OBRI Tanzania ទិញគ្រាប់ផ្កាឈូករ័ត្នពីកសិករជាស្ត្រី ហើយកែច្នៃជាប្រេងឆាលក់ក្នុងតម្លៃសមរម្យសម្រាប់អ្នកចំណូលទាប

បរទេស៖ យោងតាមប្រភពពី Inclusivebusiness.net បានលើកឡើងថា ប្រេងឆា គឺជាគ្រឿងផ្សំសំខាន់មួយក្នុងការចម្អិនអាហារ ប៉ុន្តែអ្នកប្រើប្រាស់នៅតាមបណ្តាប្រទេសក្រីក្រជាច្រើនកំពុងប្រើប្រាស់ប្រេងឆាដែលចម្អិនរួចហើយឡើងវិញជាច្រើនដងដែលបណ្តាលឱ្យមានបញ្ហាសុខភាពធ្ងន់ធ្ងរ។

ដើម្បីដោះស្រាយបញ្ហានេះ OBRI Tanzania បានទិញគ្រាប់ផ្កាឈូករ័ត្នពីកសិករជាស្ត្រីក្នុងទ្រង់ទ្រាយខ្នាតតូច ហើយកែច្នៃវាទៅជាប្រេងឆា។ OBRI Tanzania គឺជាក្រុមហ៊ុន​កសិកម្ម​អាហារ​ដែល​មាន​មូលដ្ឋាន​នៅ​ប្រទេស​តង់ហ្សានី ត្រូវបានបង្កើតឡើងដោយ Brigitha Faustin ក្នុងឆ្នាំ២០១៥ ហើយបានធ្វើការជាមួយស្ត្រីកសិករខ្នាតតូច ដើម្បីផលិតប្រេងឆាចម្រាញ់ចេញពីផ្កាឈូករ័ត្ន។

គំរូអាជីវកម្មបិរយាបន្នរបស់ OBRI Tanzania មិនត្រឹមតែជួយស្ត្រីជាជនជាតិតង់ហ្សានីបង្កើនប្រាក់ចំណូលប៉ុណ្ណោះទេ ប៉ុន្តែថែមទាំងផ្តល់ឱ្យអ្នកប្រើប្រាស់ដែលមានចំណូលទាបជាមួយនឹងជម្រើសប្រេងឆាចម្អិនអាហារដែលមានតម្លៃសមរម្យទៀតផង។ ចក្ខុវិស័យរបស់ OBRI Tanzania គឺយកចិត្តទុក់ដល់ជនជាតិតង់ហ្សានីគ្រប់រូបដោយភាពស្មើគ្នា ដោយមិនគិតពីប្រាក់ចំណូល ពីតំបន់ ឬភេទនោះទេ ដើម្បីឲ្យពួកគេអាចមានលទ្ធភាពទទួលបានប្រេងចម្អិនអាហារដែលមានតម្លៃសមរម្យ និងមានសុខភាពល្អ។

OBRI Tanzania ធ្វើការជាមួយកសិករខ្នាតតូចជាស្ត្រីជាង ១ ៩០០ នាក់ ដែលផលិតវត្ថុធាតុដើមទាំងអស់សម្រាប់ក្រុមហ៊ុន។ ដូចគ្នានេះផងដែរ OBRI Tanzania បានសហការជាមួយដៃគូដើម្បីធានាថាកសិករមានលទ្ធភាពទទួលបានគ្រាប់ពូជ និងការបណ្តុះបណ្តាល។  OBRI Tanzania បានផ្តល់ការបណ្តុះបណ្តាលដល់កសិករដែលជាដៃគូផងដែរ ដោយជួយពួកគេបង្កើនផលិ តភាពអាចផលិតគ្រាប់ពូជផ្កាឈូករ័ត្នបានរហូតដល់ ៤៥០ គីឡូក្រាមក្នុងមួយហិកតា ដែលច្រើនជាងមុន ៣ ដង។ OBRI Tanzania ផ្គត់ផ្គង់ប្រេងឆាទៅហាងក្នុងស្រុក អ្នកលក់បោះដុំ និងអ្នកលក់អាហារតាមចិញ្ចើមផ្លូវក្នុងតម្លៃថោកជាងពាក់កណ្តាលនៃតម្លៃប្រេងរបស់ដៃគូប្រកួតប្រជែងរបស់ពួកគេ។ ចាប់តាំងពីឆ្នាំ ២០១៥ មក ក្រុមហ៊ុនទទួលបានអ្នកប្រើប្រាស់ឈានដល់ ៥,៧ លាននាក់។

