សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNAបាន រាយការណ៍ថា Nvidia ប្រឈមនឹងការខាតបង់ ៥,៥ ពាន់លានដុល្លារបន្ទាប់ពីរដ្ឋាភិបាលអាម៉េរិកបានរឹតបន្តឹងការនាំចេញបន្ទះឈីប AI របស់ខ្លួនមួយមានឈ្មោះថា H20 ទៅកាន់ប្រទេសចិន ដែលជាទីផ្សារដ៏សំខាន់បំផុត។
H20 គឺជាបន្ទះឈីបទំនើបចុងក្រោយបំផុតរបស់ Nvidia សម្រាប់លក់នៅក្នុងប្រទេសចិន ហើយជាចំណុចកណ្តាលនៃកិច្ចខិតខំប្រឹងប្រែងរបស់ខ្លួនក្នុងការបន្តចូលរួមជាមួយឧស្សាហកម្ម AI របស់ចិន។ ក្រុមហ៊ុនចិនរួមមាន Tencent, Alibaba និង TikTok បាននាំគ្នាបង្កើនការបញ្ជាទិញបន្ទះឈីប H20 ដោយសារតែការកើនឡើងនៃតម្រូវការសម្រាប់ម៉ូដែល AI ដែលមានតម្លៃទាប។ ទោះបីជាបន្ទះឈីប H20 មិនមានភាពរហ័សរហួនក្នុងការបណ្តុះបណ្តាលម៉ូដែល AI ដូចជាបន្ទះឈីបរបស់ Nvidia សម្រាប់លក់នៅខាងក្រៅប្រទេសចិនក៏ដោយ ប៉ុន្តែវាអាចការប្រកួតប្រជែងជាមួយនឹងបន្ទះឈីបមួយចំនួនដែលប្រើម៉ូដែល AI សម្រាប់ផ្តល់ចម្លើយដល់អ្នកប្រើប្រាស់។ ដូច្នោះហើយ Nvidia អាចមានចំណែកយ៉ាងសំខាន់សម្រាប់បំពេញតម្រូវការមួយនេះ។
យ៉ាងណាមិញ កាលពីថ្ងៃអង្គារ៍ រដ្ឋាភិបាលអាម៉េរិកបានរឹតបន្តឹងការលក់បន្ទះឈីប H20 ទៅកាន់ប្រទេសចិន ដោយសារតែហានិភ័យដែលបន្ទះឈីបនេះអាចប្រើប្រាស់នៅក្នុងកុំព្យូទ័រទំនើប។ ទោះបីជា H20 មានសមត្ថភាពកុំព្យូទ័រទាបជាងបន្ទះឈីប Nvidia ផ្សេងទៀត ប៉ុន្តែវាមានសមត្ថភាពតភ្ជាប់ទៅបន្ទះឈីបអង្គចងចាំ និងបន្ទះឈីបកុំព្យូទ័រផ្សេងទៀតក្នុងល្បឿនលឿន។ ដូច្នោះហើយ ការតភ្ជាប់ទាំងនោះអាចធ្វើឱ្យ H20 មានប្រយោជន៍ក្នុងការផលិតកុំព្យូទ័រទំនើបនៅក្នុងប្រទេសចិន ខណៈដែលសហរដ្ឋអាមេរិកធ្លាប់រឹតបន្តឹងការលើការលក់បន្ទះឈីបសម្រាប់ប្រើប្រាស់ក្នុងកុំព្យូទ័រទំនើបទៅប្រទេសចិនចាប់តាំងពីឆ្នាំ ២០២២ មកម្ល៉េះ។
Nvidia បានបញ្ជាក់ដែរថា រដ្ឋាភិបាលអាម៉េរិកបានជូនដំណឹងថា បន្ទះឈីប H20 នឹងតម្រូវឱ្យមានអាជ្ញាប័ណ្ណដើម្បីនាំចេញទៅប្រទេសចិន ប៉ុន្តែមិនទាន់ច្បាស់ទេថា តើមានអាជ្ញាប័ណ្ណចំនួនប៉ុន្មានដែលរដ្ឋាភិបាលអាម៉េរិកអាចផ្តល់ឲ្យ? ការខាតបង់ ៥,៥ ពាន់លានដុល្លារពាក់ព័ន្ធទៅនឹងការផលិត H20 សម្រាប់សារពើភ័ណ្ឌ និងទុនបម្រុងដែលពាក់ព័ន្ធ។
ឥឡូវនេះ បន្ទះឈីប AI របស់ Nvidia ត្រូវបានផ្តោតយ៉ាងសំខាន់នៅក្នុងការគ្រប់គ្រងការនាំចេញរបស់សហរដ្ឋអាម៉េរិក ខណៈដែលមន្ត្រីអាម៉េរិកព្យាយាមទប់ស្កាត់មិនឲ្យលក់បន្ទះឈីបទំនើបបំផុតទៅកាន់ចិន។ បន្ទាប់ពីការគ្រប់គ្រងការនាំចេញទាំងនោះត្រូវបានអនុវត្ត Nvidia បានចាប់ផ្តើមរចនាបន្ទះឈីបតាមដែលអាចធ្វើបានដើម្បីស្របទៅនឹងការកំណត់របស់អាម៉េរិក។ ភាគហ៊ុនរបស់ Nvidia បានធ្លាក់ចុះប្រហែល ៦ ភាគរយ។
ទន្ទឹមនឹងនេះ មានការចោទប្រកាន់ថា ទោះបីជាអាម៉េរិករឹតបន្តឹងបន្ទះឈីប H20 ទៅកាន់ចិនក៏ដោយ ប៉ុន្តែក្រុមហ៊ុនចិនទំនងជាកំពុងសាងសង់ប្រព័ន្ធបែបនេះរួចហើយ។ យ៉ាងហោចណាស់ក្នុងចំណោមអ្នកទិញទាំងអស់ដូចជា Tencent បានដំឡើង H20 រួចហើយនៅក្នុងកន្លែងមួយដែលត្រូវបានប្រើដើម្បីបណ្តុះបណ្តាលម៉ូដែលកុំព្យូទ័រទំនើប ដែលជាការបំពានទៅនឹងការរឹតបន្តឹងរបស់អាម៉េរិក។ យ៉ាងណាមិញ កាលពីថ្ងៃព្រហស្បតិ៍ អ្នកនាំពាក្យ Tencent បានច្រាន់ចោលការចោទប្រកាន់នេះ និងចេញសេចក្តីថ្លែងការណ៍មួយថា ពួកគេមិនបានបំពានច្បាប់ណាមួយឡើយ ហើយក៏មិនបានបង្កើតកុំព្យូទ័រទំនើបកម្រិតខ្ពស់នោះដែរ៕
Account
Security
Favourite Content