អ៊ីតាលីប្រកាសចាកចេញពីគំនិតផ្តួចផ្តើមខ្សែក្រវាត់ និងផ្លូវរបស់ចិន

បរទេស ៖ យោងតាមប្រភព័ត៌មានពី CNN បានរាយការណ៍ថា រដ្ឋាភិបាលអ៊ីតាលីបានប្រកាសជាផ្លូវការនូវការសម្រេចចិត្តរបស់ខ្លួនក្នុងការចាកចេញពីគំនិតផ្តួចផ្តើមខ្សែក្រវាត់ និងផ្លូវ (BRI) ដ៏ធំរបស់ប្រទេសចិន។

កាលពីថ្ងៃពុធកន្លងទៅនេះ ឧបនាយករដ្ឋមន្ត្រី និងរដ្ឋមន្ត្រីការបរទេសរបស់អ៊ីតាលី លោក Antonio Tajani បានថ្លែងនៅក្នុងព្រឹត្តិការណ៍មួយថា កិច្ចព្រមព្រៀងហេដ្ឋារចនាសម្ព័ន្ធ និងការវិនិយោគសកលដែលដឹកនាំដោយប្រទេសចិនគឺលែងជាអាទិភាពសម្រាប់ប្រទេសអ៊ីតាលីទៀតហើយដោយបន្ថែមថាប្រទេសដែលមិនបានចូលរួមក្នុងគំនិតផ្តួចផ្តើមមាន​លទ្ធផល​ល្អ​ប្រសើរ​ជាង។

កាលពីថ្ងៃព្រហស្បតិ៍ លោកស្រី Giorgia Meloni នាយករដ្ឋមន្ត្រីអ៊ីតាលីបានបញ្ជាក់ពីការផ្លាស់ប្តូរដែលរំពឹងទុកយ៉ាងទូលំទូលាយ ដែលជាការសន្យាក្នុងយុទ្ធនាការមួយអំឡុងពេលលោកស្រីកាន់តំណែងកាលពីឆ្នាំមុនចំពេលមានការត្អូញត្អែរថាកិច្ចព្រមព្រៀងដែលបានចុះហត្ថលេខាជាមួយចិនទទួលបានអត្ថប្រយោជន៍តិចតួចដល់សេដ្ឋកិច្ចអ៊ីតាលី។

លោកស្រីបានបន្ថែមថា ទីក្រុងរ៉ូមនៅតែអាចរក្សាទំនាក់ទំនងល្អខាងផ្នែកពាណិជ្ជកម្ម និងសេដ្ឋកិច្ចជាមួយទីក្រុងប៉េកាំងនៅខាងក្រៅកិច្ចព្រមព្រៀង។

ក្នុងរយៈពេលប៉ុន្មានខែកន្លងមកនេះ មន្ត្រីកំពូលរបស់អ៊ីតាលី រួមទាំងនាយករដ្ឋមន្ត្រីអ៊ីតាលី Giorgia Meloni បានបញ្ជេញគំនិតនេះជាច្រើនដង។​​ នៅឆ្នាំ២០១៩ អ៊ីតាលីបានចុះហត្ថលេខាលើផែនការរបស់ចិន ដែលបានក្លាយជាប្រទេសលោកខាងលិចដំបូងគេដែលធ្វើដូច្នេះ។ នៅក្រោមកិច្ចព្រមព្រៀងនេះ របាំងពាណិជ្ជកម្មរវាងចិន និងអ៊ីតាលីត្រូវបានកាត់បន្ថយ ខណៈដែលទីក្រុងប៉េកាំងបានសន្យាថានឹងវិនិយោគលើកំពង់ផែអ៊ីតាលី និងហេដ្ឋារចនាសម្ព័ន្ធផ្លូវដែក។

មិនត្រឹមតែប៉ុណ្ណោះ សេចក្តីប្រកាសរបស់ទីក្រុងរ៉ូមកើតឡើងនៅពេលដែលប្រទេសអ៊ីតាលី ដូចជាបណ្តាប្រទេស EU ជាច្រើនកំពុងព្យាយាមធ្វើឱ្យមានតុល្យភាពរវាងការចង់ចូលរួមជាមួយប្រទេសចិនលើផ្នែកពាណិជ្ជកម្ម និងការវិនិយោគ ខណៈដែលរក្សាទំនាក់ទំនងជាមួយទីក្រុងវ៉ាស៊ីនតោន។ គំនិតផ្តួចផ្តើមហេដ្ឋារចនាសម្ព័ន្ធ និងពាណិជ្ជកម្មពិភពលោក BRI របស់ចិន ត្រូវបានបង្កើតឡើងដើម្បីជំរុញទំនាក់ទំនងសេដ្ឋកិច្ច និងពង្រីកឥទ្ធិពលនៃសេដ្ឋកិច្ចធំទីពីររបស់ពិភពលោក។ ចាប់តាំងពីវាត្រូវបានបង្កើតឡើងក្នុងឆ្នាំ២០១៣ វាបានទាក់ទាញការវិនិយោគប្រមាណ ១ ទ្រីលានដុល្លារ។

កាលពីដើមឆ្នាំនេះ លោកស្រី Meloni និយាយថា ការចូលរួមរបស់អ៊ីតាលីនៅក្នុងគំនិតផ្តួចផ្តើមខ្សែក្រវ៉ាត់ និងផ្លូវ គឺជាភាពផ្ទុយគ្នា ដោយមើលឃើញថា ខ្លួនគឺជាសមាជិកតែមួយគត់នៃ G7 ដែលបានចូលរួមក្នុងកតិកាសញ្ញាដែលដឹកនាំដោយចិន។ ទន្ទឹមនឹងនេះ ​អ៊ីតាលី​កំពុង​សម្រេច​ថា​តើ​ត្រូវ​បន្ត​សមាជិកភាព​របស់​ខ្លួន​នៅ​ខែ​ធ្នូ​ឆ្នាំ​នេះ​ឬ​អត់?