កាលពីឆ្នាំ ២០១៧ OBRI Tanzania បានទទួលរងការខាតបង់ ប៉ុន្តែឆ្នាំក្រោយៗមកទៀត ពួកគេបានទទួលបានប្រាក់ចំណេញ។ នៅឆ្នាំ២០២០ ពួកគេរកចំណូលបាន ៧០១ ០០០ ដុល្លារអាម៉េរិក ទោះបីជាការរាតត្បាតក៏ដោយ ហើយនៅឆ្នាំ២០២១ ពួកគេ​រកចំណូលបាន​ជាង ១,១ លាន​ដុល្លារ​អាមេរិក។

ប្រទេសតង់ហ្សានីមានប្រជាជនប្រហែល ៥៨ លាននាក់ នឹងអាចកើនឡើងដល់ ៩០ លាននាក់ក្នុងរយៈពេល ១៥ ឆ្នាំ។ ដូច្នោះហើយ មនុស្សទាំងអស់នោះគឺជាអ្នកប្រើប្រាស់ដ៏មានសក្តានុពលសម្រាប់ផលិតផលរបស់ OBRI Tanzania ។ ក្នុងនាមជាប្រទេសមួយ តង់ហ្សានី បានចំណាយប្រាក់ច្រើនជាង ១៥០ លានដុល្លារក្នុងមួយឆ្នាំសម្រាប់ការនាំចូលប្រេងឆាចំនួន ៣០០ ០០០ តោន ដែលស្មើនឹងប្រហាក់ប្រហែលពាក់កណ្តាលនៃប្រេងឆាសរុបដែលប្រជាជនប្រើ។ តាមរយៈការផលិតរបស់ OBRI Tanzania  ពួកគេសង្ឃឹមថា តង់ហ្សានីអាចនឹងបន្ថយការនាំចូលនាពេលអនាគត។ សម្រាប់ផ្នែកផ្គត់ផ្គង់ OBRI Tanzania បានចាប់ផ្តើមជាមួយកសិករត្រឹមតែ ៤០០ នាក់ប៉ុណ្ណោះក្នុងឆ្នាំ២០១៥-២០១៦។ ឥឡូវនេះ OBRI Tanzania មានបំណងចូលទៅក្នុងបណ្តាញនៃមូលនិធិ Aga Khan ដើម្បីឈានដល់កសិករ ៦ ០០០ ឬ ៧ ០០០ នាក់បន្ថែមទៀត។ ជាមធ្យម គ្រួសារតង់ហ្សានីមធ្យមមានសមាជិក ៦ ឬ ៧ នាក់ ដោយមានន័យថា OBRI Tanzania អាចនឹងឈានដល់មនុស្សប្រហែល ៤២ ០០០ នាក់នៅពេលអនាគត។

