អ្នកសេដ្ឋកិច្ចកំពុងព្រួយបារម្ភថា AI នឹងបង្កើនវិសមភាពភូមិសាស្ត្រនយោបាយ និងកំណើនសេដ្ឋកិច្ចទាប

បរទេស ៖ យោងតាមប្រភពព័ត៌មានពី Aljazeera បានរាយការណ៍ថា អ្នកសេដ្ឋកិច្ចកំពុងព្រួយបារម្ភអំពីបញ្ញាសិប្បនិម្មិត (AI) នឹងបង្កើនវិសមភាពជម្លោះភូមិសាស្ត្រនយោបាយ និងលក្ខខណ្ឌហិរញ្ញប្បទានតឹងតែង ដែលនឹងធ្វើឱ្យកំណើនសេដ្ឋកិច្ចពិភពលោកថយចុះ។

កាលពីថ្ងៃច័ន្ទកន្លងទៅនេះ មុនកិច្ចប្រជុំរបស់វេទិកាសេដ្ឋកិច្ចពិភពលោក Weforum នៅ Davos មានការស្ទង់មតិពីប្រធានសេដ្ឋវិទូចំនួន ៦០ ដែលមកពីវិស័យឯកជន និងសាធារណៈ ហើយជាលទ្ធផល អ្នកសេដ្ឋកិច្ចជាង ៥៦ ភាគរយ បានព្យាករណ៍ពីស្ថានភាពសេដ្ឋកិច្ចពិភពលោកចុះខ្សោយ។ លើសពីនេះ អ្នកសេដ្ឋកិច្ចភាគច្រើនមើលឃើញថា កំណើនមធ្យម ឬខ្លាំងអាចនឹងកើតឡើងនៅក្នុងប្រទេសចិន និងសហរដ្ឋអាមេរិក ចំណែកឯកំណើនខ្សោយអាចកើតឡើងនៅអឺរ៉ុប ហើយយ៉ាងហោចណាស់មានកំណើនមធ្យមនៅអាស៊ីខាងត្បូង អាស៊ីបូព៌ា និងប៉ាស៊ីហ្វិក។

ទន្ទឹមនឹងនេះ ការស្ទង់មតិបានបង្ហាញថា ខណៈពេលដែលភាពជឿនលឿនផ្នែកបច្ចេកវិទ្យាអាចផ្តល់នូវកម្លាំងរុញច្រានថ្មីដល់ផលិតភាពសកល គោលនយោបាយដែលលើកកម្ពស់កំណើនប្រកបដោយគុណភាពគឺត្រូវការជាចាំបាច់ ដើម្បីស្តារសម្ទុះពិភពលោកឡើងវិញ និងកាត់បន្ថយផលប៉ះពាល់នៅផ្នែកចំណូល។ លើសពីនេះទៀត ៧០ ភាគរយនៃអ្នកដែលត្រូវបានស្ទង់មតិរំពឹងថា លក្ខខណ្ឌហិរញ្ញវត្ថុនឹងបន្ធូរបន្ថយនៅពេលដែលអតិផរណាធ្លាក់ចុះ និងភាពតឹងតែងនៅក្នុងទីផ្សារការងារអាចនឹងធូរស្រាលបើទោះបីជាធនាគារកណ្តាលកំពូលរបស់ពិភពលោកនិយាយថាអត្រាការប្រាក់បានឡើងដល់កំពូលក៏ដោយ។

