សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រថយន្តអគ្គិសនីបានក្លាយទៅជាមធ្យោបាយធ្វើដំណើរថ្មី និងពេញនិយមបំផុតក្នុងរយៈពេលប៉ុន្មានឆ្នាំចុងក្រោយនេះ ហើយក៏ស្របទៅនឹងការព្យាយាមរបស់ពិភពលោកក្នុងការចាកចេញពីការប្រើប្រាស់ថាមពលហ្វូស៊ីលទាំងអស់នៅពេលខាងមុខផងដែរ។
បន្ថែមពីនេះ វាក៏ជាមធ្យោបាយធ្វើដំណើរដ៏មានប្រសិទ្ធភាព កាត់បន្ថយចំណាយសម្រាប់អ្នកប្រើប្រាស់ ខណៈដែលរថយន្តអគ្គិសនីទាំងនោះត្រូវបានគេព្យាករណ៍ថានឹងអាចជួយផ្តល់ភាពងាយស្រួលដល់ជីវិតរស់នៅរបស់អ្នកប្រើប្រាស់កាន់តែច្រើនបន្ថែមទៀតនៅក្នុងពេលដែលការអភិវឌ្ឍបច្ចេកវិទ្យាកាន់តែទំនើបឡើង។
ជាក់ស្តែង បច្ចុប្បន្ននេះក្រុមអ្នកស្រាវជ្រាវបច្ចេកវិទ្យារថយន្តអគ្គិសនីកំពុងនាំគ្នាសិក្សា និងអភិវឌ្ឍនូវមុខងារដ៏អស្ចារ្យមួយទៀតដែលអនុញ្ញាតឲ្យរថយន្តអគ្គិសនីមិនត្រឹមតែអាចធ្វើដំណើរប៉ុណ្ណោះទេ វាក៏អាចក្លាយទៅជាម៉ាស៊ីនផលិតអគ្គិសនីនៅតាមផ្ទះផងដែរ ឬគេអាចហៅថា V2H (Vehicle to Home) ។
វិធីសាស្ត្រថ្មីនេះនឹងធ្វើឲ្យថ្មរថយន្តទាំងនោះអាចផ្គត់ផ្គង់អគ្គិសនីទៅឲ្យគ្រប់ប្រភេទឧបករណ៍ដែលមាននៅតាមគេហដ្ឋានបន្ថែមពីលើមុខងារទទួយយកថាមពលអគ្គិសនីដើម្បីតែផ្តល់ទៅឲ្យការធ្វើដំណើរ។ មុខងារនេះត្រូវបានគេជឿជាក់ថាពិតជាមានអត្ថប្រយោជន៍បំផុតនៅក្នុងគ្រាដែលមានការផ្តាច់ចរន្តអគ្គិសនីច្រើនថ្ងៃដោយប្រការណាមួយ ឬដោយសារបញ្ហាគ្រោះថ្នាក់ធម្មជាតិដោយទំហំនៃការប្រើប្រាស់សម្រាប់ថ្មរថយន្តនីមួយៗអាចមានទៅដល់ច្រើនថ្ងៃ ឬច្រើនសប្តាហ៍សម្រាប់រថយន្តមួយគ្រឿងជាមួយនឹងផ្ទះមួយខ្នង។
ឧទាហរណ៍ ដូចជានៅប្រទេសអង់គ្លេស ការប្រើប្រាស់ថាមពលអគ្កិសនីនៅតាមផ្ទះនីមួយៗមានប្រមាណជា ៨ ទៅ ១០គីឡូវ៉ាត់ម៉ោងក្នុងមួយថ្ងៃ ប៉ុន្តែប្រសិនបើអ្នកមានប្រើប្រាស់រថយន្តអគ្គិសនីប្រភេទ Vauxhall Corsa-e ដែលថ្មរបស់វាមានថាមពលដល់ទៅ ៥០គីឡូវ៉ាត់ម៉ោង ដូច្នេះគេអាចប្រើប្រាស់វាបានទៅដល់ ៤ ឬ ៥ថ្ងៃ ដែលគិតបញ្ចូលទាំងការប្រើប្រាស់ទូរទឹកកកអ៊ិនធឺណេតម៉ាស៊ីនត្រជាក់អំពូល និងទូរទស្សន៍ជាដើមផង។
គួរឲ្យដឹងដែរថា ទំហំនៃការលក់រថយន្តអគ្គិសនីនៅលើពិភពលោកមានការកើនឡើងជារៀងរាល់ឆ្នាំ ជាពិសេសអំឡុងវិបត្តិកូវីដ និងជម្លោះនៅអ៊ុយក្រែនដោយកាលពីឆ្នាំ២០២១ រថយន្តអគ្គិសនីដល់ទៅ ១០លានគ្រឿងត្រូវបានលក់ចេញស្ថិតនៅក្នុងអត្រាកើនឡើង ៩ភាគរយ និងប្រមាណជា ២៦លានគ្រឿងនៅក្នុងឆ្នាំ២០២២ ស្ថិតនៅក្នុងអត្រាកើនឡើងដល់ទៅ៦០ភាគរយ៕
Account
Security
Favourite Content