សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជំនួសឲ្យភាពមិនច្បាស់លាស់នៃតម្លៃប្រេងនៅពេលបច្ចុប្បន្ន និងអាចបន្តទៅថ្ងៃខាងមុខនេះ រដ្ឋាភិបាលតាមរយៈក្រសួងសាធារណៈការ និងដឹកជញ្ជូនបានលើកទឹកចិត្តឲ្យប្រជាជនងាកមកប្រើប្រាស់យានយន្ដដើរដោយថាមពលអគ្គិសនីជំនួសវិញ ដែលក្រៅពីអាចកាត់បន្ថយការចំណាយទៅលើការធ្វើដំណើរប្រចាំថ្ងៃ ថែមទាំងអាចចូលរួមថែរក្សាបរិស្ថាន និងកាត់បន្ថយឧស្ម័នពុលផងដែរ។
នៅពេលបច្ចុប្បន្ននេះ ដោយសារតែប្រទេសដែលផ្គត់ផ្គង់ប្រេងធំបំផុតទី២នៅលើសកលលោក រុស្ស៊ី កំពុងជួបបញ្ហា និងទទួលរងនូវទណ្ឌកម្មជាបន្តបន្ទាប់ពីសំណាក់បណ្តាប្រទេសធំៗ បានរុញឲ្យតម្លៃប្រេងបន្តកើនឡើងយ៉ាងជារៀងរាល់ថ្ងៃ រហូតបង្កើតជាបញ្ហាប្រឈមកង្វះប្រេងនៅលើទីផ្សារ ដែលជាការបារម្ភរបស់ប្រជាជននៅលើពិភពលោកត្អូញត្អែរយ៉ាងខ្លាំង ហើយព្យាយាមកាត់បន្ថយការធ្វើដំណើរ ផ្សេងៗដែលមិនចាំបាច់។
បន្ថែមពីនេះ ដោយសារតែក្ដីបារម្ភទៅលើការបន្តឡើងថ្លៃនៃតម្លៃប្រេង មានមនុស្សមួយចំនួនបាននាំគ្នាទៅទិញប្រេងស្តុកទុក ដែលកាន់តែបង្កើននូវហានិភ័យខ្ពស់ទៅលើការចំណាយខុសខ្ទង់ ជាពិសេសបញ្ហាសុខសុវត្ថិភាព។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានមានប្រសាសន៍ថា ៖
“ទាក់ទងនឹងការផ្អើលឈូឆររបស់ប្រជាជនដែលសម្រុកទៅទិញសាំងទុកក្នុងពេលនេះ ខ្ញុំគិតថាអាចកើតជាបញ្ហាសម្រាប់ពួកគាត់។ ខ្ញុំយល់ថាមិនចាំបាច់ទេ ព្រោះវានឹងធ្វើឲ្យប៉ះពាល់ដល់សុវត្ថិភាពនៃការរស់នៅរបស់គាត់ បើសិនគាត់ទុកដាក់សាំងមិនត្រឹមត្រូវ”
លោកបន្តថា ៖
“ម៉្យាងទៀត បើយើងក្រឡេកមកមើលវិស័យបរិស្ថានវិញ ការកើនឡើងនៃយានយន្ដបានធ្វើឲ្យមានការបំភាយឧស្ម័នកាបូនឌីអុកស៊ីត (CO2) ចេញពីផ្សែងយានយន្ដ ដែលជាផ្នែកមួយនៃការកើនឡើងនូវឧស្ម័នពុល បណ្តាលឱ្យមានការឡើងកំដៅផែនដី បម្រែបម្រួលអាកាសធាតុ ការធ្លាក់ចុះនូវគុណភាពខ្យល់ និងការបំពុលបរិស្ថានដែលវាគំរាមគំហែងខ្លាំងដល់ជីវិតរស់នៅលើផែនដី”
បច្ចុប្បន្ន ដោយសារតែមើលឃើញពីភាពប្រឈម និងបម្រែបម្រួលអាកាសធាតុ ក្រសួង និងស្ថាប័នពាក់ព័ន្ធ បាន និងកំពុងរួមគ្នាស្វែងរក ដំណោះស្រាយ ដោយក្នុងនោះគោលនយោបាយផែនការយុទ្ធសាស្ត្រ និងជាវិធានការដើម្បីឈានទៅសម្រេចបាននូវការប្រើប្រាស់រថយន្តអគ្គិសនីក្នុងអត្រា៤០% និងទោចក្រយានយន្ត(ម៉ូតូ) អគ្គិសនីក្នុងអត្រា៧០% នៅឆ្នាំ២០៥០ត្រូវបានដាក់ចេញ និងអនុវត្ត។
ជាមួយគ្នានេះ ក្រសួងសាធារណៈការក៏បានបន្តអំពាវនាវឱ្យមានការចូលរួមពីសំណាក់ប្រជាពលរដ្ឋទូទៅ បណ្តាក្រសួង-សា្ថប័ន និងភាគីពាក់ព័ន្ធទាំងអស់ ដើម្បីរៀបចំ និងអនុវត្តគោលនយោបាយផែនការយុទ្ធសាស្ត្រ និងវិធានការនានាប្រកបដោយប្រសិទ្ធភាព និងប្រសិទ្ធផល ជំរុញការគាំទ្រ និងការលើកទឹកចិត្តដល់ការអភិវឌ្ឍ ការប្រើប្រាស់យានយន្តអគ្គិសនីមានការកើនឡើង និងការបង្កើនចំនួនទីតាំងបញ្ចូលថាមពលឲ្យច្រើនកន្លែង និងការគ្រប់គ្រង ការកែច្នៃ និងការបោះបង់សំណល់អាគុយប្រកបដោយសុវត្ថិភាព។ គួរបញ្ជាក់ថា កាលពីឆ្នាំ២០២០ ចំនួនយានយន្តអគ្គិសនីដែលបានចុះបញ្ជីមានចំនួនត្រឹមតែ០២គ្រឿងប៉ុណ្ណោះ ខណៈដែលឆ្នាំ២០២១ យានយន្តដើមដោយថាមពលអគ្គិសនីដែលចុះបញ្ជីមានចំនួន៦២គ្រឿងនៅឆ្នាំ២០២១។ ដោយឡែក នៅក្នុងរយៈពេល ៣ខែដើមឆ្នាំ២០២២ គិតចាប់ពីខែមករា ដល់ខែមីនា ការចុះបញ្ជីយានយន្តអគ្គិសនីមានចំនួន៤៧គ្រឿង ធៀបនឹងឆ្នាំ២០២១ក្នុងរយៈពេលដូចគ្នាដែលមានត្រឹមចំនួន០៧គ្រឿងនោះ មានការកើនឡើង៦៧១ភាគរយ។ នេះបើតាមទិន្នន័យរបស់ក្រសួងសាធារណៈការ និងដឹកជញ្ជូន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content