តម្លៃប្រេងឡើងថ្លៃ បង្កឱ្យមានការព្រួយបារម្ភលើការផ្គត់ផ្គង់ប្រេងនៅមជ្ឈិមបូព៌ា

បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា​ ការវាយប្រហាររបស់អ៊ីស្រាអែលទៅលើអ៊ីរ៉ង់នាពេលថ្មីៗនេះបានធ្វើឱ្យតម្លៃប្រេងឡើងថ្លៃ ដែលបង្កឱ្យមានការព្រួយបារម្ភថាការផ្គត់ផ្គង់ប្រេងនៅមជ្ឈិមបូព៌ាអាចត្រូវបានរំខាន។

នៅក្នុងសប្ដាហ៍នេះ តម្លៃប្រេងឆៅម៉ាក Brent ឡើងថ្លៃ ១,៦១ ភាគរយ ឬ ៨៨,៥ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,៦៨ ភាគរយ ឬ ៨៣,៤៨ ដុល្លារក្នុងមួយបារ៉ែល។

កាលពីថ្ងៃសុក្រសប្ដាហ៍កន្លងទៅនេះ អ៊ីស្រាអែល បានបើកការវាយប្រហារលើដីអ៊ីរ៉ង់ ដែលធ្វើឲ្យហានិភ័យអូសទាញតំបន់មជ្ឈិមបូព៌ាចូលទៅក្នុងជម្លោះកាន់តែធ្ងន់ធ្ងរ ស្របពេលដែលប្រព័ន្ធផ្សព្វផ្សាយអ៊ីរ៉ង់ជាច្រើនបានរាយការណ៍ពីការផ្ទុះឡើងនូវភ្លើងសង្គ្រាម ប៉ុន្តែមន្ត្រីអ៊ីរ៉ង់ម្នាក់បានលើកឡើងថា ហេតុការណ៍ទាំងនោះបណ្តាលមកពីប្រព័ន្ធការពារដែនអាកាស។ បន្ថែមពីនេះ យន្តហោះ​គ្មាន​មនុស្ស​បើក​ចំនួន ៣ ​គ្រឿង​នៅ​លើ​កណ្តាល​ក្រុង Isfahan ត្រូវ​បាន​បាញ់​ទម្លាក់។

កាលពីថ្ងៃចុងសប្តាហ៍កន្លងទៅ អ៊ីរ៉ង់បានបាញ់បង្ហោះយន្តហោះគ្មានមនុស្សបើក និងកាំជ្រួចរាប់រយក្នុងការវាយប្រហារសងសឹកមួយបន្ទាប់ពីមានការសង្ស័យថា អ៊ីស្រាអែលវាយប្រហារលើបរិវេណស្ថានទូតរបស់ខ្លួននៅក្នុងប្រទេសស៊ីរី។ យន្តហោះគ្មានមនុស្សបើក និងកាំជ្រួចភាគច្រើនត្រូវបានទម្លាក់មុនពេលទៅដល់ទឹកដីអ៊ីស្រាអែល ដោយមានការខូចខាតតិចតួចបំផុត។ ទន្ទឹមនឹងនេះ វិនិយោគិនបាន និងកំពុងតាមដានយ៉ាងដិតដល់នូវប្រតិកម្មរបស់អ៊ីស្រាអែលចំពោះការវាយប្រហារដោយយន្តហោះគ្មានមនុស្សបើករបស់អ៊ីរ៉ង់កាលពីថ្ងៃទី ១៣ ខែមេសា។

លោក Warren Patterson ប្រធានយុទ្ធសាស្រ្តទំនិញរបស់ ING បានលើកឡើងថា ប្រសិនបើរបាយការណ៍ទាំងនេះក្លាយជាការពិត ការភ័យខ្លាចលើការឡើងថ្លៃនៃតម្លៃប្រេងនឹងកើនឡើងបន្ថែមទៀត ដែលធ្វើឲ្យហានិភ័យនៃការផ្គត់ផ្គង់ប្រេងមានការរំខាន។ ទន្ទឹមនឹងនេះ គេមើលឃើញថា ការវាយប្រហាររបស់អ៊ីស្រាអែលគឺជាការវាយបកចំពោះការវាយប្រហារដោយមីស៊ីលរបស់អ៊ីរ៉ង់កាលពីសប្តាហ៍មុន។ មុនពេលព័ត៌មានលេចឮអំពីការវាយប្រហាររបស់អ៊ីស្រាអែល តម្លៃប្រេងត្រូវបានកំណត់ថា វានឹងធ្លាក់ចុះប្រចាំសប្តាហ៍ ដោយសារការវិនិយោគបានកាត់បន្ថយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ការអនុវត្តកសិកម្មចម្រុះតាមបច្ចេកទេស អាចជួយឱ្យកសិករចំណេញទាំងសុខភាព លើកកម្ពស់ជីវភាពមិនបាច់ធ្វើចំណាកស្រុក

ជំនួញ, ព្រឹត្តិការណ៍

• 23/05/2024

ការអនុវត្តកសិកម្មចម្រុះសមស្របតាមបច្ចេកទេសអាចជួយដល់កសិករឱ្យទទួលបានកសិផលធម្មជាតិ មិនប៉ះពាល់សុខភាព និងលក់កសិផលទៅលើទីផ្សារទទួលបានចំណូល