យ៉ាងណាមិញ បញ្ហាប្រឈមមួយរបស់ OBRI Tanzania គឺការចង់រួមបញ្ចូលកសិករជាស្ត្រីកាន់តែច្រើនទៅក្នុងបណ្តាញរបស់ពួកគេ ប៉ុន្តែប្រភពខ្វះខាត។ កសិករតង់ហ្សានីពឹងផ្អែកលើពូជគ្រាប់ពូជក្នុងស្រុកដើម្បីដាំផ្កាឈូករ័ត្ន ដែលជាហេតុធ្វើឲ្យក្រុមហ៊ុនក្នុងស្រុកមិនអាចផលិតបានគ្រប់គ្រាន់ដើម្បីបំពេញតម្រូវការ។ ដូចគ្នានេះផងដែរ ដៃគូរបស់ OBRI Tanzania បានកាត់បន្ថយការចំណាយលើប្រភពផលិត ដោយសារការរាតត្បាត។ បញ្ហាប្រឈមសំខាន់មួយទៀតគឺ ការស្វែងរកមូលនិធិ ដោយសារ OBRI Tanzania ត្រូវការមូលនិធិដើម្បីផ្តល់ហិរញ្ញប្បទានសម្រាប់ធ្វើជាដើមទុន ផ្តល់សេវាកម្មបន្ថែម ការវិនិយោគលើទីផ្សារ ការដឹកជញ្ជូន និងគ្រឿងម៉ាស៊ីនសម្រាប់ប្រតិបត្តិរបស់ពួកគេ។ ទន្ទឹមនឹងនេះ OBRI Tanzania ក៏ចាប់អារម្មណ៍លើភាពជាដៃគូស្រាវជ្រាវ និងអភិវឌ្ឍន៍ផងដែរ ដោយក្រុមហ៊ុន ឬសាកលវិទ្យាល័យអាចគាំទ្រពួកគេក្នុងការអភិវឌ្ឍន៍គ្រាប់ពូជដែលមានគុណភាពខ្ពស់ តម្លៃសមរម្យ ចែកចាយដល់កសិករ និងចែករំលែកចំណេះដឹងផ្នែកបន្ថែមទៀត។

ទោះជាយ៉ាងណាក្តី គោលដៅរបស់ OBRI Tanzania គឺនៅពេលដែលក្រុមហ៊ុនទទួលបានផលចំណេញ កសិកររបស់ពួកគេក៏ទទួលបាផលចំណេញដែរ ហើយអ្នកប្រើប្រាស់មានលទ្ធភាពទទួលបានប្រេងចម្អិនអាហារដែលមានតម្លៃសមរម្យថែមទៀតផង។ OBRI Tanzania ផ្តោតទៅការរកប្រាក់ចំណូលជាងប្រាក់ចំណេញនោះ ដើម្បីវិនិយោគឡើងវិញនៅក្នុងក្រុមហ៊ុន ហើយធានាថា វាបំពេញគោលបំណងរបស់ក្រុមហ៊ុន។ ទន្ទឹមនឹងនេះ OBRI Tanzania មាន​អ្នក​វិនិយោគ​ភាគហ៊ុនមួយរឹងមាំ​គឺ​ក្រុមហ៊ុន Africa Aid។ លើសពីនេះទៀត OBRI Tanzania គឺជាសមាជិកនៃសហគមន៍សហគ្រិនភាពជាច្រើនក្នុងការផ្តល់ជំនួយបច្ចេកទេស ហើយ OBRI Tanzania ក៏បានឈ្នះពានរង្វាន់ថ្នាក់តំបន់ដែលមកជាមួយការវិនិយោគតូចតាចក្នុងចំណោមរង្វាន់ផ្សេងទៀត UNDP Innovation Award ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា គឺជាស្ពានតភ្ជាប់ទីផ្សារក្នុងស្រុក តំបន់ និងសកលលោកដែលមានប្រជាជនសរុបរាប់ពាន់លាននាក់

