វិភាគ ៖ ភាពល្អប្រសើរ និងបញ្ហាប្រឈមមួយចំនួនអាចនឹងកើតមាន ក្រោយពេលប្រទេសទាំង១០នៃសមាជិកអាស៊ានរួមគ្នាក្លាយជាប្រទេសតែមួយ

បរទេស ៖ អាស៊ាន (ASEAN) ឬ សមាគមប្រជាជាតិអាស៊ីអាគ្នេយ៍ ឈរឈ្មោះជាតំបន់​សេដ្ឋកិច្ច​នយោបាយ​ដ៏​ជោគជ័យ​មួយ​ក្នុងចំណោមតំបន់ផ្សេងៗទៀតរបស់​ពិភពលោក។ បច្ចុប្បនុ្ននេះ អាស៊ានមានសមាជិក ១០ ប្រទេសដូចជា៖ ឥណ្ឌូណេស៊ី ថៃ វៀតណាម សឹង្ហបុរី ហ្វីលីពីន ម៉ាឡេស៊ី ឡាវ ប្រ៊ុយណេ កម្ពុជា និង មីយ៉ាន់ម៉ា។ ដូច្នោះហើយមានចម្ងល់មួយចំនួនលើកឡើងថា ប្រសិនបើសមាជិកទាំងដប់នេះរួបរួមគ្នាក្លាយជាប្រទេសតែមួយ តើពួកគេអាចប្រឈមនឹងផលវិបាកអ្វីខ្លះ? តើករណីនេះអាចនាំអោយកាន់តែមានវិបុលភាព និងការរួបរួម ឬ វានឹងនាំអោយមានជម្លោះ?

យោងទៅតាមប្រភពពី Behind Asia បានធ្វើការវិភាគលើគំនិតមួយនេះ ដោយពួកគេបានស្វែងយល់ពីផលប៉ះពាល់សេដ្ឋកិច្ច និងនយោបាយនៃប្រជាជាតិអាស៊ាន ដោយសិក្សាទាំងលើផលប្រយោជន៍ និងបញ្ហាប្រឈមដែលអាចកើតឡើងក្រោយពីការរួមបញ្ចូលគ្នានេះ។ ជាការពិតណាស់ តំបន់អាស៊ីអាគ្នេយ៍ប្រមូលផ្តុំទៅដោយចម្រុះនៃវប្បធម៌ សេដ្ឋកិច្ច និងប្រព័ន្ធនយោបាយ ដោយប្រទេសនីមួយៗមានរឿង ឬ ប្រវត្តិសាស្រ្តរៀងៗខ្លួន។ ការទទួលរងឥទ្ធិពលពីសង្គ្រាមត្រជាក់នាឆ្នាំ១៩៦៧ បានធ្វើឲ្យប្រទេសដែលមានសេដ្ឋកិច្ចធំៗនៅអាស៊ីអាគ្នេយ៍រួមកម្លាំងគ្នាបង្កើតអាស៊ាន ដើម្បីលើកកម្ពស់កំណើនសេដ្ឋកិច្ច វឌ្ឍនភាពសង្គម និងការអភិវឌ្ឍន៍វប្បធម៌។ វាអាចនឹង​​គ្មាន​អ្វី​គួរ​ឲ្យ​ភ្ញាក់​ផ្អើល​ឡើយ ប្រសិនបើ​ប្រទេស​សមាជិក​អាស៊ាន​ទាំង​ ១០​ រួបរួម​គ្នា​ជា​សក្ដានុពលមួយ​សម្រាប់​កំណើន​សេដ្ឋកិច្ច ដោយសារតំបន់នេះបានក្លាយជាមហាសេដ្ឋីលំដាប់ទី ៥ នៅទូទាំងពិភពលោក ជាមួយនឹងផលិតផលសរុបក្នុងស្រុកសរុបប្រមាណ ៣ ទ្រីពាន់លាននៅឆ្នាំ២០២១។

