សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេលប៉ុន្មានឆ្នាំចុងក្រោយនេះ វិនិយោគិនចិនបានចូលរួមចំណែកក្នុងការវិនិយោគនៅក្នុងប្រទេសកម្ពុជាយ៉ាងច្រើន ដែលធ្វើឱ្យសន្ទុះនៃការវិនិយោគក្នុងប្រទេសនៅតែមានកំណើនខ្ពស់។ ជាក់ស្ដែង ក្នុងរយៈពេល ១២ខែក្រោយរដ្ឋាភិបាលថ្មីបានកកើតឡើង វិនិយោគិនចិនបានបណ្ដាក់ទុនវិនិយោគនៅកម្ពុជា គិតជាទឹកប្រាក់មានជាង ៣,៥ពាន់លានដុល្លារអាមេរិក ។ ដោយឡែក នាពេលបច្ចុប្បន្ន វិនិយោគិនចិនជាបន្តបន្ទាប់បានចូលមកស្វែងរកឱកាសវិនិយោគនៅកម្ពុជាបន្ថែមទៀតរហូតធ្វើឱ្យចិនបន្តដឹកមុខជាវិនិយោគិនដែលបានដាក់ទុនច្រើនជាងគេនៅកម្ពុជា ។
នៅក្នុងជំនួបជាមួយឯកឧត្តម ស៊ុន ចាន់ថុល ឧបនាយករដ្ឋមន្រ្តី និងជាអនុប្រធានទី១ក្រុមប្រឹក្សាអភិវឌ្ឍន៍ លោក Zhou Minhao អគ្គនាយកនៃក្រុមប្រឹក្សាសម្រាប់ការជំរុញពាណិជ្ជកម្មអន្តរជាតិទីក្រុងសៀងហៃ បានមានប្រសាសន៍ថា ដំណើរទស្សនកិច្ចរបស់ប្រតិភូវិនិយោគិនមកពីទីក្រុងសៀងហៃនាពេលនេះ ត្រូវបានរៀបចំឡើងក្នុងគោលបំណងដើម្បីពិនិត្យលទ្ធភាពក្នុងការចូលរួមផ្សព្វផ្សាយអំពីវិស័យទេសចរណ៍ ព្រមទាំងកិច្ចការពាណិជ្ជកម្ម និងការវិនិយោគឯកជន រវាងក្រុងសៀងហៃ និងប្រទេសកម្ពុជា។ ក្នុងនោះដែរ គណៈប្រតិភូ CPIT Shanghai ក៏បានលើកឡើងអំពីគោលបំណងក្នុងការជួយផ្សព្វផ្សាយនូវប្រព័ន្ធបច្ចេកវិទ្យាឌីជីថលថ្មីរបស់ក្រុមប្រឹក្សាអភិវឌ្ឍន៍កម្ពុជាក្នុងការគ្រប់គ្រងគម្រោងវិនិយោគ ជាមួយនឹងការបង្ហាញពីឆន្ទៈក្នុងកិច្ចសហការរៀបចំសិក្ខាសាលា វេទិកាធុរកិច្ច ឬការផ្គូរផ្គងវិស័យឯកជន កម្ពុជា-សៀងហៃ នៅក្នុងទីក្រុងសៀងហៃ ដើម្បីជាការគាំទ្រដល់កាងារវិនិយោគរវាងគ្នាផងដែរ ។
នៅក្នុងឱកាសនោះដែរ ឯកឧត្តម ស៊ុន ចាន់ថុល ឧបនាយករដ្ឋមន្ត្រី បានបង្ហាញការស្វាគមន៍ចំពោះគណៈប្រតិភូទាំងអស់ដែលបានអញ្ជើញមកបំពេញទស្សនកិច្ចនៅកម្ពុជា និងបានគូសរំលេចអំពីវិស័យជាអាទិភាពរបស់រាជរដ្ឋាភិបាលក្នុងការទាក់ទាញវិនិយោគ ដូចជា ការវិនិយោគលើគ្រឿងបង្គុំអេឡិចត្រូនិក វិស័យយានយន្ត វិស័យកសិកម្ម និងកសិ-ឧស្សាហកម្មជាដើម។
ឯកឧត្តមឧបនាយករដ្ឋមន្ត្រី បានបន្ថែមថា ក្រុមប្រឹក្សាអភិវឌ្ឍន៍កម្ពុជាក្នុងនាមជាសេនាធិការរបស់រាជរដ្ឋាភិបាល នឹងរីករាយរង់ចាំផ្តល់កិច្ចសម្របសម្រួលជូនដល់វិនិយោគិនដែលមានបំណងស្វែងយល់អំពីសក្ដានុពលកម្ពុជាមុននឹងឈានដល់ការសម្រេចចិត្តដាក់ទុនវិនិយោគ ។
ក្រៅពីក្រុមហ៊ុននេះ មានវិនិយោគិនចិនជាច្រើនក្រុមទៀត បានមកសិក្សាស្វែងយល់ពីសក្ដានុពលវិនិយោគក្នុងប្រទេសកម្ពុជា ហើយក៏បានសង្កេតថាមានវិនិយោគិនចិនជាច្រើនបានសម្រេចបណ្ដាក់ទុនវិនិយោគ និងពង្រីកផលិតកម្មវិនិយោគនៅក្នុងប្រទេសកម្ពុជា។ ជាក់ស្ដែងក្នុងរយៈពេល៨ខែកន្លងមកនេះ មានគម្រោងវិនិយោគរបស់វិនិយោគិនចិនធំៗចំនួន៣ មានទឹកប្រាក់ប្រមាណជិត១ពាន់លានដុល្លារអាមេរិកទៅហើយ ក្នុងនោះមានគម្រោងសណ្ឋាគារ និងមជ្ឈមណ្ឌលពាណិជ្ជកម្មនោក្រុងព្រះសីហនុ ខេត្តព្រះសីហនុ គម្រោងពង្រីកផលិតផលសំបកកង់រថយន្តនៅស្វាយរៀងចំនួនពីរទីតាំងមានទឹកប្រាក់សរុបចំនួនជាង៣០០លានដុល្លារអាមេរិក ។ និងមានគម្រោងវិនិយោគរបស់វិនិយោគិនចិនជាច្រើនគម្រោងទៀត ដែលបានក្រុមប្រឹក្សាអភិវឌ្ឍន៍កម្ពុជាបានអនុម័តក្នុងរយៈពេល៨ខែកន្លងមកនេះ ៕
Account
Security
Favourite Content