សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ នៅក្នុងសប្តាហ៍នេះ ក្រុមហ៊ុនមហាអំណាចបច្ចេកវិទ្យាបន្ទះឈីប AI ដ៏ល្បីបំផុតរបស់ពិភពលោក Nvidia បានប្រកាសអំពីប្រាក់ចំណេញថ្មីបំបែកកំណត់ត្រាសាជាថ្មីរបស់ខ្លួនប្រមាណជា ១៩ពាន់លានដុល្លារគិតត្រឹមរយៈពេលមួយត្រីមាសចុងក្រោយ ខណៈដែលប្រតិបត្តិការលក់សរុបមានទៅដល់ ៣៥,១ពាន់លានដុល្លារ ពោលគឺច្រើនជាងការរំពឹងទុកក្នុងទីផ្សារ ២០០០លានដុល្លារ។
ថ្លែងពាក់ព័ន្ធទៅនឹងដំណឹងដ៏គួរឲ្យរីករាយនេះ ស្ថាបនិក និងជាប្រធានប្រតិបត្តិនៃក្រុមហ៊ុន Nvidia លោក Jensen Huang បានបញ្ជាក់ថា ៖ ក្នុងយុគសម័យនៃបច្ចេកវិទ្យា AI និងដំណាក់កាលនៃការអភិវឌ្ឍដល់កំពូលនេះ វាកំពុងជួយជំរុញពិភពលោកឲ្យឆ្ពោះទៅរកតម្រូវការក្នុងការប្រើប្រាស់ឧបករណ៍ និងផលិតផលក្នុងប្រព័ន្ធកំព្យូទ័រទាំងអស់របស់ក្រុមហ៊ុន Nvidia ។
លោកបន្តទៀតថា៖ បច្ចុប្បន្ន បច្ចេកវិទ្យា AI កំពុងធ្វើឲ្យមានការផ្លាស់ប្តូរទៅលើគ្រប់ឧស្សាហកម្ម និងគ្រប់ក្រុមហ៊ុនទាំងអស់ព្រមទាំងនៅក្នុងបណ្តាប្រទេសនានាលើពិភពលោកនេះផងដែរ។
លោក Huang បានបង្ហាញនូវការប្តេជ្ញាចិត្ត និងការត្រៀមរៀបចំខ្លួនរួចជាស្រេចក្នុងការដាក់ឲ្យដំណើរការផលិតបន្ទះឈីប Blackwell ឲ្យបានពេញលេញ១០០ភាគរយក្នុងគ្រាដែលមានតម្រូវការដ៏ខ្ពស់បែបនេះ ហើយក៏បានបង្ហើបអំពីផែនការក្នុងការចាប់ផ្តើមអភិវឌ្ឍ និងផលិតបន្ទះឈីបជំនាន់ថ្មី Hopper ផងដែរ។
បុរសមហាសេដ្ឋីពាន់លានរូបនេះបាននិយាយទៀតថា ៖ បច្ចុប្បន្ន សកម្មភាពនៃការវិនិយោគលើមនុស្សយន្តរ៉ូបូតក្នុងវិស័យឧស្សាហកម្មកំពុងកើនឡើងជាមួយនឹងរបកគំហើញថ្មីៗនៅក្នុងបច្ចេកវិទ្យា AI ហើយប្រទេសនានាចាប់ផ្តើមមានទំនោរខ្លាំង និងទទួលស្គាល់អំពីសារៈសំខាន់នៃការអភិវឌ្ឍន៍ AI និងហេដ្ឋារចនាសម្ព័ន្ធសម្រាប់ការអភិវឌ្ឍប្រទេសជាតិរបស់ពួកគេផងដែរ។
គួរឲ្យដឹងដែរថា ក្រុមហ៊ុន Nvidia បានវ៉ាដាច់ក្រុមហ៊ុន Apple កាលពីដើមខែកន្លងទៅនេះ និងបានក្លាយជាក្រុមហ៊ុនដែលមានតម្លៃទីផ្សារខ្ពស់បំផុតនៅលើពិភពលោក ប៉ុន្តែទោះជាយ៉ាងណាក្តី បន្ទាប់ពីរបាយការណ៍ប្រចាំត្រីមាសរបស់ខ្លួនបានបង្ហាញត្រឹមរយៈពេលប៉ុន្មានម៉ោង តម្លៃភាគហ៊ុនរបស់ Nvidia បែរបានធ្លាក់ចុះជិត២ភាគរយទៅវិញក្នុងការជួញដូរមកត្រឹមតែ ១៤៣,២៤ដុល្លារ។
ក្នុងខណៈនេះគេសង្កេតឃើញថា មានក្រុមហ៊ុនបច្ចេកវិទ្យាធំៗនៅលើពិភពលោកជាច្រើនបាននាំគ្នាធ្វើការវិនិយោគរាប់សិបពាន់លានដុល្លារទៅក្នុងបន្ទះឈីប AI និង Software ដ៏មានឥទ្ធិពលរបស់ Nvidia ដើម្បីទទួលបានគំរូ AI និងការឌីសាញដែលស្រដៀងទៅនឹង ChatGPT ៕
Account
Security
Favourite Content