សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អង្គភាពសម្ងាត់នៃកងកម្លាំងយោធាចិន PLA ដែលមានឈ្មោះ 31567 Unit ថ្មីៗនេះ បានប្រកាសអះអាងថា ខ្លួនទើបតែបានអភិវឌ្ឍបានរួចរាល់នូវប្រព័ន្ធការងារសម្របសម្រួលក្នុងការគ្រប់គ្រងកម្លាំងយន្តហោះដ្រូនក្នុងទ្រង់ទ្រាយធំសម្រាប់ប្រតិបត្តិការឲ្យកងកម្លាំងយោធាចិនកាន់តែមានភាពងាយស្រួល។
បច្ចេកវិទ្យាថ្មីដែលជាស្ថានីយគ្រប់គ្រងចល័ត (Mobile 5G Station) មានសមត្ថភាពពិសេសអាចធ្វើការគ្រប់គ្រង និងបញ្ជាពីចម្ងាយជាមួយនឹងឧបករណ៍ ព្រមទាំងសព្វាវុធដែលដំណើរការដោយស្វ័យប្រវត្តិនិងច្រើនពាន់គ្រឿងក្នុងពេលតែមួយ ហើយសម្រាប់ការធ្វើតេស្តសាកល្បងសម្រាប់ត្រៀមប្រយុទ្ធក្នុងសមរភូមិនានាគឺបានរៀបចំរួចរាល់អស់ហើយដែរ។
Mobile 5G Station មានប្រតិបត្តិការលឿនរហ័ស មានប្រសិទ្ធភាពខ្ពស់ និងធានាបាននូវសុវត្ថិភាព ព្រមទាំងផ្ទុកទិន្នន័យបានច្បាស់លាស់ទោះបីជាត្រូវគ្រប់គ្រងរ៉ូបូតច្រើនប្រភេទយ៉ាងហោចណាស់ជាង ១០ ០០០គ្រឿងក្នុងពេលតែមួយ ជាមួយនឹងរយៈចម្ងាយប្រមាណជាង ៣គីឡូម៉ែត្រ ជុំវិញទីតាំងស្ថានីយចល័តរបស់ខ្លួន។
បច្ចេកវិទ្យានេះអាចដំណើរការនៅក្នុងស្ថានភាពលំបាកខ្លាំង ហើយត្រូវបានគេរាយការណ៍ថាអាចទប់ទល់នឹងការជ្រៀតជ្រែកអេឡិចត្រូម៉ាញ៉េទិចបានល្អថែមទៀតផង។ ស្ថានីយនេះនឹងអាចផ្តល់នូវការគាំទ្រជាមួយនឹងកងកម្លាំង PLA និងការបញ្ជូនសរុបដែលមិនមានការរំខានដល់ទៅ ១០ជីហ្គាបៃក្នុងមួយវិនាទី ។
គួរឲ្យដឹងដែរថា ប្រសិទ្ធភាពនៃការប្រើប្រាស់បច្ចេកវិទ្យា 5G របស់ប្រទេសចិនកាន់តែទូលំទូលាយនៅគ្រប់វិស័យរដ្ឋ និងឯកជន ខណៈដែលពលរដ្ឋកាន់តែច្រើនក៏កំពុងទទួលបានសេវាកម្មអ៊ិនធឺណេតល្បឿនលឿនជាមួយនឹងស្ថានីយផ្តល់សេវាកម្មជាង៤លានកន្លែងនៅទូទាំងប្រទេស។ ទាំងនេះហើយដែលជាកត្តាគាំទ្រយ៉ាងសំខាន់សម្រាប់ការអភិវឌ្ឍបច្ចេកវិទ្យារ៉ូបូតបញ្ជាពីចម្ងាយបានកាន់តែច្រើន និងមានប្រសិទ្ធភាពល្អប្រសើរឡើងព្រមគ្នា៕
Account
Security
Favourite Content