ជាមួយនឹងចំនួនប្រជាជនសរុបជាង ៦៧៥ លាននាក់ វាអាចនឹងក្លាយជាប្រទេសដែលមានប្រជាជនច្រើនជាងគេលំដាប់ទី ៣ នៅលើពិភពលោក ដោយសក្តានុពលសេដ្ឋកិច្ចនឹងរួមមានទៅដោយកម្លាំងពលកម្មវ័យក្មេង ដែលជាទ្រព្យសម្បត្តិដ៏មានតម្លៃក្នុងការជំរុញការច្នៃប្រឌិត និងផលិតភាពនៅក្នុងវិស័យផ្សេងៗ ដូចជា កសិកម្ម ផលិតកម្ម និងបច្ចេកវិទ្យាជាដើម។​ ការរួមបញ្ចូលគ្នានៃកម្លាំងពលកម្មជំនាញដែលកំពុងរីកចម្រើននឹងបង្កើតទីផ្សារអ្នកប្រើប្រាស់ចម្រុះជាតិសាសន៍ដ៏ទាក់ទាញ និងអ្នកវិនិយោគបរទេសដែលកំពុងស្វែងរកប្រយោជន៍ពីសក្តានុពលកំណើនសេដ្ឋកិច្ច។ មិនត្រឹមតែប៉ុណ្ណោះ ធនធានធម្មជាតិដ៏សម្បូរបែបនៅក្នុងតំបន់ក៏នឹងរួមចំណែកដល់ភាពជោគជ័យសេដ្ឋកិច្ចរបស់អាស៊ានផងដែរ ដូចជា ប្រេង និង ហ្គាសធម្មជាតិនៅក្នុងម៉ាឡេស៊ី និងប្រ៊ុយណេ កសិកម្មដែលមានដីជីជាតិនៅ ថៃ វៀតណាម និងកម្ពុជា ដែលធ្វើឲ្យតំបន់នេះនឹងមានទីតាំងល្អដើម្បីក្លាយជាអ្នកផលិតស្បៀងអាហារ និងថាមពលដោយខ្លួនឯង។ លើសពីនេះទៅទៀត ទីតាំងនៅបណ្តាប្រទេសនីមួយៗគឺជាផ្លូវពាណិជ្ជកម្មដ៏វែងមួយ ដែលនឹងជួយសម្រួលដល់ពាណិជ្ជកម្ម ការវិនិយោគ និង ជំរុញកំណើនសេដ្ឋកិច្ចរបស់ប្រទេស។

ទោះយ៉ាងណាក្តី វាក៏នាំមកនូវបញ្ហាប្រឈមខ្លះផងដែរ ដោយសារដំណើរសេដ្ឋកិច្ចនៅក្នុងប្រទេសទាំងអស់មានវិសមភាពប្រាក់ចំណូល។ ដើម្បីដោះស្រាយបញ្ហានេះ ប្រទេសថ្មីមួយនេះនឹងត្រូវអនុវត្តគោលនយោបាយ ការពង្រឹងលើសុវត្ថិភាពសង្គម ការអភិវឌ្ឍន៍ធនធានមនុស្ស និងហេដ្ឋារចនាសម្ព័ន្ធដើម្បីលើកកម្ពស់កំណើនសេដ្ឋកិច្ចប្រកបដោយប្រសិទ្ធភាព។ បើនិយាយអំពីហេដ្ឋារចនាសម្ព័ន្ធវិញ ការបង្រួបបង្រួមអាស៊ានអាចនឹងប្រឈមមុខនឹងគម្លាតដ៏ធំនៅក្នុងតំបន់នេះ ដោយសារប្រទេសជាច្រើនខ្វះខាតថាមពល ការដឹកជញ្ជូនមិនគ្រប់គ្រាន់ និងបច្ចេកវិទ្យាឌីជីថល។ ដើម្បីជំនះបញ្ហាប្រឈមនេះ ប្រទេសនេះនឹងត្រូវការការវិនិយោគច្រើនទៅលើគម្រោងហេដ្ឋារចនាសម្ព័ន្នរួមមានបណ្តាញផ្លូវដែកល្បឿនលឿន