សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងទៅតាមប្រភពពី Weforum បានបង្ហាញថា ហ្វាំងឡង់បានបញ្ចេញថ្មថាមពលដែលផលិតចេញពីខ្សាច់មុនដំបូងគេបង្អស់របស់ពិភពលោក។ ថ្មថាមពលនេះត្រូវបានផលិតដោយ Polar Night Energy ដែលជាក្រុមហ៊ុនច្នៃប្រតិដ្ឋថាមពលកំដៅសម្រាប់ស្តុកទុកទៅតាមរដូវកាល។
ក្រុមហ៊ុន Polar Night Energy បានអះអាងថា ការកែច្នៃមួយនេះ គឺជាដំណោះស្រាយដែលអាចបង្កើនទំហំថាមពលពន្លឺព្រះអាទិត្យ ឬថាមពលខ្យល់រហូតដល់ ១០០ ភាគរយទៅតាមតម្រូវការកំដៅ និងអគ្គិសនីរបស់អ្នកប្រើប្រាស់។ វាអាចជួយដោះស្រាយបញ្ហាប្រឈមនៃថាមពលកកើតឡើងវិញ និងធានាឱ្យមានការផ្គត់ផ្គង់ថាមពលថេរពេញមួយឆ្នាំផងដែរ។ ការផលិតថ្មថាមពលនេះ គឺបានមកពីអគ្គិសនីដែលបង្កើតឡើងវិញត្រូវបានបំប្លែងទៅជាកំដៅ ហើយត្រូវបានបូមចូលទៅក្នុងស៊ីឡូដែលពោរពេញទៅដោយខ្សាច់ ១០០ តោន។ កំដៅនេះធ្វើឲ្យខ្សាច់ក្តៅរហូតដល់ ៥០០ អង្សារសេ និងអាចរក្សាសីតុណ្ហភាពនេះបានរាប់ខែ ជាពិសេសនៅក្នុងរដូវរងា ថាមពលដែលបានរក្សាទុកនោះត្រូវបានប្រើជាកំដៅក្នុងផ្ទះ និងអាជីវកម្មក្នុងតំបន់។ លើសពីនេះ បច្ចេកវិទ្យានេះក៏អាចផ្តល់កំដៅសម្រាប់ដំណើរការនៅក្នុងឧស្សាហកម្មដែលពឹងផ្អែកលើថាមពលឥន្ធនៈផងដែរ។
ក្រុមហ៊ុនជំនាញបច្ចេកទេសផលិតថ្មនេះបាននិយាយថា ខ្លួនបានសាងសង់កន្លែងស្តុកខ្សាច់សម្រាប់ស្រូបកម្តៅនៅ Vatajankoski ដែលមានទីតាំងនៅភាគខាងលិចប្រទេសហ្វាំងឡង់។ វានឹងផ្តល់កំដៅសម្រាប់បណ្តាញកំដៅក្នុងស្រុក Vatajankoski ប្រទេសហ្វាំងឡង់ ដែលកន្លែងផ្ទុកមានថាមពលកំដៅ ១០០ គីឡូវ៉ាត់ និងទំហំថាមពលសម្រាប់ប្រើប្រាស់ ៨ មេហ្កាវ៉ាត់ក្នុងមួយម៉ោង ។
គួរបញ្ជាក់ថា នាពេលបច្ចុប្បន្ននេះ ថ្មថាមពលភាគច្រើនត្រូវបានផលិតពីលីចូម ប៉ុន្តែវាជាធនធានកម្រ និងមានតម្លៃថ្លៃ។ ទន្ទឹមនឹងនេះ ថ្មថាមពលផលិតពីខ្សាច់អាចមានទំហំដល់ទៅរាប់រយម៉ែត្រគូប ហើយថែមទាំងអាចសាងសង់នៅក្រោមដីបានទៀតផង៕
Account
Security
Favourite Content