សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ កំពូលមហាសេដ្ឋីលំដាប់ពិភពលោក លោក Warren Buffett ដែលគេស្គាល់ថាជាម្ចាស់ក្រុមហ៊ុនវិនិយោគដ៏ធំបំផុតមានឈ្មោះថា Berkshire Hathaway បានបង្កភាពភ្ញាក់ផ្អើលយ៉ាងខ្លាំង ដោយនៅត្រឹមតែរយៈពេលប៉ុន្មានខែចុងក្រោយនេះប៉ុណ្ណោះ លោកបានសម្រេចចិត្តលក់ភាគហ៊ុនរបស់ Apple ដែលជាបុត្រសម្ព័ន្ធរបស់ខ្លួនក្នុងទំហំដល់ទៅរាប់សិបពាន់លានដុល្លារ។
ផ្អែកតាមការចេញផ្សាយរបស់សារព័ត៌មានអន្តរជាតិមួយចំនួនបានឱ្យដឹងថា នៅក្នុងរយៈពេលដ៏ខ្លី ពោលគឺចាប់តាំងពីដើមឆ្នាំ២០២៤រហូតមកដល់ពេលបច្ចុប្បន្ននេះ Berkshire Hathaway បានសម្រេចចិត្តលក់ចេញភាគហ៊ុនរបស់ Apple ស្ទើរតែពាក់កណ្តាលនៃភាគហ៊ុនទាំងអស់របស់ខ្លួន។ ជាក់ស្ដែង កាលពីឆ្នាំ២០២៣កន្លងទៅនេះ Berkshire បានកាន់កាប់ភាគហ៊ុនរបស់ Apple ក្នុងទំហំប្រមាណជាង ១៧៤,៣ពាន់លានដុល្លារ ប៉ុន្តែគិតត្រឹមខែមិថុនា ឆ្នាំ២០២៤នេះ ក្រុមហ៊ុននៅសល់ភាគហ៊ុនត្រឹមតែ ៨៤,២ពាន់លានដុល្លារប៉ុណ្ណោះ។
យ៉ាងណាក៏ដោយ បើទោះជា Berkshire បានលក់ហ៊ុនអស់ជាច្រើនពាន់លានរួចទៅហើយក្តី ប៉ុន្តែភាគហ៊ុនរបស់ក្រុមហ៊ុនវិនិយោគនេះនៅតែមានឈ្មោះថាជាអ្នកវិនិយោគធំជាងគេបំផុតរបស់ក្រុមហ៊ុន Apple នៅឡើយ ខណៈដែលលោក Buffett ត្រូវបានគេស្គាល់ថាជាអ្នកគាំទ្រដ៏ខ្លាំងក្លា និងជាយូរមកហើយជាមួយនឹងក្រុមហ៊ុនលក់ស្មាតហ្វូនដ៏ធំបំផុតរបស់ពិភពលោកមួយនេះ។
គួររំលឹកថា កាលពីពេលកន្លងទៅនេះ លោក Buffett ធ្លាប់បានព្យាយាមពន្យល់រួចមកហើយថា ៖ បើទោះជាយ៉ាងណាក្តី Apple គឺនៅតែជាក្រុមហ៊ុនដែល Berkshire កាន់កាប់ភាគហ៊ុនធំ និងច្រើនបំផុត ហើយការលក់ភាគហ៊ុនទាំងអស់កាលពីពេលកន្លងទៅនេះ គឺដោយសារតែពាក់ព័ន្ធទៅនឹងបញ្ហាពន្ធដាមួយផ្នែក ហើយមួយផ្នែកទៀតគឺដោយសារក្រុមហ៊ុនមានផែនការរៀបចំខ្ទង់សាច់ប្រាក់របស់ Berkshire ឡើងវិញ។ សរុបមក គិតត្រឹមត្រីមាសទី២ ឆ្នាំ២០២៤នេះ ក្រុមហ៊ុន Berkshire បានលក់ហ៊ុនរបស់ Apple សរុបប្រមាណជា ៧៥,៥លានដុល្លារចេញពីស្តុក ដែលធ្វើឲ្យទំហំសាច់ប្រាក់សុទ្ធនៅក្នុងដៃរបស់ Berkshire កើនឡើងដល់ ២៧៧ពាន់លានដុល្លារ ខណៈដែលកាលពីត្រីមាសដំបូងឆ្នាំ២០២៤ មានត្រឹមតែ ៨៨ពាន់លានដុល្លារប៉ុណ្ណោះ៕
Account
Security
Favourite Content