សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពី Weforum បានរាយការណ៍ថា សឹង្ហបុរីកំពុងអនុវត្តនូវប្រព័ន្ធចម្រោះទឹកស្អាតដ៏ទំនើបដោយទាញយកកាកសំណល់ចេញពីទឹកស្អុយ ហើយប្រែក្លាយទឹកស្អុយទៅជាទឹកស្អាតដែលមានអនាម័យ និងសុវត្ថិភាព។
សព្វថ្ងៃនេះ ដីនៅសឹង្ហបុរីកាន់តែតិចទៅៗដោយសារប្រទេសនេះគឺជាដីកោះ ដូច្នេះហើយប្រព័ន្ធជាច្រើនត្រូវបានដំណើរការក្រោមដីតាមរយៈបណ្តាញដ៏ធំនៃផ្លូវរូងក្រោមដីដូចជា បំពង់បង្ហូរទឹក អាងទឹក ប្រព័ន្ធចម្រោះ និងហេដ្ឋារចនាសម្ព័ន្ធផ្សេងទៀត បានលាតសន្ធឹងទៅក្រោមជ្រៅទៅៗប្រហែល ២៥ ជាន់នៅក្នុងតំបន់មួយចំនួន។
រោងចក្រផលិតទឹកស្អាត Changi បង្កើតបានជាប្រព័ន្ធស្នូលមួយ ដែលមានសមត្ថភាពសម្អាតកាកសំណល់ចេញពីទឹកបានរហូតដល់ ៩០០ លានលីត្រក្នុងមួយថ្ងៃ ដែលស្មើនឹងទឹកក្នុងអាងហែលទឹកអូឡាំពិកចំនួន ៣៥០ អាង។ ទឹកកខ្វក់ហូរចេញពីលូមកដល់រោងចក្រផលិតទឹកស្អាត តាមរយៈផ្លូវរូងក្រោមដីដែលមានចម្ងាយ ៤៨ គីឡូម៉ែត្រ។ បន្ទាប់មក បាក់តេរី មេរោគ និង កាកសំណល់ផ្សេងទៀតត្រូវបានចម្រោះចេញ ដោយប្រើប្រព័ន្ធចម្រោះដែលមានបច្ចេកវិទ្យាខ្ពស់ បន្ទាប់មកប្រើកាំរស្មីអ៊ុលត្រាវីយូឡេដើម្បីសម្លាប់មេរោគក្នុងទឹក។ ជាលទ្ធផលត្រូវបានគេដាក់ឈ្មោះថាជា “NEWater” ដែលស្អាត សុវត្ថិភាព និងអាចផឹកបាន។
បន្ទាប់ពីត្រូវបានចម្រោះស្អាតរួចរាល់ ទឹកត្រូវបានប្រើប្រាស់យ៉ាងទូលំទូលាយនៅក្នុងឧស្សាហកម្មដូចជាវិស័យផលិតមីក្រូឈីបដ៏ធំរបស់សឹង្ហបុរីដែលពឹងផ្អែកលើទឹកយ៉ាងខ្លាំង។ ទឹកស្អាតទាំងនោះក៏ត្រូវបានដាក់ឱ្យដំណើរការនៅក្នុងប្រព័ន្ធត្រជាក់ដែលគ្រប់គ្រងសីតុណ្ហភាពនៅក្នុងអគារខ្ពស់ៗជាច្រើន ខណៈពេលសីតុណ្ហភាពនៅក្នុងប្រទេសសឹង្ហបុរីកំពុងកើនឡើងកម្តៅទ្វេដងនៃអត្រាមធ្យមពិភពលោក ហើយទឹកមួយចំនួនទៀតត្រូវបានគេប្រើដើម្បីបញ្ចូលទៅក្នុងអាងស្តុកទឹក ដែលអាចហួតបានពេលមានកម្ដៅខ្លាំងនារដូវក្តៅជាដើម។
សឹង្ហបុរីត្រូវបានព័ទ្ធជុំវិញទៅដោយទឹកសមុទ្រ ហើយក៏ជាប្រទេសមួយក្នុងចំណោមប្រទេសដែលមានបញ្ហាតានតឹងខាងទឹកច្រើនជាងគេបំផុតនៅក្នុងពិភពលោក និងកំពុងប្រឈមមុខនឹងការគំរាមកំហែងពីបញ្ហាទឹក ដោយសារធនធានទឹកសាបមានតិចតួច និងដីមានកម្រិតសម្រាប់អាងស្តុកទឹក ដូចនេះហើយរដ្ឋាភិបាលពឹងផ្អែកយ៉ាងខ្លាំងលើទិន្នផលពីរោងចក្រចម្រោះទឹកស្អាត និងការនាំចូលទឹកស្អាតពីប្រទេសជិតខាងដូចជា ម៉ាឡេស៊ីជាដើម។
