សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងឆ្នាំ២០២២នេះ រាជរដ្ឋាភិបាលកម្ពុជាគ្រោងនឹងបន្តបញ្ចេញកញ្ចប់ថវិការជំនួយប្រមាណ១ពាន់លានដុល្លារ ដើម្បីជួយទ្រទ្រង់ដល់កិច្ចដំណើរការអាជីវកម្មនានា ក៏ដូចជាសហគ្រាសធុនតូច និងមធ្យម ព្រមទាំងធុរកិច្ចផ្សេងៗនៅកម្ពុជាឲ្យមានភាពល្អប្រសើរឡើងវិញក្រោយទទួលរងនូវវិបត្តិពីកូវីដ-១៩។
លោកឧបនាយករដ្ឋមន្រ្តី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានលើកឡើងថា រាជរដ្ឋាភិបាលកម្ពុជាគ្រោងបន្តបញ្ចេញថវិកាអន្តរាគមន៍បន្ថែមទៀតក្នុងទំហំប្រមាណ ១ ០១៤ លានដុល្លារនៅក្នុងឆ្នាំ២០២២នេះ ដើម្បីទ្រទ្រង់ និងស្តារសកម្មភាពអាជីវកម្ម និងធុរកិច្ចឱ្យងើបឡើងវិញ និងជួយទំនុកបម្រុងដល់ជីវភាពគ្រួសារក្រីក្រ និងងាយរងគ្រោះដោយសារតែវិបត្តិកូវីដ-១៩។
ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន បានមានប្រសាសន៍បញ្ជាក់ទៀតថា រាជរដ្ឋាភិបាលបានដាក់ចេញ និងជំរុញអនុវត្តនូវកញ្ចប់វិធានការអន្តរាគមន៍ចំនួន ១០ជុំជាបន្តបន្ទាប់ ក្នុងគោលបំណងទ្រទ្រង់ និងស្តារសកម្មភាពអាជីវកម្ម និងធុរកិច្ចឱ្យងើបឡើងវិញ ជួយទំនុកបម្រុងដល់ជីវភាពប្រចាំថ្ងៃរបស់គ្រួសារក្រីក្រ និងងាយរងគ្រោះ។ ជាក់ស្ដែង រាជរដ្ឋាភិបាលបានប្រើប្រាស់ថវិកាប្រមាណ ៨២៩ លានដុល្លារអាម៉េរិកក្នុងឆ្នាំ២០២០ សម្រាប់អន្តរាគមន៍ ទាំងផ្នែកសុខាភិបាល សង្គម និងសេដ្ឋកិច្ច ហើយទំហំថវិកានេះបានកើនឡើងរហូតដល់ទៅប្រមាណ ១ ៤៥៤ លានដុល្លារអាមេរិកក្នុងឆ្នាំ២០២១។
ឯកឧត្តម អូន ព័ន្ធមុនីរ័ត្ន បានបញ្ជាក់ដូច្នេះថា ៖
“សម្រាប់ឆ្នាំ២០២២ រាជរដ្ឋាភិបាលគ្រោងបន្តបញ្ចេញថវិកាអន្តរាគមន៍បន្ថែមទៀត ក្នុងទំហំប្រមាណ ១ ០១៤ លានដុល្លារ ដោយគិតជារួម សម្រាប់រយៈពេល ៣ឆ្នាំ (២០២០-២០២២) ធនធានថវិកាដែលយើងបញ្ចេញ គឺមានទំហំរហូតដល់ទៅប្រមាណ ៣ ៤០០ លានដុល្លារ។ ជាលទ្ធផល កម្ពុជាអាចរក្សាបានល្អជាទូទៅនូវលំនឹងជីវភាពប្រជាជន ព្រមទាំងធានាបាននូវស្ថិរភាពម៉ាក្រូសេដ្ឋកិច្ច និងហិរញ្ញវត្ថុ ជាពិសេសគឺគ្រប់គ្រងបានជារួមនូវអតិផរណា និងស្ថិរភាពនៃអត្រាប្តូរប្រាក់”