Top News, ព្រឹត្តិការណ៍, សេដ្ឋកិច្ច

• 18/11/2026

ភ្នំពេញ ៖ បន្ទាប់ពីបញ្ចប់ដោយជោគជ័យនៃកិច្ចប្រជុំកំពូលហ្វ្រង់កូហ្វូនីលើកទី២០ កម្ពុជា កំពុងដាក់ខ្លួនជាមជ្ឈមណ្ឌលវិនិយោគដ៏មានសក្តានុពល និងគាំទ្រធុរកិច្ចនៅចំបេះដូងនៃតំបន់អាស៊ាន ហើយក៏ជាស្ពានតភ្ជាប់ទីផ្សារពាណិជ្ជកម្មទាំងក្នុងតំបន់ និងសកលលោកផងដែរ។  ជាមួយនឹងឥរិយាបថបើកចំហសម្រាប់ការវិនិយោគដែលផ្តល់ភាពជាម្ចាស់ភាគហ៊ុនដល់បរទេសរហូតដល់ ១០០% ស្របពេលដែលកម្ពុជាជាប្រទេសដែលមានកម្លាំងពលកម្មវ័យក្មេងអាចបណ្តុះបណ្តាលបាន និងការផ្លាស់ប្តូរជាយុទ្ធសាស្ត្រឆ្ពោះទៅរកវិស័យអេឡិចត្រូនិក ថាមពលបៃតង និងផលិតកម្មដែលមានតម្លៃបន្ថែមខ្ពស់ កម្ពុជាបានផ្តល់ជូនអ្នកវិនិយោគសកលនូវច្រកទ្វារដោយផ្ទាល់ទៅកាន់មហាអនុតំបន់ទន្លេមេគង្គ អ្នកប្រើប្រាស់ចំនួន ៧០០ លាននាក់របស់អាស៊ាន និងដៃគូពាណិជ្ជកម្មអន្តរជាតិសំខាន់ៗ។ ថ្លែងក្នុងកិច្ចប្រជុំកំពូលហ្វ្រង់កូហ្វូនី

អាជីវកម្ម​ត្រី​ចំហុយ​ខ្មែរ​នៅ​ព្រែក​ព្នៅ ​​បង្កើត​តម្លៃ​បន្ថែម​តាមរយៈ​គុណភាព និង​ការ​វេចខ្ចប់​បែប​ធម្មជាតិ​

ជំនួញ, ព្រឹត្តិការណ៍

• 18/11/2026

​ ​អាជីវកម្ម​ត្រី​ចំហុយ​ខ្នាត​គ្រួសារ​មួយ​នៅ​ខណ្ឌ​ព្រែក​ព្នៅ​ ​រាជធានី​ភ្នំពេញ​ ​កំពុង​បង្កើត​ភាព​ខុសប្លែក​ក្នុង​ទីផ្សារ​ម្ហូប​អាហារ​តាម​អនឡាញ​ ​តាមរយៈ​ការ​ផ្តោត​លើ​គុណភាព​ អនាម័យ ​និង​ការ​វេចខ្ចប់​បែប​ធម្មជាតិ​ ​ដោយ​ប្រើប្រាស់​អនុផល​ព្រៃឈើ​ក្នុង​ស្រុក​ ​ជំនួស​ឱ្យ​ប្រអប់​ស្នោ

ប្រធានាធិបតីបារាំង អេម៉ានុយអែល ម៉ាក្រុង កោតសរសើរដល់ក្រុមហ៊ុន កាណាឌីយ៉ា គ្រុប នៅក្នុងព្រឹត្តិការណ៍ ហ្រ្វង់កូតិច (FrancoTech)

ព្រឹត្តិការណ៍, អត្ថបទពាណិជ្ជកម្ម

• 18/11/2026

ភ្នំពេញ ៖ នៅក្នុងថ្ងៃទី២ នៃព្រឹត្តិការណ៍ ហ្រ្វង់កូតិច (FrancoTech) លោកប្រធានាធិបតីបារាំង អេម៉ានុយអែល ម៉ាក្រុង (Emmanuel Macron) បានជួបជាមួយ ឧកញ៉ាវេជ្ជបណ្ឌិត ពុង ការ៉ូលីន (Carolyne Pung) អនុប្រធានក្រុមប្រឹក្សាភិបាលក្រុមហ៊ុន កាណាឌីយ៉ា គ្រុប

