សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Al Jazeera បានរាយការណ៍ថា ប្រធានាធិបតីរុស្ស៊ី លោក Vladimir Putin បានធ្វើដំណើរទស្សនកិច្ចមកដល់ប្រទេសវៀតណាមហើយនៅព្រឹកថ្ងៃទី២០ ខែមិងុនា ឆ្នាំ២០២៤នេះ ដើម្បីពិភាក្សាជាមួយមេដឹកនាំប្រទេសនេះ បន្ទាប់ពីបានបញ្ចប់កិច្ចព្រមព្រៀងការពារជាតិជាមួយកូរ៉េខាងជើង។
កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី លោក Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី។ ទន្ទឹមនឹងនេះ ប្រធានាធិបតីរុស្ស៊ីរូបនេះបានសរសើរវៀតណាមចំពោះគោលជំហរស្មើរភាពរបស់ខ្លួនចំពោះសង្គ្រាមរុស្ស៊ី-អ៊ុយក្រែន និងបានសរសើរពីភាពរីកចម្រើនរបស់វៀតណាមលើពាណិជ្ជកម្ម និងវិស័យថាមពល។ លើសពីនេះ លោកពូទីនបានសាទរចំពោះវៀតណាមសម្រាប់ការគាំទ្រលើវិធីជាក់ស្តែងមួយដើម្បីដោះស្រាយវិបត្តិនៅក្នុងប្រទេសអ៊ុយក្រែន។ គួរឲ្យបញ្ជាក់ដែរថា វៀតណាមបានអនុវត្តគោលនយោបាយការបរទេសអព្យាក្រឹតជាផ្លូវការក្នុងទំនាក់ទំនងជាមួយមហាអំណាចពិភពលោក ដោយមិនបានថ្កោលទោសការវាយប្រហាររបស់រុស្ស៊ីលើអ៊ុយក្រែននោះទេ។
កលាពីឆ្នាំ ២០១៧ ប្រធានាធិបតីរុស្ស៊ី Vladimir Putin ធ្លាប់លើកឡើងថា រុស្ស៊ី និងវៀតណាមបានចែករំលែកការវាយតម្លៃស្រដៀងគ្នានៃស្ថានភាពនៅក្នុងតំបន់អាស៊ីប៉ាស៊ីហ្វិក។ លើសពីនេះ ជំហររបស់វៀតណាមនៅលើសមុទ្រចិនខាងត្បូង គឺការទាមទារផ្លូវទឹកយុទ្ធសាស្ត្រស្ទើរតែទាំងស្រុងជារបស់ខ្លួនរួមមាន តំបន់ឧស្ម័ន និងប្រេងដែលមានទីតាំងនៅតំបន់សេដ្ឋកិច្ចផ្តាច់មុខរបស់វៀតណាម ដោយត្រូវបានទាញយកដោយក្រុមហ៊ុនរុស្ស៊ី។ ប្រធានាធិបតីរុស្ស៊ី Vladimir Putin លើកឡើងថា ថាមពលគឺជាផ្នែកមួយនៃយុទ្ធសាស្ត្រក្នុងកិច្ចសហប្រតិបត្តិការទ្វេភាគីដ៏មានសារៈសំខាន់ ជាមួយនឹងការបណ្តាក់ទុនរួមគ្នារវាងរុស្ស៊ី និងវៀតណាមលើឥន្ធនៈហ្វូស៊ីលនៅសមុទ្រចិនខាងត្បូង និងនៅភាគខាងជើងនៃប្រទេសរុស្ស៊ី។ មិនត្រឹមតែប៉ុណ្ណោះ ក្រុមហ៊ុនថាមពលរុស្ស៊ី Gazprom ក៏មានប្រតិបត្តិការតំបន់ឧស្ម័នក្នុងប្រទេសវៀតណាមផងដែរ។ ប្រធានាធិបតីរុស្ស៊ីរូបនេះ ក៏បានលើកឡើងពីគំនិតផ្តួចផ្តើមដើម្បីបង្កើតមជ្ឈមណ្ឌលវិទ្យាសាស្ត្រ និងបច្ចេកវិទ្យានុយក្លេអ៊ែរនៅវៀតណាម ដោយមានការគាំទ្រពី Rosatom ដែលជាក្រុមហ៊ុនថាមពលនុយក្លេអ៊ែរដ៏ធំរបស់រដ្ឋរបស់រុស្ស៊ីផងដែរ។
ឥឡូវនេះ ប្រហែល ៦០ ភាគរយនៃប្រតិបត្តិការរវាងរុស្ស៊ី និងវៀតណាមត្រូវបានអនុវត្តដោយប្រើរូបិយប័ណ្ណរៀងៗខ្លួនរបស់ភាគីទាំងពីរ ជំនួសប្រាក់ដុល្លារអាម៉េរិក និងប្រាក់អឺរ៉ូ។ ប្រធានាធីបតីរុស្ស៊ី បានកត់សម្គាល់ថា ប្រទេសទាំងពីរបានយកចិត្តទុកដាក់យ៉ាងខ្លាំងក្នុងការបង្កើនពាណិជ្ជកម្មទៅវិញទៅមក និងជំរុញការវិនិយោគ ជាពិសេសប្រាក់រូប៊លរុស្ស៊ី និងប្រាក់ដុងវៀតណាម។ លើសពីនេះ ប្រតិបត្តិការនេះមានចំណែកច្រើនជាង ៤០ ភាគរយនៃពាណិជ្ជកម្មទ្វេភាគីកាលពីឆ្នាំមុន ហើយនៅក្នុងត្រីមាសទី ១ នៃឆ្នាំនេះភាគហ៊ុនរបស់ពួកគេបានកើនឡើងដល់ជិត ៦០ ភាគរយ។ កាលពីឆ្នាំ ២០០៦ ធនាគារបណ្តាក់ទុនរួមវៀតណាម-រុស្ស៊ីត្រូវបានបង្កើតឡើងដោយប្រទេសទាំងពីរក្នុងគោលបំណងពង្រឹងទំនាក់ទំនងសេដ្ឋកិច្ចរបស់ពួកគេ។
មិនត្រឹមតែប៉ុណ្ណោះ ពាណិជ្ជកម្មទ្វេភាគីរវាងរុស្ស៊ី-វៀតណាមបានកើនឡើងបន្ថែម ៨ ភាគរយក្នុងឆ្នាំ ២០២៣ ហើយបន្តកើនឡើង ខណៈដែលវិស័យថាមពលនៅតែជាផ្នែកសំខាន់នៃកិច្ចសហប្រតិបត្តិការ។ បន្ថែមពីនេះ រុស្ស៊ីបាននាំចេញអាហារ ធនធានរ៉ែ គ្រឿងចក្រ និងឧបករណ៍ផ្សេងៗទៅកាន់វៀតណាម ខណៈដែលទំនិញវៀតណាមជាច្រើនរួមមាន សម្លៀកបំពាក់ ផ្លែឈើ បន្លែ និងផលិតផលកសិកម្មផ្សេងទៀតកំពុងមានតម្រូវការនៅលើទីផ្សាររុស្ស៊ី៕
Account
Security
Favourite Content