សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី CNA បានរាយការណ៍ថា ផ្លូវរថភ្លើងល្បឿនមានឈ្មោះថា Whoosh អាចជួយសន្សំសំចៃរដ្ឋាភិបាលឥណ្ឌូនេស៊ីរាប់លានដុល្លារពីការចំណាយលើប្រេងឥន្ធនៈ ចាប់តាំងពីវាបានចាប់ផ្តើមប្រតិបត្តិការកាលពីឆ្នាំ២០២៣។
យោងតាមរដ្ឋមន្ត្រីសហគ្រាសរដ្ឋ លោក Erick Thohir បានបង្ហាញឱ្យដឹងថា ផ្លូវរថភ្លើងល្បឿនលឿន Whoosh មិនត្រឹមតែជួយកាត់បន្ថយពេលវេលាធ្វើដំណើររវាងរដ្ឋធានីហ្សាកាតាទៅកាន់ទីក្រុងបានឌុងប៉ុណ្ណោះទេ ប៉ុន្តែវាជំរុញការប្រើប្រាស់ថាមពលឲ្យកាន់តែមានប្រសិទ្ធភាពជាមួយនឹងការជួយសន្សំសំចៃរដ្ឋាភិបាលរាប់លានរូពីផងដែរ។ ផ្លូវរថភ្លើងល្បឿនលឿន Whoosh អាចជួយសន្សំសំចៃរដ្ឋាភិបាល ៣,២ ទ្រីលានរូពីឥណ្ឌូណេស៊ី (១៩៧ លានដុល្លារអាម៉េរិក) ពីការចំណាយលើប្រេងឥន្ធនៈក្នុងមួយឆ្នាំ។
គួរឲ្យបញ្ជាក់ដែរថា Whoosh ត្រូវបានបើកសម្ពោធឲ្យប្រើប្រាស់នៅថ្ងៃទី ២ ខែតុលា ឆ្នាំ ២០២៣ និងជាផ្លូវរថភ្លើងល្បឿនលឿនដំបូងគេនៅអាស៊ីអាគ្នេយ៍ ដែលត្រូវបានសាងសង់ក្រោមការសហការជាមួយប្រទេសចិន។ គម្រោងផ្លូវរថភ្លើងល្បឿនលឿន Whoosh មួយនេះមានតម្លៃ ៧,៣ ពាន់លានដុល្លារ។ បន្ថែមពីនេះ ចិនបានផ្តល់មូលនិធិតាមរយៈប្រាក់កម្ចីដល់ឥណ្ឌូណស៊ីក្នុងការសាងសង់ Whoosh ក្រោមគំនិតផ្តួចផ្តើមខ្សែក្រវ៉ាត់ និងផ្លូវ (BRI)។ ផ្លូវដែកនេះតភ្ជាប់ពីរដ្ឋធានីហ្សាកាតាទៅកាន់ទីក្រុងបានឌុងមានចម្ងាយ ១៤២ គីឡូម៉ែត្រ ជាមួយនឹងរយៈពេលធ្វើដំណើរ ៤០ នាទីប៉ុណ្ណោះ បើប្រៀបធៀបទៅនឹងផ្លូវដែកធម្មតាមានរយៈពេលពី ២ ទៅ ៣ ម៉ោង។ ចាប់តាំងពីការបើកដំណើរការនៅឆ្នាំ ២០២៣ Whoosh បានដឹកអ្នកដំណើរចំនួន ៤លាននាក់រហូតដល់ដើមខែកក្កដាកន្លងទៅនេះ។
ក្នុងពិធីសម្ពោធ Whoosh កាលពីឆ្នាំមុន ប្រធានាធិបតីឥណ្ឌូនេស៊ី Joko Widodo បានបង្ហាញពីការរំពឹងទុកថា ផ្លូវរថភ្លើងល្បឿនមួយនេះនឹងនាំមកនូវអត្ថប្រយោជន៍ជាច្រើនដល់ប្រជាជនឥណ្ឌូណស៊ីជាពិសេសសម្រាប់សហគមន៍មូលដ្ឋាន និងជំរុញកំណើនសេដ្ឋកិច្ចនៅក្នុងតំបន់ដែលឆ្លងកាត់ដោយខ្សែរថភ្លើងល្បឿនលឿន។ ទន្ទឹមនឹងនេះ រថភ្លើងល្បឿនលឿន Whoosh ត្រូវបានរាយការណ៍ថា ភាគច្រើនកំណើនអ្នកដំណើរបានកើនឡើងអំឡុងពេលថ្ងៃឈប់សម្រាក៕
Account
Security
Favourite Content