សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជរដ្ឋាភិបាលកម្ពុជា គ្រោងដាក់ឱ្យដំណើរការកម្មវិធី AI Chatbot ឈ្មោះ ChatGPT ជាភាសាខ្មែរនៅពេលខាងមុខ ក្នុងគោលដៅបម្រើដល់ប្រយោជន៍ជាជំនួយការងារប្រចាំថ្ងៃដល់ស្ថាប័នរដ្ឋ និងឯកជន រួមទាំងសាធារណជនទូទៅស្របតាមការវិវត្តនៃបច្ចេកវិទ្យា ដើម្បីដើរឱ្យទាន់និន្នាការសាកល។
តាមសេចក្តីប្រកាសរបស់ក្រសួងប្រៃសណីយ៍ និងទូរគមនាគមន៍កាលពីពេលថ្មីៗនេះក្រសួងបានបញ្ជាក់ថា ដោយគណៈកម្មាធិការរដ្ឋាភិបាលឌីជីថលក្នុងរយៈពេលជាង៦ខែកន្លងមកនេះ បានប្រើប្រាស់ ChatGPT ដើម្បីសម្រួលដល់ការបំពេញការងារប្រចាំថ្ងៃរបស់ខ្លួន និងការងារផ្នែកខ្លះរបស់ក្រសួងប្រៃសណីយ៍ និងទូរគមនាគមន៍ឱ្យកាន់តែមានប្រសិទ្ធភាពតាមការវិវត្តនៃបច្ចេកវិទ្យា ។
ក្រសួងប្រៃសណីយ៍ ក៏បានបញ្ជាក់ថា គណៈកម្មាធិការរដ្ឋាភិបាលឌីជីលថលបាន និងកំពុងសិក្សាស្វែងយល់អំពីប្រព័ន្ធនេះបន្ថែមផងដែរ និងបានពិភាក្សាជាមួយក្រុមហ៊ុន ដើម្បីធ្វើយ៉ាងណាឱ្យ ChatGPT អាចប្រើប្រាស់បានជាភាសាខ្មែរ បន្ទាប់មកនឹងដាក់ឱ្យស្ថាប័នរដ្ឋ និងឯកជន រួមទាំងសាធារណជនទាំងអស់អាចប្រើប្រាស់បានទូលំទូលាយ។
ក្រសួងបានពន្យល់ថា កម្មវិធី AI Chatbot ឈ្មោះថា ChatGPT នោះពិតជាមានសមត្ថភាពខ្ពស់នៅក្នុងជួយសម្រួលការងារប្រចាំថ្ងៃរបស់មនុស្ស ផ្នែកខាងរដ្ឋបាល ការគ្រប់គ្រងធនធានមនុស្ស ការឆ្លើយតបនឹងសំណួរ ការសរសេរអត្ថបទ ការបកប្រែ ការវិភាគ ការសរសេរកូដ និងការងារផ្សេងៗទៀត ដែលអាចប្រៀបបានជាជំនួយការងារមួយរូប។
គូសបញ្ជាក់ថា ChatGPT គឺជាប្រព័ន្ធបញ្ញាសិប្បនិម្មិត (Artificial Intelligence-AI) បានអភិវឌ្ឍកាលពីឆ្នាំ២០១៨ ដោយក្រុមហ៊ុន Open AI នៅទីក្រុងសាន់ហ្វ្រាន់ស៊ីស្កូ សហរដ្ឋអាមរិក និងប្រកាសដាក់ឱ្យដំណើការជាផ្លូវការក្នុងឆ្នាំ២០២២ ហើយកម្មវិធីមានសន្ទុះល្បីល្បាញខ្លាំងនៅដើមឆ្នាំ២០២៣ ។ ពាក្យ GPT នេះមានពាក្យពេញថា Generative Pre-Trained Transformer (GPT) គឺជាគំរូភាសាដែលជាក្បួនដោះស្រាយប្រើប្រាស់ AI ហើយត្រូវរចនាឡើងដើម្បីស្វែងយល់ និងបង្កើតភាសាឱ្យដូចមនុស្ស។
ChatGPT ពិតជាមានសមត្ថភាពខ្ពស់ក្នុងការសម្រួលដល់ការងារប្រចាំថ្ងៃដូចជាការងាររដ្ឋបាល ការងារគ្រប់គ្រងធនធានមនុស្ស ការឆ្លើយតបនឹងសំណួរ សរសេរអត្ថបទ បកប្រែ វិភាគ សរសេរកូដ និងការងារផ្សេងជាច្រើនទៀត ដែលប្រៀបបានទៅនឹងជំនួយការម្នាក់។
ChatGPT បានប្រើប្រាស់ Large Language Model (មានជាង ១៧៥ ប៊ីលាន មាត្រដ្ឋាន) ដែលត្រូវបានអភិវឌ្ឍឡើងឱ្យមានសមត្ថភាពយល់ដឹងពីភាសារបស់មនុស្សយើង ហើយឆ្លើយតបវិញបានឆាប់រហ័សដូចជាមនុស្សដែរ។ មិនតែប៉ុណ្ណោះ ChatGPT ក៏អាចរៀនពីសារចាស់ៗដែលយើងបាន Chat ជាមួយ ដើម្បីឆ្លើយឆ្លងត្រូវបរិបទជាមួយមនុស្សម្នាក់ៗដោយឡែកពីគ្នា៕
Account
Security
Favourite Content