និងកំពង់ផែ ថាមពលកកើតឡើងវិញ និងការប្រើប្រាស់អ៊ីនធឺណេតល្បឿនលឿន។ ការវិនិយោគនេះមិនត្រឹមតែបង្កើតការងារ និងជំរុញកំណើនសេដ្ឋកិច្ចប៉ុណ្ណោះទេ ប៉ុន្តែថែមទាំងជួយបង្រួមគម្លាតនៃការអភិវឌ្ឍន៍រវាងទីក្រុង និងជនបទផងដែរ។ មួយវិញទៀតនោះ គឺទិដ្ឋភាពនយោបាយរបស់អាស៊ានក្នុងការរួបរួមជាប្រជាជាតិតែមួយ ដែលជាបញ្ហាប្រឈមធំមួយដោយសារភាពចម្រុះនៃប្រព័ន្ធនយោបាយ និងមនោគមវិជ្ជា។ ដូច្នោះហើយ​ នៅក្នុងការវិភាគរបស់ Behind ASEA បានយល់ឃើញថា ដើម្បីរួបរួមជាប្រទេសមួយ អាស៊ានគួរអនុម័តរចនាសម្ព័ន្ធនយោបាយស្រដៀងទៅនឹងសហភាពអឺរ៉ុប ឬ សហរដ្ឋអាមេរិក ដែលវាអនុញ្ញាតឱ្យសមាជិកនីមួយៗអាចរក្សាបាននូវកម្រិតស្វ័យភាពមួយសម្រាប់ពិភាក្សាទៅលើបញ្ហាសំខាន់ៗដូចជា គោលនយោបាយ សន្តិសុខការពារជាតិ និងពាណិជ្ជកម្ម។ តាមរយៈការរៀនពីគ្នាទៅវិញទៅមក និងធ្វើការជាមួយគ្នា ការរួបរួមជាប្រទេសថ្មីមួយអាចបង្កើតដំណោះស្រាយប្រកបដោយភាពច្នៃប្រឌិតចំពោះបញ្ហាបន្ទាន់បំផុត ដែលជំរុញឱ្យមានស្មារតីឯកភាព និងគោលបំណងរួមគ្នា។ ការ​បង្រួបបង្រួម​តាមរយៈនយោបាយអាចនឹងធ្វើឲ្យពួកគេមានឱកាសបង្កើតមាគ៌ាថ្មីមួយលើគោលការណ៍នៃកិច្ចសហប្រតិបត្តិការ ការគោរពគ្នាទៅវិញទៅមក និងវិបុលភាពរួមគ្នា។ ប្រទេសថ្មីនេះអាចក្លាយជាគំរូសម្រាប់សមាហរណកម្មក្នុងតំបន់ និងកិច្ចសហប្រតិបត្តិការដែលតំបន់ផ្សេងទៀតជុំវិញពិភពលោកអាចដើរតាមគន្លងរបស់ខ្លួនបាន។

ទោះជាយ៉ាងណាក្តី វាដូចទៅនឹង​ប្រទេស​ធំៗ​ដែរ ការ​រួបរួមជាប្រទេសមួយ​នឹង​មាន​ឥទ្ធិពល​យ៉ាង​សន្ធឹកសន្ធាប់​ចំពោះពិភពលោកជាមួយនឹងកម្លាំងសេដ្ឋកិច្ច និងទីតាំងអំណោយផលរបស់ខ្លួន អាស៊ានអាចក្លាយជាតួអង្គសំខាន់ក្នុងការរៀបចំអនាគតសម្រាប់តំបន់ឥណ្ឌូប៉ាស៊ីហ្វិក។ យ៉ាងណាមិញ តុល្យភាពអំណាចក្នុងពិភពលោកតែងតែមានផ្លាស់ប្តូរជានិច្ច