សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កាលពីចុងខែកក្កដាកន្លងមកនេះ រុស្ស៊ី បានប្រកាសសាជាថ្មីថានឹងធ្វើការដកខ្លួនចេញពីស្ថានីយ៍អវកាសអន្តរជាតិ ISS ហើយនៅត្រឹមឆ្នាំ២០២៤ខាងមុខនេះ។ ទោះបីជាយ៉ាងណាក្តី ការប្រកាសដកខ្លួននេះមិនមែនជាលើកដំបូងនោះទេ ប៉ុន្តែប្រហែលអាចជាការប្រកាសលើកចុងក្រោយ ពីព្រោះថារដ្ឋាភិបាលក្រុងមូស្គូបានបញ្ជាក់ច្បាស់ហើយថា ទីភ្នាក់ងារស្រាវជ្រាវទីអវកាស Roscosmos នឹងចាប់ផ្តើមសាងសង់ស្ថានីយ៍អវកាសមួយដោយខ្លួនឯងចាប់ពីឆ្នាំ២០២៤ខាងមុខនេះទៅ។
ចាប់តាំងតែពីត្រូវបានបង្កើតឡើងកាលពីទសវត្សរ៍ឆ្នាំ១៩៩០មក ស្ថានីយ៍អវកាសអន្តរជាតិ ISS បានក្លាយទៅជាក្តារអុកដ៏សំខាន់រវាងទំនាក់ទំនងអាមេរិក និងរុស្ស៊ីក្នុងបញ្ហាភូមិសាស្ត្រនយោបាយ និងបច្ចេកវិទ្យា។ ដោយឡែក គិតត្រឹមឆ្នាំ២០១៤ រុស្ស៊ី ធ្លាប់បានប្រើប្រាស់បញ្ហា ISS ក្នុងការដាក់សំពាធទៅលើសហរដ្ឋអាមេរិកជុំវិញដំណោះស្រាយនៅតំបន់ Crimea ជាមួយនឹងអ៊ុយក្រែនដោយទាមទារឲ្យអាមេរិកក្នុងការទទួលស្គាល់ Crimea ជាទឹកដីរបស់រុស្ស៊ី។
ជាការឆ្លើយតបក្រោយការបដិសេធរបស់អាមេរិក រដ្ឋាភិបាលប្រទេសរុស្ស៊ី បានសាងសង់ទីតាំងបាញ់បង្ហោះ និងបញ្ជូនអវកាសយានិកសម្រាប់ ISS នៅទឹកដី Crimea ហើយប្រកាសមិនទទួលយកអវកាសយានិកអាមេរិកធ្វើដំណើរជាមួយគ្នាទៅ ISS នោះឡើយ ពីព្រោះថានៅក្នុងកិច្ចព្រមព្រៀងរវាងភាគីទាំងពីរ រុស្ស៊ី គឺជាអ្នកទទួលខុសត្រូវលើកិច្ចការងារនេះ ហើយអវកាសយានិកអាមេរិកទាមទារចាំបាច់ត្រូវធ្វើដំណើរមករុស្ស៊ីដើម្បីហ្វឹកហាត់ការប្រើប្រាស់គ្រាប់រ៉ូក្កែត Soyuz rocket។ រហូតដល់ឆ្នាំ២០២០ ទើប NASA របស់អាមេរិកបានសហការជាមួយនឹង SpaceX ដើម្បីអាចបញ្ជូនអវកាសយានិករបស់ខ្លួនទៅកាន់ស្ថានីយ៍អន្តរជាតិឡើងវិញ។
ជាថ្មីម្តងទៀត នៅឆ្នាំ២០២១ រុស្ស៊ី បានគំរាមកំហែងដកខ្លួនចេញពីកិច្ចព្រមព្រៀងជាដៃគូជាមួយនឹងស្ថានីយ៍អវកាសអន្តរជាតិ ISS ជុំវិញបញ្ហាទណ្ឌកម្មពីសំណាក់រដ្ឋាភិបាលទីក្រុងវ៉ាស៊ិនតោន។ នៅអំឡុងខែវិច្ឆិកា ក្នុងឆ្នាំដដែល រុស្ស៊ី បានទទួលជោគជ័យក្នុងការធ្វើតេស្តបាញ់ផ្កាយរណបដែលរុស្ស៊ីចាត់ទុកថាជាផ្កាយរណបចារកម្មដោយប្រើប្រាស់មីស៊ីលប្រឆាំងផ្កាយរណប ហើយវាបានបន្សល់ទុកនូវបំណែកផ្កាយរណបដល់ទៅរាប់ពាន់ចំណែកហោះក្នុងអាកាស។
