សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នៅក្នុងកិច្ចប្រជុំសភាប្រជាជនកំពូលរបស់កូរ៉េខាងជើង Supreme People’s Assembly (SPA) កាលពីពេលថ្មីៗនេះ រដ្ឋាភិបាលទីក្រុងព្យុងយ៉ាងបានសម្រេចចិត្តក្នុងការចែងច្បាប់ថ្មីមួយ ដែលអនុញ្ញាតឱ្យកងទ័ពអាចចុចបញ្ជាអាវុធនុយក្លេអ៊ែរភ្លាមៗ ដើម្បីធ្វើការសងសឹក ក្នុងករណីដែលមានការធ្វើឃាតណាមួយទៅលើមេដឹកនាំលោក គីម ជុងអ៊ុន។
នៅក្នុងអត្ថបទដែលចេញផ្សាយដោយ FOX News កាលពីចុងសប្តាហ៍កន្លងមកនេះ បានសរសេរថា ការធ្វើច្បាប់នេះត្រូវបានអនុម័តរួចរាល់ហើយ តាំងតែពីអំឡុងសម័យប្រជុំមួយរបស់ SPA ដែលបានបញ្ចប់ទៅកាលពីថ្ងៃទី ២២ ខែមីនា នៅទីក្រុងព្យុងយ៉ាង។
យ៉ាងណាក្តី យោងតាមរបាយការណ៍ដដែលនេះបានឱ្យដឹងថា ទីភ្នាក់ស៊ើបការសម្ងាត់ជាតិកូរ៉េខាងត្បូង ហៅកាត់ថា NIS ទើបតែបានធ្វើការជម្រាបជូនព័ត៌មាននេះទៅកាន់ក្រុមមន្ត្រីរដ្ឋាភិបាលជាន់ខ្ពស់នៅក្នុងសប្តាហ៍កន្លងទៅនេះប៉ុណ្ណោះ។
គោលការណ៍ដែលបានកែសម្រួលនេះគូសបញ្ជាក់អំពីនីតិវិធីសម្រាប់វិធីសាស្ត្រក្នុងការសងសឹក ប្រសិនបើថ្នាក់ដឹកនាំកំពូងលរបស់កូរ៉េខាងជើងត្រូវបានធ្វើឃាត ដោយប្រការណាមួយ។
បទប្បញ្ញត្តិថ្មីដែលបានធ្វើបច្ចុប្បន្នភាពបានចែងបែបនេះថា ប្រសិនបើប្រព័ន្ធបញ្ជា និងការគ្រប់គ្រងលើកងកម្លាំងនុយក្លេអ៊ែររបស់រដ្ឋត្រូវបានដាក់ឱ្យស្ថិតក្នុងភាពគ្រោះថ្នាក់ ដោយការវាយប្រហារណាមួយ នោះមានន័យថា ការវាយប្រហារដោយនុយក្លេអ៊ែរនឹងត្រូវចាប់ផ្តើមដោយស្វ័យប្រវត្តិ និងភ្លាមៗ។
កាលពីមេសាកន្លងទៅ លោក គីម ជុងអ៊ុន មេដឹកនាំកំពូលរបស់កូរ៉េខាងជើង បានធ្វើការប្តេជ្ញាចិត្តថា នឹងពង្រឹងសមត្ថភាពនុយក្លេអ៊ែររបស់ប្រទេសបន្ថែមទៀត ខណៈពេលដែលរក្សាជំហរដ៏ម៉ឺងម៉ាត់សំដៅចំពោះកូរ៉េខាងត្បូង ដែលលោកហៅថាជារដ្ឋដែលបង្កអរិភាពបំផុតសម្រាប់កូរ៉េខាងជើង។
ដោយឡែកកាសែត The Telegraph បានរាយការណ៍ថា ការផ្លាស់ប្តូរច្បាប់ថ្មីនេះកើតឡើង ចំពេលមានភាពតានតឹងនៃភូមិសាស្ត្រនយោបាយនៅទូទាំងពិភពលោកកាន់តែខ្លាំងឡើង ជាពិសេស ក្រោយប្រតិបត្តិការសម្លាប់មេដឹកនាំកំពូលអ៊ីរ៉ង់ លោក Ali Khamenei និងមន្ត្រីដទៃទៀតពីសំណាក់កងកម្លាំងយោធារបស់អាម៉េរិក និងអ៊ីស្រាអែល កាលពីខែកុម្ភៈ៕
Account
Security
Favourite Content