រុស្ស៊ី​ប្ដូរ​យុទ្ធសាស្ត្រ​ហិរញ្ញវត្ថុ ​​ពង្រឹង​ពាណិជ្ជកម្ម​ជាមួយ​ចិន​ ទោះ​ការ​ប្រើ​ប្រាក់​យន់​ធ្លាក់ចុះ​

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

ការ​ធ្លាក់ចុះ​នៃ​ការ​ទូទាត់​ជា​ប្រាក់​យន់​ក្នុង​ពាណិជ្ជកម្ម​រវាង​រុស្ស៊ី​ និង​ចិន ​កំពុង​បង្កើត​ការ​ជជែក​ដេញដោល​អំពី​ប្រសិទ្ធភាព​នៃ​យុទ្ធសាស្ត្រ​របស់​រុស្ស៊ី​ក្នុង​ការ​កាត់បន្ថយ​ការ​ពឹងផ្អែក​លើ​ប្រាក់​ដុល្លារ​អាម៉េរិក

អាស៊ានចង់ពង្រឹងជំហររបស់តំបន់ឲ្យធំជាងមុននៅក្នុងខ្សែច្រវាក់ផ្គត់ផ្គង់រ៉ែកម្រជាសកល

ព្រឹត្តិការណ៍, សេដ្ឋកិច្ច

• 18/11/2026

នៅក្នុងសេចក្តីថ្លែងការណ៍មួយដែលត្រូវបានអនុម័តក្នុងអំឡុងកិច្ចប្រជុំកំពូលអាស៊ានលើកទី៤៩ នៅទីក្រុងម៉ានីល មេដឹកនាំទាំងអស់ប្តេជ្ញាបង្កើតយុទ្ធសាស្ត្ររ៉ែកម្រសំខាន់ៗរបស់អាស៊ាន ដើម្បីតម្រង់ទិសកិច្ចសហប្រតិបត្តិការនៅទូទាំងខ្សែច្រវាក់តម្លៃរ៉ែ

ជំនួបដ៏តានតឹងរវាងកំពូលបុរសខ្លាំងទាំង៣ នៅ APEC ក្រោយបោះបង់ចោលសន្ធិសញ្ញានុយក្លេអ៊ែរជិត១ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 18/11/2026

បរទេស ៖ រយៈពេល៩ខែមកហើយបន្ទាប់ពីការផុតកំណត់នៃសន្ធិសញ្ញា New START ដែលមានន័យថា មហាអំណាចនុយក្លេអ៊ែរធំៗបំផុតរបស់ពិភពលោកនឹងមិនមានដែនកំណត់ផ្លូវច្បាប់ទៀតឡើយទៅលើការគ្រប់គ្រងឃ្លាំងអាវុធយុទ្ធសាស្ត្រប្រល័យលោក។ មកដល់ពេលនេះប្រធានាធិបតីអាមេរិក លោក Donald Trump ប្រធានាធិបតីចិន លោក Xi Jinping និងប្រធានាធិបតីរុស្ស៊ី លោក Vladimir Putin គ្រោងជួបប្រជុំគ្នានៅថ្ងៃព្រហស្បតិ៍

ពាណិជ្ជកម្ម​កម្ពុជា​-​បារាំង ​ឈាន​ដល់​ដំណាក់កាល​អនុវត្ត​ឱ្យ​ចេញ​ជា​លទ្ធផល​ជាក់ស្តែង​

ព្រឹត្តិការណ៍, សេដ្ឋកិច្ច

• 18/11/2026

​ ​ទំនាក់ទំនង​សេដ្ឋកិច្ច​រវាង​កម្ពុជា​ ​និង​បារាំង ​បាន​ឈាន​ដល់​ដំណាក់កាល​អនុវត្ត ​ដើម្បី​បង្កើត​លទ្ធផល​ជាក់ស្តែង​ ​ដោយ​ផ្អែក​លើ​សក្តានុពល​សេដ្ឋកិច្ច​ ​និង​ចំណុច​ខ្លាំង​របស់​កម្ពុជា​ ​ដែល​អាច​ទាក់ទាញ​វិនិយោគិន​បារាំង

