សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នវានុវត្ត ៖ គិតត្រឹមឆ្នាំ២០៥០ ខាងមុខពលរដ្ឋពិភពលោកដល់ទៅ៦៨ភាគរយនឹងនាំគ្នាប្រមូលផ្តុំទៅរស់នៅតាមទីក្រុងដែលវានឹងក្លាយទៅជាបន្ទុកសម្រាប់អ្នកអភិវឌ្ឍន៍ ទីក្រុងជាពិសេសដើម្បីទប់ស្កាត់បញ្ហាបំពុលបរិយាកាសដោយសារសកម្មភាពមនុស្សដ៏ច្រើនលើសលប់។
ក្នុងការត្រៀមខ្លួនទុកជាមុន បណ្តាទីក្រុងជាច្រើនលើពិភពលោកកំពុងនាំគ្នាគិតគូរអំពីបញ្ហារៀបចំទីក្រុងឡើងវិញធ្វើយ៉ាងណាអាចកែប្រែទីក្រុងទៅជាកន្លែងដែលផ្តល់ផលប៉ះពាល់តិចតួចបំផុតចំពោះបរិស្ថាននិងផ្តល់មកនូវសុខាមាលភាពកាន់តែមានប្រសិទ្ធភាពឡើងវិញចំពោះពលរដ្ឋ។
មួយក្នុងចំណោមផែនការអភិវឌ្ឍសំខាន់ៗនានាគេសង្កេតឃើញមានគម្រោងដ៏គួរឲ្យចាប់អារម្មណ៍មួយរបស់ទីក្រុងឡុងដែលគ្រោងនឹងធ្វើការកែប្រែផ្លុវរថភ្លើងដ៏ចំណាស់មួយដែលត្រូវបានគេបោះបង់ចោលទៅជាសួនឧទ្យានបែបធម្មជាតិដ៏ស្រស់ត្រកាលឡើងវិញដោយសង្ឃឹមថានឹងអាចជួយដល់ពលរដ្ឋក្នុងទីក្រុងមួយចំនួនធំទទួលបាននូវភាពរីករាយជាមួយនឹងបរិយាកាសល្អៗក្នុងក្រុងឡើងវិញ។
ផ្លូវរថភ្លើងដែលមានប្រវែងប្រមាណជា១,២គីឡូម៉ែត្រដែលលាតសន្ធឹងពីផ្សារ Camden ស្ថិតនៅភាគខាងជើងនៃទីក្រុងទៅដល់តំបន់ប្រជុំជន King’s Crossដែលជាប្លុកសំបូរទៅដល់ក្រុមហ៊ុនពាណីជ្ជកម្មខ្នាតអន្តរជាតិធំៗដូចជា Google, Guardian និង Central Saint Martins art school ជាដើម។
យោងតាមការអះអាងដោយក្រុមអ្នកអនុវត្តគម្រោងបានឲ្យដឹងថាក្រោយបញ្ចប់ការសាងសង់សួនធម្មជាតិដ៏ស្រស់ស្អាតនេះនឹងអាចទទួលស្វាគមន៍មនុស្សដល់ទៅ២០០០០នាក់។គម្រោងសួនធម្មជាតិនេះក៏នឹងអាចជួយកាត់បន្ថយការបំពុលអាកាសផងជួយកាត់បន្ថយកំដៅក្នុងទីក្រុងផងនិងផ្តល់ឲ្យពលរដ្ឋក្នុងទីក្រុងនូវបទពិសោធនៃការរស់នៅតាមបែបព្រៃធម្មជាតិផង។ មិនត្រឹមទីតាំងនេះក៏នឹងមានការរៀបចំឲ្យមានជាសាលារៀនបែបសហគមសម្រាប់ក្មេងផងនិងក៏ដូចជាការដាំដុះបន្លែផ្លែឈើបែបធម្មជាតិផង។
បើមិនមានអ្វីប្រែប្រួលទេដំណាក់កាលទី១អជ្ញាធរក្រុងឡុងនឹងត្រូវចំណាយប្រាក់ប្រមាណជា១៦លានអឺរ៉ូដើម្បីចាប់ផ្តើមការដ្ឋានសាងសង់ហើយវានឹងអាចដំណើរការជាផ្លូវការបាននៅឆ្នាំ២០២៥ខាងមុខ។
តាមការស្រាវជ្រាវដោយ The Heart Lung and Circulation គេបានរកឃើញថាទីក្រុងដែលមានភ្ជាប់ជាមួយនឹងធម្មជាតិកាន់តែច្រើននោះនឹងអាចជួយឲ្យការថយចុះនៃបញ្ហាបេះដូងនិងបញ្ហាសួតព្រមទាំងការកាត់បន្ថយនូវភាពស្ត្រេសជំងឺបាក់ទឹកចិត្តនិងភាពធុញថប់ក្នុងអារម្មណ៍ផងដែរ៕
Account
Security
Favourite Content