX​)​ ​បាន​ទទួល​ក្រុមហ៊ុន​ SchneiTec ​Jupiter ​Co​.​,​ Ltd​. ​ចុះ​បញ្ជី​លក់​សញ្ញា​បណ្ណ​ហេដ្ឋារចនាសម្ព័ន្ធ​បៃតង ​ដោយ​អាច​កៀរ​គរ​ទុន​រយៈពេល​វែង​បាន​ប្រមាណ​ ​១០០​ លាន​ដុល្លារ​អាម៉េរិក​ ​ដែល​នឹង​រួមចំណែក​គាំទ្រ​ដល់​ការ​វិនិយោគ​លើ​ហេដ្ឋារចនាសម្ព័ន្ធ​ថាមពល​ស្អាត ​និង​ការ​អភិវឌ្ឍ​សេដ្ឋកិច្ច​បៃតង​នៅ​កម្ពុជា

អ្នក​ជំនាញ​៖​ ​ដំណើរ​ទស្សនកិច្ច​របស់​ប្រធានាធិបតី​បារាំង បើក​ឱកាស​នយោបាយ ​និង​សេដ្ឋកិច្ច​ថ្មី​សម្រាប់​កម្ពុជា​

ព្រឹត្តិការណ៍, សេដ្ឋកិច្ច

• 16/11/2026

​អ្នក​ជំនាញ​ប្រវត្តិសាស្ត្រ ​និង​នយោបាយ​កម្ពុជា​ ​លោក​សាស្ត្រាចារ្យ​ ​ឥន សុផល ​មើល​ឃើញ​ថា​ ​ដំណើរ​ទស្សនកិច្ច​ផ្លូវការ​របស់​ឯកឧត្តម​ ​Emmanuel ​Macron ​ប្រធានាធិបតី​បារាំង ​មកកាន់​កម្ពុជា​ចាប់​ពី​ថ្ងៃ​ទី​១៤ ​ដល់​ថ្ងៃ​ទី​១៦​ ​ខែ​វិច្ឆិកា ​ឆ្នាំ​២០២៦ ​និង​ការ​ចូលរួម​កិច្ច​ប្រជុំ​កំពូល​ហ្វ្រង់​កូហ្វូនី​លើក​ទី​២០ ​នឹង​ផ្តល់​អត្ថប្រយោជន៍​ជា​ច្រើន​ដល់​កម្ពុជា​ ទាំង​ផ្នែក​នយោបាយ​ ​និង​សេដ្ឋកិច្ច

មេដឹកនាំ​បារាំង ​និង​កាណាដា ​ជំរុញ​កិច្ច​សហប្រតិបត្តិការ​ហ្វ្រង់​កូហ្វូនី ​និង​បច្ចេកវិទ្យា​ ​AI

ព្រឹត្តិការណ៍, សេដ្ឋកិច្ច

• 16/11/2026

​នាយករដ្ឋមន្ត្រី​កាណាដា ​លោក​ ​Mark ​Carney ​និង​ប្រធានាធិបតី​បារាំង ​លោក​ ​Emmanuel ​Macron ​បាន​ជំរុញ​ឱ្យ​មាន​ការ​ពង្រឹង​កិច្ច​សហប្រតិបត្តិការ​ក្នុង​សហគមន៍​ហ្វ្រង់កូហ្វូនី ​ជាពិសេស​លើ​វិស័យ​បច្ចេកវិទ្យា​ ​ពាណិជ្ជកម្ម​ ​និង​បញ្ញា​សិប្បនិម្មិត ​(​AI​)​ ​

បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ

Top News, ព្រឹត្តិការណ៍, សេដ្ឋកិច្ច

• 16/11/2026

ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព

ព្រះមហាក្សត្រខ្មែរ រំលេចពីតម្លៃសន្តិភាព និង «ស្នាមញញឹមខ្មែរ» នៅចំពោះមុខថ្នាក់ដឹកនាំ ៨២ ប្រទេស ក្នុងកិច្ចប្រជុំកំពូលហ្វ្រង់កូហ្វូនី

Top News, ព្រឹត្តិការណ៍, សេដ្ឋកិច្ច

• 15/11/2026

ភ្នំពេញ ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានមានព្រះរាជបន្ទូលគូសបញ្ជាក់ពីតម្លៃមិនអាចកាត់ថ្លៃបាននៃសន្តិភាព ការងើបឡើងវិញនៃវប្បធម៌ និងអត្ថន័យនៃស្នាមញញឹមខ្មែរដែលកើតចេញពីការបង្រួបបង្រួមជាតិ នៅក្នុងពិធីបើកកិច្ចប្រជុំកំពូលហ្វ្រង់កូហ្វូនី លើកទី២០ នារាជធានីភ្នំពេញ ថ្ងៃទី១៥ ខែវិច្ឆិកា ឆ្នាំ២០២៦ ក្រោមវត្តមានប្រមុខរដ្ឋ ប្រមុខរដ្ឋាភិបាល និងគណៈប្រតិភូមកពី


Leave a Reply

Your email address will not be published.Required fields are marked *