សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សភាយុវពាណិជ្ជករអន្តរជាតិកម្ពុជា ជេស៊ីអាយ (JCI CAMBODIA) និងសហភាពសហព័ន្ធយុវជនកម្ពុជា នឹងធ្វើជាម្ចាស់ផ្ទះរៀបចំសន្និបាតអាស៊ីប៉ាស៊ីហ្វិកប្រចាំឆ្នាំ២០២៤ (2024 JCI ASIA-PACIFIC CONFERENCE) នៅលើទឹកដីអង្គរ ខេត្តសៀមរាប ចាប់ពីថ្ងៃទី ០៦ ដល់ ថ្ងៃទី០៩ ខែមិថុនា ឆ្នាំ២០២៤។
វេទិកានេះនឹងមានការចូលរួមពីប្រតិភូជាតិ និងអន្តរជាតិជាង៤០០០នាក់ មកពីបណ្តាប្រទេសក្នុងតំបន់អាស៊ី ដែលមានដូចជា ជប៉ុន កូរ៉េ ហុងកុង តៃវ៉ាន់ សិង្ហបុរី ឥណ្ឌូនេស៊ី ម៉ាឡេស៊ី ថៃ វៀតណាម និងបណ្តាប្រទេសជាច្រើនផ្សេងទៀតក្នុងពិភពលោក។
ក្នុងឱកាសនោះ JCI និងសហភាពសហព័ន្ធយុវជនកម្ពុជា រំពឹងថាវេទិកានេះនឹងជួយបង្កើនសេដ្ឋកិច្ចជាតិបានប្រមាណជាង៤លានដុល្លារអាមេរិក តាមរយៈការចូលមកទស្សនា និងចូលរួមកម្មវិធីសន្និបាតអាស៊ីប៉ាស៊ីហ្វិកប្រចាំឆ្នាំ២០២៤ នៅក្នុងខេត្តប្រវត្តិសាស្រ្តដ៏ល្បីល្បាញរបស់កម្ពុជា។ បន្ថែមពីនេះ JCI កម្ពុជាក៏នឹងបង្ហាញពីសក្តានុពល និងឱកាសវិនិយោគនៅកម្ពុជាដល់បណ្តាប្រតិភូអន្តរជាតិទាំងអស់ផងដែរ។
បច្ចុប្បន្ននេះ ក្រុមការងារបាន និងកំពុងរៀបចំការងារស្នូលសំខាន់ៗ ដើម្បីឲ្យការរៀបចំកម្មវិធីនេះដំណើរការទៅដោយរលូន។ ការផលិតវីដេអូផ្សព្វផ្សាយពីវប្បធម៌ អរិយធម៌ដ៏ផូរផង់ និងការរីកចម្រើនឥតឈប់ឈរនៅកម្ពុជា ក៏ត្រូវបានធ្វើឡើងជាបន្តបន្ទាប់ផងដែរ ដើម្បីបង្ហាញពីសក្តានុពលដ៏សំបូរបែបរបស់កម្ពុជា។
សន្និបាតអាស៊ីប៉ាស៊ីហ្វិករបស់សភាយុវពាណិជ្ជអន្តរជាតិដែលមានសមាជិកជាង១២០ប្រទេស ត្រូវបានកំណត់ឲ្យរៀបចំមួយឆ្នាំម្តង ដែលប្រទេសជាសមាជិកត្រូវបង្ហាញពីសមិទ្ធផល និងដេញថ្លៃសម្រាប់ការធ្វើជាម្ចាស់ផ្ទះរៀបចំកម្មវិធីនេះ។ ក្រោយការខិតខំរបស់ក្រុមប្រឹក្សាភិបាល ក៏ដូចជាសមាជិក សមាជិការបស់សភាយុវពាណិជ្ជករអន្តរជាតិកម្ពុជារយៈពេលជាង១០ឆ្នាំកន្លងមកនេះ កម្ពុជាត្រូវបានជ្រើសរើសឲ្យធ្វើជាម្ចាស់ផ្ទះនៃសន្និបាតអាស៊ីប៉ាស៊ី។ ការទទួលសិទ្ធិធ្វើជាម្ចាស់ផ្ទះនៃសន្និបាតនេះនឹងអនុញ្ញាតឲ្យកម្ពុជាមានឱកាសក្នុងការផ្សព្វផ្សាយតំបន់វប្បធម៌ប្រវត្តិសាស្រ្ដ ទំនៀមទម្លាប់ប្រពៃណីនៃប្រទេសកម្ពុជាឲ្យពិភពលោកបានស្គាល់ឱ្យកាន់តែច្បាស់ផងដែរ។
សភាយុវពាណិជ្ជករអន្តរជាតិកម្ពុជា (Junior Chamber International Cambodia – JCI Cambodia) បានបង្កើតក្នុងគោលបំណងដើម្បីអភិឌ្ឍន៍ធនធានយុវពាណិជ្ចករឱ្យក្លាយជាសហគ្រិនឆ្នើមតាមរយៈការរៀបចំគម្រោងកម្មវិធីនានា ដើម្បីចូលរួមដោះស្រាយបញ្ហាសង្គម ដោយស្របតាមទស្សនៈវិស័យរបស់អង្គភាព និងគោលនយោបាយអភិវឌ្ឃន៍នៃប្រទេសកម្ពុជា។ ដោយមានការចូលរួមខិតខំជាច្រើនឆ្នាំក្នុងការបណ្តុះបណ្តាលភាពជាអ្នកដឹកនាំ ជំរុញឲ្យពួកយើងមានសមាជិកជាង ៥០០នាក់បន្តការងារសង្គមជាមួយគ្នា៕
Account
Security
Favourite Content