គួរឲ្យបញ្ជាក់ដែរថា ការសម្រេចចិត្តរបស់អ៊ីតាលីក្នុងការចូលរួមក្នុងកិច្ចព្រមព្រៀងនៅឆ្នាំ២០១៩ ត្រូវបានគេមើលឃើញថាជាការឈ្នះបែបការទូតមួយសម្រាប់ទីក្រុងប៉េកាំង ខណៈដែលទទួលបានការរិះគន់ពីទីក្រុងវ៉ាស៊ីនតោន និងទីក្រុងប្រ៊ូសែល។ កាលពីឆ្នាំមុន ចិនបាននាំចូលទំនិញអ៊ីតាលីក្នុងទំហំ ២៦,៩ ពាន់លានដុល្លារកាលពីឆ្នាំមុន ហើយការនាំចេញរបស់ចិនទៅកាន់អ៊ីតាលីបានកើនឡើងដល់ ៥០,៥ ពាន់លានដុល្លារដែលកើនពី ៣៣,៥ ពាន់លានដុល្លារនៅឆ្នាំ២០១៩៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រមួនឃ្មុំ ជាទិន្នផលទទួលបានពីទឹក និងសម្បុកឃ្មុំ កំពុងមានទីផ្សារល្អ ផ្តល់គុណប្រយោជន៍ច្រើន  

ជំនួញ, ព្រឹត្តិការណ៍

• 15/07/2024

ការចិញ្ចឹមឃ្មុំ ជាអាជីវកម្មមួយដែលអាចទាញយកបានផលច្រើនមុខ ដោយក្រៅពីទទួលបានទិន្នផលជាទឹកឃ្មុំ គេក៏អាចប្រមូលបាននូវលំអងឃ្មុំ និងចម្រាញ់ធ្វើជាក្រមួនឃ្មុំផងដែរ

គម្រោងអភិវឌ្ឍន៍ផ្លូវ​ចំនួន​៣ខ្សែ​រំពឹង​បញ្ចប់​ការដ្ឋាននៅក្នុងឆ្នាំ២០២៤

ព្រឹត្តិការណ៍, អចលនទ្រព្យ

• 15/07/2024

គម្រោងអភិវឌ្ឍន៍​ផ្លូវជាតិសំខាន់ៗចំនួន​៣ខ្សែ រំពឹងថា​នឹង​បញ្ចប់ការ​សាងសង់នៅក្នុងឆ្នាំ ២០២៤​នេះ ហើយនឹង​សម្រួលដល់​ការធ្វើដំណើររបស់ពលរដ្ឋ​​

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ផ្លូវជាតិលេខ៧១C ប្រវែងជាង១១៤គីឡូម៉ែត្រ ភ្ជាប់ខេត្តត្បូងឃ្មុំ​ – ខេត្តកំពង់ចាម​សាងសង់រួចរាល់១០០%

ព្រឹត្តិការណ៍, អចលនទ្រព្យ

• 15/07/2024

ផ្លូវជាតិលេខ៧១C ប្រវែងជាង១១៤គីឡូម៉ែត្រ តភ្ជាប់ខេត្តត្បូងឃ្មុំ​ និង ខេត្តកំពង់ចាម​ សាងសង់រួចរាល់១០០%ហើយនៅសល់តែការងារគូសគំនូសចរាចរណ៍ប៉ុណ្ណោះ

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ព្រឹត្តិការណ៍, ហិរញ្ញវត្ថុ

• 15/07/2024

រយៈពេល៥ខែ សេដ្ឋកិច្ចកម្ពុជាបានបង្ហាញពីសញ្ញាណល្អ ខណៈអត្រាអតិផរណាត្រលប់ទៅរកភាពប្រសើរឡើងវិញ

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

ជប៉ុន គ្រោងវិនិយោគ២៣ពាន់លានដុល្លារសង់ផ្លូវក្រោមដីជាង៥០០គីឡូម៉ែត្រសម្រាប់តែការដឹកជញ្ជូនទំនិញដោយស្វ័យប្រវត្តិ

ព្រឹត្តិការណ៍, អាជីវកម្មថ្មី និងនវានុវត្ត

• 15/07/2024

ជប៉ុន គ្រោងវិនិយោគ ២៣ពាន់លានដុល្លារ សម្រាប់ការសាងសង់ផ្លូវក្រោមដីមានប្រវែងជាង៥០០គីឡូម៉ែត្រ សម្រាប់តែការដឹកជញ្ជូនទំនិញដោយស្វ័យប្រវត្តិ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល