សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ស្ថានភាពសេដ្ឋកិច្ចពិភពលោកកំពុងដុនដាប វិបត្តិជាច្រើនកំពុងបន្តដោយសារបញ្ហាជម្លោះនៅអ៊ុយក្រែន ហើយក្នុងនោះគិតត្រឹមវិបត្តិស្បៀងអាហារប៉ុណ្ណោះ វាកំពុងបង្កផលលំបាកយ៉ាងច្រើនដល់តម្លៃទំនិញរបស់ពិភពលោក ជាពិសេសពលរដ្ឋអត់ឃ្លានជាច្រើនលាននាក់នៅតំបន់នានា និងច្រើនជាងគេនៅអាហ្វ្រិក។
ទោះបីជាយ៉ាងណាក្តី ក្នុងដំណាក់កាលដ៏លំបាកបែបនេះគេសង្កេតឃើញថា បណ្តាក្រុមហ៊ុនអ្នកផលិតអាវុធជាច្រើនៅតំបន់អឺរ៉ុប និងលោកខាងលិចកំពុងសម្ងំកើបលុយយ៉ាងច្រើនតាមរយៈការលក់អាវុធនិងទាញយកប្រយោជន៍ពីជម្លោះនៅក្នុងប្រទេសអ៊ុយក្រែននេះទៅវិញ។
របាយការណ៍ស្រាវជ្រាវមួយដែលត្រូវបានប្រមូលដោយ The Defense News ដែលជាទស្សនាវដ្តីដ៏ពេញនិយមផ្នែកព័ត៌មានសព្វាវុធនោះបានរកឃើញថា ក្រុមហ៊ុនកំពូលជាង១០០របស់អឺរ៉ុបព្រមទាំងអាមេរិកនិងអង់គ្លេសផងកាលពីឆ្នាំ២០២២កន្លងមកនេះអាចចំណេញលុយពីប្រតិបត្តិការលក់អាវុធរបស់ខ្លួនដល់ទៅ១៩៦ពាន់លានដុល្លារ។
ក្នុងនោះក្រុមហ៊ុនអាមេរិកចំនួន៤ស្ថិតនៅក្នុងបញ្ជីកំពូលទាំង៥នៃក្រុមហ៊ុនផលិតអាវុធដែលធ្វើបានប្រាក់ចំណេញច្រើនជាងគេបំផុតលើពិភពលោកក្នុងអំឡុងពេលនេះ ខណៈដែលយើងបានឃើញហើយថារដ្ឋាភិបាលវ៉ាស៊ិនតោនគឺជាប្រភពផ្គត់ផ្គង់អាវុធដ៏ច្រើនជាងគេបំផុតទៅឲ្យប្រទេសអ៊ុយក្រែនពោលគឺមានប្រមាណជា៣៧ពាន់លានដុល្លារមកហើយគិតចាប់តាំងតែពីជម្លោះកើតឡើង។
របាយការណ៍ដដែលបានបង្ហាញដេរថា ត្រឹមពាក់កណ្តាលឆ្នាំ២០២៣នេះក្រុមហ៊ុនកំពូលចំនួន២៥របស់លោកខាងលិចអាចមើលឃើញកំណើនប្រាក់ចំណេញដល់ទៅ១១ភាគរយរួចទៅហើយធៀបទៅនឹងឆ្នាំចាស់ឬប្រមាណជា២១២ពាន់លានដុល្លារ។
តាមការព្យាករណ៍ទុកគេជឿជាក់ថាឆ្នាំ២០២៣នេះទំហំនៃការលក់អាវុធរបស់ក្រុមហ៊ុនលោកខាងលិចនឹងកើនឡើងទៅដល់៤៤៨ពាន់លានដុល្លារហើយដល់ឆ្នាំ២០២៦នឹងកើនឡើងទៅដល់៥៥៤ពាន់លានដុល្លារ។
ទោះបីជាយ៉ាងណាក្តី អ្វីដែលជាក្តីកង្វល់ចំពោះក្រុមអ្នកតាមដានស្ថានភាពនយោបាយអន្តរជាតិបានលើកឡើងនូវរបាយការណ៍ដែលសិក្សាដោយមន្ទីរប៉ង់តាហ្គោនថាក្នុងចំណោមអាវុធដែលលោកខាងលិចផ្គត់ផ្គង់ឲ្យទៅអ៊ុយក្រែនមួយចំនួនធំកំពុងធ្លាក់ចូលទៅក្នុងដៃរបស់ក្រុមឧក្រិដ្ឋជន និងទីផ្សារងងឹតជាបន្តបន្ទាប់៕
Account
Security
Favourite Content