យ៉ាងណាមិញ អ្នកសេដ្ឋកិច្ចភាគច្រើនកំពុងព្រួយបារម្ភពីឥទ្ធិពល AI ដោយព្យាករណ៍ថា វានឹងធ្វើឲ្យសេដ្ឋកិច្ចពិភពលោកមានវិសមភាព។ អ្នកសេដ្ឋកិច្ចជាង ៩៤ ភាគរយរំពឹងថា AI នឹងជំរុញផលិតភាពយ៉ាងខ្លាំងនៅក្នុងសេដ្ឋកិច្ចដែលមានប្រាក់ចំណូលខ្ពស់ក្នុងរយៈពេល ៥ ឆ្នាំខាងមុខ ប៉ុន្តែក្នុងចំណោមនោះ ប្រមាណ ៥៣ ភាគរយបានព្យាករណ៍ថា AI នឹងមានផលប៉ះពាល់ដល់ប្រទេសប្រាក់ចំណូលទាប ព្រមទាំងបណ្តាលឱ្យមានការធ្លាក់ចុះនៃទំនុកចិត្តនៅទូទាំងទាំងប្រទេសដែលមានចំណូលខ្ពស់ និងសេដ្ឋកិច្ចទាបផងដែរ។ ទន្ទឹមនឹងការអភិវឌ្ឍន៍ភូមិសាស្ត្រនយោបាយ អ្នកសេដ្ឋកិច្ចជាង ៨៧ ភាគរយរំពឹងថា ឥទ្ធិពលនៃ AI នឹងបង្កឱ្យមានការប្រែប្រួលនៅក្នុងសេដ្ឋកិច្ចពិភពលោក ហើយក្នុងចំណោមនោះ មានប្រមាណ ៥៧ ភាគរយ ទាយថាលក្ខខណ្ឌទាំងនេះនឹងបង្កើនវិសមភាព និងបង្កើនការបែងចែកភូមិសាស្ត្រនយោបាយខាងជើង-ខាងត្បូងក្នុងរយៈពេល ៣ឆ្នាំខាងមុខ។

ផ្អែកទៅលើការទស្សន៍ទាយថាជិត ៣ ភាគ ៤ នៃការកើនឡើងផលិតភាពដោយសារ AI នៅទូទាំងឧស្សាហកម្ម ត្រូវបានគេរំពឹងថា AI នឹងជួយកែលម្អក្នុងការស្រាវជ្រាវ ការអភិវឌ្ឍន៍ សេវាកម្មអតិថិជន ទីផ្សារ ការលក់ និងវិស្វកម្ម software។

ទោះជាយ៉ាងណាក្តី ការទស្សន៍ទាយអំពីផលចំណេញសេដ្ឋកិច្ចពី AI ត្រូវបាននាំមកនូវផលប៉ះពាល់ដែលអាចកើតមាននៃបច្ចេកវិទ្យាសម្រាប់ការងារ វិសមភាព និងសង្គមជាទូទៅផងដែរ។ អ្នកសេដ្ឋកិច្ចបានសម្តែងការព្រួយបារម្ភអំពីហានិភ័យនៃស្វ័យប្រវត្តិកម្ម ការផ្លាស់ទីលំនៅការងារ និងការធ្លាក់ចុះ។ ប្រធានសេដ្ឋវិទូជិត ៣ ភាគ ៤ មិនបានព្យាករណ៍ពីឥទ្ធិពលជាវិជ្ជមានលើការងារក្នុងប្រទេសដែលមានចំណូលទាបទេ ខណៈដែល ១៧ ភាគរយផ្សេងទៀតមិនប្រាកដប្រជា។ របាយការណ៍នេះបានកត់សម្គាល់ថា អ្នកសេដ្ឋកិច្ចភាគច្រើនរំពឹងថា នឹងមានការផ្លាស់ប្តូរទីលំនៅ។

Weform បានលើកឡើងដែរថា ទោះបីជាមានភស្តុតាងបង្ហាញពីឥទ្ធិពលទូលំទូលាយនៃ AI លើកម្លាំងពលកម្មក៏ដោយ ប៉ុន្តែនៅពេលអនាគតដ៏ខ្លី AI ទំនងជានឹងផ្លាស់ប្តូរជាជាងការលុបបំបាត់ការងារ ជាមួយនឹងផលប៉ះពាល់អវិជ្ជមានយ៉ាងធ្ងន់ធ្ងរលើគុណភាពការងារ។

Saadia Zahidi នាយកគ្រប់គ្រង Weforum បាននិយាយថា ការដោះស្រាយបញ្ហាប្រឈមធំៗនឹងទាមទារឱ្យមានការស្តារឡើងវិញនូវកំណើនសេដ្ឋកិច្ចពិភពលោក ប៉ុន្តែកត្តាកំណើនតែមួយគឺមិនគ្រប់គ្រាន់នោះទេ។ ទន្ទឹមនឹងនេះ បច្ចេកវិទ្យានឹងត្រូវលើកឡើងជាផ្នែកធំនៃរបៀបវារៈនៃកិច្ចប្រជុំនៅ Davos ក្នុងឆ្នាំនេះ ដោយមានប្រធានបទគឺ « AI ជាកម្លាំងជំរុញសម្រាប់សេដ្ឋកិច្ច និងសង្គម»៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