ចិនត្រៀមខ្លួនជាស្រេច បន្តជួយគាំទ្រកម្ពុជាទាំងការអភិវឌ្ឍហេដ្ឋារចនាសម្ព័ន្ធរូបវន្ត និងធនធានមនុស្ស

ព្រឹត្តិការណ៍, សេដ្ឋកិច្ច

• 23/05/2024

កម្ពូជា-ចិន ឯកភាពគ្នាថា វិស័យហេដ្ឋារចនាសម្ព័ន្ធដឹកជញ្ជូន និងឡូជីស្ទិក គឺជាកម្លាំងចលករដ៏សំខាន់ដើម្បីជំរុញការអភិវឌ្ឍសេដ្ឋកិច្ច និងសង្គម

អ្នកជំនាញ ៖ ការមានលទ្ធភាពសុំកម្ចីពីធនាគារបាន គឺជារឿងល្អ

ព្រឹត្តិការណ៍, ហិរញ្ញវត្ថុ

• 23/05/2024

សម្រាប់អ្នកជំនាញ ការជាប់បំណុលទាំងអស់មិនប្រាកដថាអាក្រក់នោះទេ ផ្ទុយទៅវិញ វាគឺជារឿងល្អ ដែលបុគ្គលម្នាក់អាចមានលទ្ធភាពស្នើសុំកម្ចីពីធនាគារបាន...

រដ្ឋមន្ត្រីឧស្សាហកម្មណែនាំសហគ្រិនស្ត្រីរៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន

ព្រឹត្តិការណ៍, សេដ្ឋកិច្ច

• 23/05/2024

រដ្ឋមន្ត្រីឧស្សាហកម្មបានណែនាំសហគ្រិនស្ត្រី រៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន ហិរញ្ញវត្ថុ និងឱកាសអភិវឌ្ឍន៍ជំនាញ

Uglyfood គំនិតអាជីវកម្មថ្មីដើម្បីដោះស្រាយបញ្ហាកាកសំណល់អាហារ និងជំរុញនិរន្តរភាពប្រព័ន្ធផ្គត់ផ្គង់ម្ហូបអាហារ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 23/05/2024

Uglyfood មិនត្រឹមតែព្យាយាមរកទីផ្សារដើម្បីលក់ផលិតផលបន្លែ ផ្លែឈើ ដែលខ្វះស្តង់ដារប៉ុណ្ណោះទេ ថែមទាំងបានប្រើប្រាស់បច្ចេកវិទ្យាដើម្បីធ្វើការច្នៃប្រតិដ្ឋទៀតផង

កម្ពុជា​កំពុង​ធ្វើការ​ផ្លាស់ប្តូរ​លើ​ក្របខ័ណ្ឌ​នៃ​ភាព​ធន់​នឹងការប្រែប្រួល​អាកាសធាតុ ​នៅ​ក្នុង​ឧស្សាហកម្ម​ស្រូវ​ អង្ករ​

ព្រឹត្តិការណ៍, សេដ្ឋកិច្ច

• 21/05/2024

តំណាងកម្ពុជាថ្លែងក្នុងកិច្ចពិភាក្សាអំពីការអភិវឌ្ឍវិស័យស្រូវអង្ករក្នុងកិច្ចប្រជុំ ADFIAP ​ថា កម្ពុជាកំពុងធ្វើការលើការផ្លាស់ប្តូរក្របខ័ណ្ឌនៃភាពធន់ទៅនឹងអាកាសធាតុក្នុងវិស័យស្រូវ

ជប៉ុន និងអាស៊ាន ត្រៀមចាប់ដៃគ្នាធ្វើការងារលើឧស្សាហកម្មផលិត និងលក់រថយន្តអគ្គិសនី

ព្រឹត្តិការណ៍

• 21/05/2024

សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។

Mountain Hazelnuts អនុវត្តអាជីវកម្មបរិយាបន្ន ដើម្បីបង្កើនកម្លាំងពលកម្មផ្នែកកសិកម្មនៅជនបទ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 21/05/2024

បេសកកម្មរបស់ Mountain Hazelnuts គឺបង្កើតអាជីវកម្មដែលរកប្រាក់ចំណេញ និងផ្តល់ប្រាក់ចំណូលរយៈពេលវែងដល់សហគមន៍ជនបទដែលងាយរងគ្រោះ ព្រមទាំងជួយស្តារដីដែលខូចគុណភាពរបស់ប្រទេសជាតិផងដែរ

វិស័យ​សំណង់ និងអចលនទ្រព្យ រំពឹង​ថា​នឹង​បន្តមានកំណើនទាបក្នុងឆ្នាំ២០២៤​នេះ​

ព្រឹត្តិការណ៍, អចលនទ្រព្យ

• 21/05/2024

ទោះបីជា​ស្ថានភាព វិបត្តិកូវីដ​១​៩​បាន​បញ្ចប់ស្ទើរតែទាំងស្រុងទៅហើយក្ដី តែ​វិស័យ​សំណង់ និងអចលនទ្រព្យ​នៅតែបន្ត​មានកំណើតទាបដដែល​ក្នុងឆ្នាំនេះ

តម្លៃមាសបន្តឡើងថ្លៃជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/05/2024

តម្លៃមាសបានឡើងថ្លៃដល់ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