នោះការលូតលាស់របស់អាស៊ានជាប្រទេសមួយអាចមានផលប៉ះពាល់យ៉ាងខ្លាំងដល់នយោបាយ និងសេដ្ឋកិច្ចពិភពលោក។ នៅក្នុងការស្រមើស្រម៉ៃមួយនេះ អាស៊ានអាចនឹងប៉ះពាល់ទំនាក់ទំនងការទូតអន្តរជាតិជាមួយមហាអំណាចធំៗដូចជាចិន សហរដ្ឋអាមេរិក និងឥណ្ឌាជាដើម។  ក្រៅពីនេះផងដែរ ភាពសម្បូរបែបនៃវប្បធម៌តាមប្រទេសនីមួយៗអាចបង្កើតជាតំបន់ចម្រុះដែលមានជាង ១ ០០០ ភាសាផ្សេងគ្នា និងការគោរពសាសនាជាច្រើន ដែលធ្វើឲ្យទេសភាពវប្បធម៌របស់អាស៊ានមានភាពខុសប្លែកគ្នាដូចពណ៌ឥន្ទធនូ។ ដូច្នោះហើយ ការ​បង្កើត​អត្តសញ្ញាណជាតិ​សម្រាប់ប្រទេសថ្មីមួយ គឺជា​កិច្ចការ​ដ៏​សំខាន់​ដែល​ទាមទារ​ឲ្យមានការ​គោរព ​និង​ការ​យោគយល់​គ្នា​ទៅ​វិញ​ទៅ​មក​ក្នុង​ចំណោម​សហគមន៍​ចម្រុះ​របស់​ខ្លួន។

នៅក្នុងការពិសោធគំនិតនេះ Behind Asia បានសិក្សាយល់ឃើញទាំងលទ្ធភាព និងបញ្ហាប្រឈមក្នុងការបង្រួបបង្រួមអាស៊ានជាប្រទេសតែមួយដែលចម្រុះទៅដោយសេដ្ឋកិច្ច វប្បធម៌ និងប្រព័ន្ធនយោបាយ។ លើសពីនេះ សក្ដានុពលនៃកំណើនសេដ្ឋកិច្ច ការបង្កើតទិដ្ឋភាពនយោបាយតែមួយ និងការរួមបញ្ចូលគ្នានៃវប្បធម៌ក្នុងការក្លាយជាប្រទេសតែមួយ អាចជាការស្រមើស្រម៉ៃដ៏គួរឱ្យរំភើបមួយ។ តាមរយៈការពង្រឹងស្មារតីនៃកិច្ចសន្ទនាកិច្ចសហប្រតិបត្តិការរួមគ្នា តំបន់នេះអាចបើកឱកាសថ្មីសម្រាប់ការអភិវឌ្ឍន៍។ ទោះយ៉ាងណាក៏ដោយ ប្រទេសអាស៊ាននឹងត្រូវប្រឈមមុខនឹងការជម្នះឧបសគ្គផ្សេងៗ រួមទាំងវិសមភាពសេដ្ឋកិច្ច គម្លាតហេដ្ឋារចនាសម្ព័ន្ធ ការបែកបាក់ផ្នែកនយោបាយ និងបញ្ហាសិទ្ធិមនុស្ស។ បើទោះបីជាមិនអាចបង្រួបបង្រួមជាប្រទេសតែមួយក៏ពិតមែន ប៉ុន្តែសមាជិកអាស៊ានទាំងអស់នៅតែបន្តសហការ និងគាំទ្រគ្នាទៅវិញទៅមក ដែលធ្វើឲ្យពួកគេមានឱកាសពង្រឹងចំណងមិត្តភាព លើកកម្ពស់វិបុលភាពរួមគ្នា និងបង្កើតអនាគតដ៏ភ្លឺស្វាងសម្រាប់តំបន់អាស៊ីអាគ្នេយ៍៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