ទោះជាយ៉ាងក្តី ប្រព័ន្ធចម្រោះទឹកស្អាតដែលមានបច្ចេកវិជ្ជាខ្ពស់ដូចជាប្រទេសសឹង្ហបុរី បានជួយសម្រួលបញ្ហាដល់ប្រទេសបានច្រើន ប៉ុន្តែសម្រាប់ប្រទេសកំពុងអភិវឌ្ឍន៍មួយចំនួនដែលខ្វះខាតទឹក គឺវិធីសាស្ត្រទាំងនេះអាចនឹងមានតម្លៃថ្លៃសម្រាប់ពួកគេ។ វិបត្តិអាកាសធាតុកំពុងបង្កើនចំនួន និងផលប៉ះពាល់ពីបញ្ហាអាកាសធាតុបានកើនឡើង ដូចជាគ្រោះរាំងស្ងួតជាដើម។ ចំនួនប្រជាជនពិភពលោកអាចនឹងឡើងដល់ ៩,៩ ពាន់លាននាក់នៅឆ្នាំ២០៥០ កំពុងដាក់សម្ពាធទៅលើការខ្វះខាតនៃធនធានទឹកលើភពផែនដី។ ដូចនេះហើយ សម្រាប់ពិភពលោក បញ្ហាទឹកគឺនៅតែជារឿងសំខាន់មួយដែលពិបាករកដំណោះស្រាយ ជាពិសេសប្រទេសដែលតានតឹងលើបញ្ហាការប្រើប្រាស់ទឹក៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
៥ឆ្នាំទៀត ចិននឹងមានឡានតាក់ស៊ីគ្មានមនុស្សបើករហូតដល់ ៤លានគ្រឿង
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
៥ឆ្នាំទៀត ឬនៅឆ្នាំ២០៣០ ប្រទេសចិនបានកំណត់គោលដៅដាក់ដំណើរការឡានតាក់ស៊ីគ្មានមនុស្សបើក ឬបើកបរដោយស្វ័យប្រវត្តិរហូតដល់ ៣០០ ០០០គ្រឿង នៅតាមបណ្តាទីក្រុងធំៗចំនួន៤
ចិន ជោគជ័យសាកល្បងហោះហើរយន្តហោះគ្មានមនុស្សបើកធំបំផុតក្នុងលោក
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ចិន កាន់តែវិវឌ្ឍរីកចម្រើនថែមមួយកម្រិតទៀត ស្របពេលដែលមហាយក្សនៅអាស៊ីមួយនេះ បានទទួលជោគជ័យក្នុងការសាកល្បងហោះហើរយន្តហោះដ្រូនដឹកជញ្ជូនធំជាងគេបំផុតរបស់ពិភពលោក
៣ ខែដំបូង កូរ៉េខាងជើង បាញ់តេស្តមីស៊ីល ១៣ គ្រាប់ ខណៈ លោក គីម ជុងអ៊ុន ថាមកពីវិបត្តិភូមិសាស្ត្រនយោបាយ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
ត្រឹមរយៈពេល ៣ ខែដំបូងនៃឆ្នាំ២០២៦ នេះ ប្រទេសកូរ៉េខាងជើងបានបាញ់សាកល្បងមីស៊ីលផ្លោងរបស់ខ្លួនចំនួន ៣ លើក និងមានមីស៊ីលសរុបចំនួន ១៣ គ្រាប់
រោងចក្រ Newbustar (crossleader) ជារោងចក្រទីពីរ ដែលមានសិទ្ធិលក់ ចែកចាយ និងផលិតសំបកកង់ឡាននៅខ្មែរ
ព្រឹត្តិការណ៍, អត្ថបទពាណិជ្ជកម្ម
• 10/04/2026
ស្របពេលគ្រប់ទំនិញឡើងថ្លៃស្ទើរគ្រប់មុខដោយសារតែប្រេងឥន្ធន:ឡើងថ្លៃធ្វើឱ្យប៉ះពាល់ដល់ទីផ្សារទំនិញទូទាំងសកលលោក។ ទោះជាយ៉ាងណាក្តីអ្វីដែលល្អសម្រាប់កម្ពុជាត្រូវបានទទួលកាដូពិសេសមុនចូលឆ្នាំថ្មីប្រពៃណីជាតិខ្មែរខាងមុខនេះបែរជាមានវត្តមានសំបកកង់ខ្មែរមួយម៉ាកទៀត ហើយជារោងចក្រទីពីរ ផងដែរដែលមានសិទ្ធិលក់ និងចែកចាយសំបកកង់ឡានផលិតនៅខ្មែរ លើទឹកដីថ្មីនៃខេត្តក្រចេះ ក្រោមការផលិតដោយរោងចក្រឈ្មោះ Newbustar ផលិតសំបកកង់ឡានម៉ាក (crossleader)។
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content