គួររំលេចផងដែរថា ក្នុងឆ្នាំ២០២១ នេះ ទោះបីជាជំងឺកូវីដ-១៩ បន្តឆ្លងរាលដាលនៅគ្រប់ប្រទេស និងបង្កភាពមិនប្រាកដប្រជាខ្ពស់ តាមរយៈការបំប្លែងខ្លួនជាប្រភេទវីរុសកូវីដ-១៩ ថ្មីៗក៏ដោយ ក្រោមការដឹកនាំប្រកបដោយគតិបណ្ឌិត ភាពឈ្លាសវៃ និងភាពបុរេសកម្មរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា រាជរដ្ឋាភិបាលកម្ពុជា អាចគ្រប់គ្រងសភាពការណ៍នៃការរីករាលដាលនៃជំងឺកូវីដ-១៩ នៅក្នុងប្រទេសបានល្អប្រសើរ ធៀបនឹងប្រទេសនានាក្នុងតំបន់ និងលើសកលលោក ជាពិសេសតាមរយៈការអនុវត្តប្រកបដោយប្រសិទ្ធភាពនូវយុទ្ធសាស្ត្រចាក់វ៉ាក់សាំង វិធានការសុខាភិបាល, វិធានការអប់រំ និងវិធានការច្បាប់ផ្សេងៗទៀតជាច្រើន ដែលមានភាពទន់ភ្លន់ តែម៉ឺងម៉ាត់៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
លុយយ័ន កាន់តែមានតម្លៃ ខណៈដែលចិនអាចឈ្នះសង្គ្រាមពាណិជ្ជកម្មតាមរយៈរូបមន្តជំនួញថ្មីប្រេងដូរយកប្រាក់យ័ន និងមាស
ព្រឹត្តិការណ៍, អាជីវកម្មថ្មី និងនវានុវត្ត
• 21/01/2026
នៅក្នុងទីផ្សារថាមពលសកល ប្រទេសចិន បាន និងកំពុងពង្រឹងភាពជឿជាក់នៅលើទីផ្សារអន្តរជាតិកាន់តែខ្លាំងឡើងជាមួយនឹងអំណាចរបស់ប្រាក់យ័ន
ពលរដ្ឋជនជាតិដើមភាគតិចខេត្តរតនគិរី ទទួលបានបណ្ណកម្មសិទ្ធិដីធ្លីស្របច្បាប់ពីក្រសួងរៀបចំដែនដី នគរូបនីយកម្ម និងសំណង់
Top News, ព្រឹត្តិការណ៍, អចលនទ្រព្យ
• 21/01/2026
ប្រជាពលរដ្ឋជនជាតិដើមភាគតិច នៅខេត្តរតនគិរី បានទទួលបណ្ណកម្មសិទ្ធិសម្គាល់ម្ចាស់អចលនវត្ថុសមូហភាពស្របច្បាប់ ក្រោយរង់ចាំអស់រយៈពេលជាច្រើនឆ្នាំ ក្រោមវត្តមាន ឯកឧត្តម ឧបនាយករដ្ឋមន្ត្រី សាយ សំអាល់
ក្រសួងរៀបចំដែនដី បញ្ចប់ក្តីកង្វល់ក្នុងសង្គមជាតិ ជុំវិញការកាន់កាប់ដីសហគមន៍របស់ជនជាតិដើមភាគតិច
Top News, ព្រឹត្តិការណ៍, អចលនទ្រព្យ
• 20/01/2026
នៅថ្ងៃទី២០ ខែមករា ឆ្នាំ២០២៦នេះ ឯកឧត្តមឧបនាយករដ្ឋមន្រ្តី សាយ សំអាល់ រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានអញ្ជើញចូលរួមក្នុងពិធីប្រគល់ប័ណ្ណសមូហភាពជូនសហគមន៍ជនជាតិដើមភាគតិច
ក្រសួងកសិកម្ម រុក្ខាប្រមាញ់ និងនេសាទ គ្រោងបំពាក់ម៉ាស៊ីនថតស្វ័យប្រវត្តិឃ្លាំមើលសកម្មភាពសត្វផ្សោតទន្លេមេគង្គ
ព្រឹត្តិការណ៍, អាជីវកម្មថ្មី និងនវានុវត្ត
• 20/01/2026
ក្រសួងកសិកម្ម រុក្ខាប្រមាញ់ និងនេសាទ គ្រោងបំពាក់ម៉ាស៊ីនថតស្វ័យប្រវត្តិជាលើកដំបូង នៅដើមឆ្នាំ២០២៦នេះ សម្រាប់ឃ្លាំមើលសកម្មភាពរស់នៅរបស់សត្វផ្សោត
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content