ន​នោង​ជ្រុង ​ដំណាំ​រយៈពេល​ខ្លី ងាយ​ដាំដុះ​ ​និង​អាច​រក​ចំណូល​បាន​ជិត ​២០ ​លាន​រៀល​លើ​ផ្ទៃដី​ ​៧៥ ​អា

ជំនួញ, ព្រឹត្តិការណ៍

• 18/11/2026

ដំណាំននោង​ជ្រុង​កំពុង​បង្ហាញ​ពី​សក្តានុពល​ជា​បន្លែ​សេដ្ឋកិច្ច​មួយ​សម្រាប់​កសិករ ​ដោយ​សារ​ងាយស្រួល​ដាំដុះ​ ថែទាំ​មិន​ស្មុគស្មាញ ​អាច​ដាំ​បាន​គ្រប់​រដូវ​កាល​ ​និង​ឆាប់​ទទួល​បាន​ផល ​ដែល​អាច​ជួយ​បង្កើត​ប្រាក់​ចំណូល​ជា​ប្រចាំ​សម្រាប់​គ្រួសារ​កសិករ

ប៊ុលហ្គារី ​និង​វៀតណាម ​​ប្តេជ្ញា​ពង្រីក​កិច្ច​សហប្រតិបត្តិការ​សេដ្ឋកិច្ច​ ​និង​ការពារ​ជាតិ​

ព្រឹត្តិការណ៍, សេដ្ឋកិច្ច

• 18/11/2026

ប៊ុលហ្គារី ​និង​វៀតណាម ​បាន​ប្តេជ្ញា​ពង្រឹង​ភាព​ជា​ដៃគូ​យុទ្ធសាស្ត្រ​ឱ្យ​កាន់តែ​ស៊ីជម្រៅ​ ​តាមរយៈ​ការ​ពង្រីក​កិច្ច​សហប្រតិបត្តិការ​លើ​វិស័យ​សេដ្ឋកិច្ច​ ​ការពារ​ជាតិ​ ការ​អប់រំ​ ​និង​បច្ចេកវិទ្យា​ខ្ពស់ ​ក្នុង​ជំនួប​ទ្វេ​ភាគី​រវាង​ប្រមុខ​រដ្ឋ​នៃ​ប្រទេស​ទាំង​ពីរ ​នៅ​រាជធានី​ភ្នំពេញ​ ​ប្រទេស​កម្ពុជា

អូស៊ីអាយស៊ី រៀបចំកិច្ចពិភាក្សាតុមូលជាមួយក្រុមប្រឹក្សាធុរកិច្ចកាណាដា-អាស៊ាន ដោយនាំយកថ្នាក់ដឹកនាំធុរកិច្ចមកពីប្រទេសកាណាដា និងតំបន់មេគង្គមកជួបជុំគ្នានៅអគារ Connexion កោះពេជ្រ

ព្រឹត្តិការណ៍, អត្ថបទពាណិជ្ជកម្ម

• 17/11/2026

ភ្នំពេញ ៖ ក្រុមហ៊ុន អូស៊ីអាយស៊ី (OCIC) បានរៀបចំកម្មវិធីពិភាក្សាតុមូលផ្នែកពាណិជ្ជកម្មរវាងកាណាដា និងតំបន់មេគង្គ នៅថ្ងៃទី ១៤ ខែវិច្ឆិកា ឆ្នាំ ២០២៦ នៅ Innovation Lab ក្នុងអគារ Connexion កោះពេជ្រ។ កម្មវិធីនេះត្រូវបានរៀបចំឡើងដោយក្រុមប្រឹក្សាពាណិជ្ជកម្មកាណាដា-អាស៊ាន (CABC)