សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ឧបនាយករដ្ឋមន្ត្រីនៃប្រទេសសិង្ហបុរី លោក Gan Kim Yong នៅដើមសប្តាហ៍នេះបានលើកឡើងថា ប្រទេសសិង្ហបុរី កំពុងព្យាយាមក្នុងការចរចាជាមួយនឹងរដ្ឋាភិបាលទីក្រុងវ់ាស៊ិនតោនដើម្បីធ្វើការបន្ធួរបន្ថយទៅលើការតម្លើងពន្ធគយលើផលិតផលឱសថរបស់សិង្ហបុរី ក៏ដូចជាការបញ្ជាទិញផលិតផលបន្ទះឈីបទំនើបរបស់អាមេរិកដូចតាមបែបធម្មតាឡើងវិញ។
យោងតាមការចេញផ្សាយរបស់កាសែតរ៉យទ័របានឲ្យដឹងថា លោក Gan បានធ្វើការទូរស័ព្ទពិភាក្សាគ្នាជាមួយនឹងរដ្ឋមន្ត្រីក្រសួងពាណិជ្ជកម្មរបស់អាមេរិក លោក Howard Lutnick តាំងតែពីចុងសប្តាហ៍មុនដើម្បីបង្ហាញអំពីក្តីបារម្ភចំពោះការត្រួតពិនិត្យទៅលើការនាំចេញ និងនាំចូលផលិតផលសំខាន់ៗទាំងពីរនេះផង ក៏ដូចជាសម្រាប់ទីផ្សារអន្តរជាតិផងដែរ។
ប្រភពដដែលបានសរសេរទៀតថា កិច្ចពិភាក្សានេះក៏ធ្វើឡើងដើម្បីពិនិត្យ និងស្វែងរកដំណោះស្រាយថ្មីៗប្រកបដោយភាពច្នៃប្រឌិតដោយធ្វើយ៉ាងណាពង្រឹងពាណិជ្ជកម្មទេ្វភាគីផងដែរ។
ថ្លែងទៅកាន់ក្រុមអ្នកយកព័ត៌មាន លោកឧបនាយករដ្ឋមន្ត្រីបានបន្តទៀតបែបនេះថា៖
«ពួកយើងបានយកពេលវេលានេះដើម្បីធ្វើការបកស្រាយពន្យល់ទៅកាន់លោករដ្ឋមន្ត្រី Howard Lutnick អំពីប្រព័ន្ធនៃការគ្រប់គ្រងការនាំចេញរបស់ប្រទេសសិង្ហបុរី និងអំពីអ្វីដែលជាវិធីសាស្ត្រនៃការធ្វើការជាមួយគ្នា ព្រមទាំងដៃគូអាមេរិកនាពេលកន្លងមកផងដែរ ដើម្បីអាចបន្តការអនុវត្តផ្លុវច្បាប់ពាណិជ្ជកម្មជាធម្មតាបន្ថែមទៀត។ សិង្ហបុរីនឹងមិនអត់ទោសចំពោះក្រុមហ៊ុនទាំងឡាយណាដែលទាញយកអត្ថប្រយោជន៍តាមរូបភាពនៃការដំណើរការប្រតិបត្តិការអាជីវកម្មរបស់គេនៅក្នុងប្រទេសរបស់យើង ហើយបង្កផលប៉ះពាល់ដល់ការគ្រប់គ្រងផលិតផលរបស់អាមេរិកនោះទេ។»។
គួរឲ្យដឹងដែរថា ផលិតផលជាឱសថរបស់សិង្ហបុរីកំពុងរងគ្រោះខ្លាំងក្រោយពេលដែលប្រធានាធិបតីអាមេរិក Donald Trump បានគំរាមក្នុងការដាក់ពន្ធគយថ្មីបន្ថែមប្រមាណជា១០ភាគរយនៅពេលនាំចេញទៅក្នុងទីផ្សារសហរដ្ឋអាមេរិក។
ក្រោយការប្រកាសពន្ធគយនេះ វាបានបណ្តាលការព្យាករណ៍សេដ្ឋកិច្ចរបស់ប្រទេសសិង្ហបុរីបានដាំក្បាលចុះមកត្រឹមតែសូន្យភាគរយប៉ុណ្ណោះក្នុងត្រឹមាសដំបូងឆ្នានេះ ធៀបទៅនឹងកាលពីការព្យាករណ៍លើកមុនត្រឹមតែ ២ភាគរយ និងបន្តធ្លាក់មកត្រឹមតែ ០,៨ភាគរយ។ ដូច្នេះដំណោះស្រាយពាណិជ្ជកម្មជាមួយនឹងអាមេរិកគឺជាកិច្ចការងារសំខាន់ខ្លាំងណាស់សម្រាប់សិង្ហបុរីនៅពេលនេះ៕
Account
Security
Favourite Content