ហេតុការណ៍នេះបានធ្វើឲ្យមន្ត្រីអាមេរិកជាច្រើនបានបង្ហាញពីក្តីព្រួយបារម្ភថា បច្ចេកវិទ្យាមីស៊ីលរបស់រុស្ស៊ីមួយនេះពិតជាអាចបាញ់បំផ្លាញស្ថានីយ៍អវកាសអន្តរជាតិ ISS បានយ៉ាងងាយ។ ការតេស្តសាកល្បងលើកនេះមិនត្រឹមតែបានបង្ហាញអំពីសមត្ថភាពរបស់រុស្ស៊ីក្នុងបាញ់ទំលាក់ផ្កាយរណបពីផែនដីនោះទេ ប៉ុន្តែវាបានបង្កការភ័យខ្លាំងយ៉ាងខ្លាំងសម្រាប់ក្រុមអវកាសយានិកអន្តរជាតិដែលកំពុងធ្វើការនៅ ISS គ្រានោះផងដែរ ដោយពួកគេត្រូវបានជម្លៀសចេញពី ISS ដោយយានសង្គ្រោះបន្ទាន់នឹងរង់ចាំរហូតដល់ស្ថានការណ៍ស្ងប់ស្ងាត់អស់រយៈពេលជាច្រើនម៉ោង។
ចុងក្រោយបំផុត កាលពីខែកុម្ភៈដើមឆ្នាំ២០២០កន្លងមកនេះ អតីតប្រធានទីភ្នាក់ងារស្រាវជ្រាវអវកាសរុស្ស៊ី លោក Dmitry Rogozin បានគំរាមក្នុងការបាញ់ទម្លាក់ ISS ឲ្យធ្លាក់ដល់ដី ហើយមួយខែបន្ទាប់រុស្ស៊ីបានប្រកាសឈប់ធ្វើការជាមួយនឹងអាល្លឺម៉ង់ក្នុងបេសកកម្មស្រាវជ្រាវវិទ្យាសាស្ត្រនៅឯស្ថានីយ៍អវកាស ISS ហើយមិនត្រឹមតែប៉ុណ្ណោះនឹងបញ្ចប់ការលក់ម៉ាស៊ីនគ្រាប់រ៉ូក្កែតទៅឲ្យអាមេរិកដែលជាយូរមកហើយ NASA តែងតែមានឈ្មោះជាអតិថិជនធំជាងគេរបស់រុស្ស៊ី។ គួររំលឹកដែរថា ISS គឺជាកិច្ចសហប្រតិបត្តិការដំបូងគេចាប់តាំងតែពីពេលបញ្ចប់សង្គ្រាមត្រជាក់រវាងអាមេរិក និងសហភាពសូវៀត ហើយក៏ជាកិច្ចសហប្រតិបត្តិការចុងក្រោយបំផុតរវាងអាមេរិក និងរុស្ស៊ីនៅពេលបច្ចុប្បន្ននេះផងដែរ។ តាមរយៈការចេញផ្សាយដោយ AP បណ្តាអ្នកជំនាញជាច្រើនបាននាំគ្នាបង្ហាញពីក្ដីព្រួយបារម្ភថា ការសម្រេចចិត្តរបស់រុស្សីនឹងអាចផ្តល់ផលលំបាកយ៉ាងខ្លាំងចំពោះប្រតិបត្តិការការងារប្រចាំថ្ងៃ ខណៈដែល NASA សង្ឃឹមថានឹងអាចបន្តដំណើរការស្ថានីយ៍នេះបានយ៉ាងហោចណាស់ត្រឹមឆ្នាំ២០៣០ខាងមុខមុនដាក់ឲ្យ ISS ចូលនិវត្តជាផ្លូវការ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សហគមន៍ព្រៃឈើត្រពាំងពិការ ផ្ដល់អត្ថប្រយោជន៍ដល់ពលរដ្ឋជាង ៤០០ គ្រួសារនៅរមាសហែក
ព្រឹត្តិការណ៍, អត្ថបទពាណិជ្ជកម្ម
• 20/09/2026
សហគមន៍ព្រៃឈើត្រពាំងពិការ ក្នុងឃុំអំពិល ស្រុករមាសហែក ខេត្តស្វាយរៀង កំពុងផ្ដល់អត្ថប្រយោជន៍ដល់ប្រជាពលរដ្ឋជាង ៤០០ គ្រួសារ តាមរយៈការប្រមូលអនុផលព្រៃឈើ និងការទាក់ទាញភ្ញៀវទេសចរ
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
អារ៉ាប៊ីសាអូឌីត ត្រៀមបំពាក់យន្តហោះបំបាំងកាយ F-35 ចំនួន ៤៨គ្រឿង ក្រោយអាម៉េរិកអនុម័តលក់
ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
អារ៉ាប៊ីសាអូឌីតគ្រោងទិញយន្តហោះចម្បាំងបំបាំងកាយ F-35 Lightning II ចំនួន ៤៨គ្រឿងពីរដ្ឋាភិបាលអាម៉េរិក ក្រោយទីក្រុងវ៉ាស៊ីនតោនអនុម័តកិច្ចព្រមព្រៀងលក់អាវុធដែលមានទំហំទឹកប្រាក់សរុប ២៤,៣ពាន់លានដុល្លារ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content