ប្រជាកសិករក្រីក្រជាង១៥០០គ្រួសារផ្គត់ផ្គង់អង្ករ ផ្លែឈើ ដល់ក្រុមហ៊ុន លីលី សម្រាប់ផលិតនំ និងផ្លែឈើក្រៀម

ភ្នំពេញ៖ ក្រុមហ៊ុន លីលី ហ៊្វូត អ៊ីនដាសទ្រី ខូអិលធីឌី បានឈ្នះពានរង្វាន់ឯកតំណាងឱ្យប្រទេសកម្ពុជា ក្នុងនាមអាជីវកម្មបរិយាបន្នអាស៊ានឆ្នាំ២០២២ ( Inclusive Business )ASEAN 2022។ ជាផ្នែកមួយនៃក្រុមហ៊ុនអាជីវកម្មបរិយាបន្ន ក្រុមហ៊ុន លីលី បានផ្ដោតសំខាន់ទៅលើការជួយដល់អ្នកក្រីក្រស្ថិតនៅបាតពីរ៉ាមីត ដែលមានចំណូលតិចតួច អាចទទួលបានចំណូលជាប្រចាំសមរម្យ ដើម្បីជួយពួកគាត់ឱ្យមានជីវភាពប្រសើរជាងមុន និងរួចផុតពីភាពក្រីក្រ។ នេះជាការលើកឡើងរបស់លោកជំទាវ ឧកញ៉ា មហាឧបាសិកា កែវ មុំ ស្ថាបនិកក្រុមហ៊ុន លីលី ហ៊្វូត អ៊ីនដាសទ្រី ខូអិលធីឌី។

លោកជំទាវ ឧកញ៉ា កែវ​ មុំ បានបញ្ជាក់ថា ៖ ក្នុងនាមជាក្រុមហ៊ុនអាជីវកម្មបរិយាប័ន្ន ក្រុមហ៊ុន លីលី បានជួយទិញផលិតផលរបស់ប្រជាកសិករ ដូចជា អង្ករ បន្លែ និងផ្លែឈើជាច្រើនមកកែច្នៃ។ ការទិញផលិតផលរបស់កសិករទាំងនេះ បានផ្តល់ឱកាសការងារ និងរកប្រាក់ចំណូលដល់កសិករកាន់តែច្រើនដើម្បីជួយឲ្យជីវភាពរបស់ពួកគាត់កាន់តែប្រសើរឡើង។ មិនត្រឹមតែប៉ុណ្ណោះបានជួយកសិករដែលគ្មានទីផ្សារ ជួយលើកស្ទួយវិស័យដាំដុះ និងកាត់បន្ថយចំណាកស្រុក។​

ក្នុងគម្រោងផលិតផ្លែឈើក្រៀម លោកជំទាវ ឧកញ៉ា បានឱ្យដឹងថា ៖

«ក្រុមហ៊ុន លីលី បានជួយដល់កសិករ ១៥០០ គ្រួសារដែលគិតជាមធ្យមភាគមួយគ្រួសារ ៤នាក់ ដែលស្មើនឹងជាង ៦០០០នាក់។ បន្លែ ផ្លែឈើ ដែលទិញពីប្រជាពលរដ្ឋមានដូចជា ដំឡូង ពោត ចេក ស្វាយ និងផ្លែឈើមួយចំនួនធំទៀត។ ការប្រមូលទិញបន្លែផ្លែឈើនេះគឺនៅគ្រប់ខេត្ត ដូចជាខេត្តកំពត មានទុរេនឆ្ងាញ់ ខេត្តកំពង់ចាមមានចេកឆ្ងាញ់ ចេកនាងនួន និងចេកមាសស្ងួន នៅខេត្តកោះកុង ដំឡូង​នៅខេត្តព្រះវិហារជាដើម។ ក្នុងមួយថ្ងៃ​ ក្រុមហ៊ុនប្រមូលទិញ  ៣ ទៅ ៥ តោន»។

លោកជំទាវ ឧកញ៉ា កែវ មុំ បានឱ្យដឹងទៀតថា ៖ ក្រៅពីជួយកសិករក្រីក្រ ក្រុមហ៊ុន លីលី ហ៊្វូដ អ៊ិនដាសទ្រី ក៏បានផ្តល់ឱកាសការងារដល់កូនខ្មែរជាង៣០០នាក់ផងដែរ។

គួរបញ្ជាក់ផងដែរថា ក្រុម​ហ៊ុន​នំ​ស្រួយ​​ លីលី មិន​ត្រឹម​ជា​សហគ្រាស​ផលិត​ដើម្បី​ផ្គត់​ផ្គង់​នៅ​ស្រុក​ប៉ុណ្ណោះ​នោះ​ទេ តែ​​ក៏បាន​​នាំ​ចេញ និង​ផ្គត់​ផ្គង់​នៅ​ក្រៅ​ប្រទេសផងដែរ​មាន​ដូចជា ៖អូស្ត្រាលី កាណាដា ចិន ឥណ្ឌូនេស៊ី ប្រទេសអ៊ីតាលី ម៉ាឡេស៊ី ម៉ូរីស មីយ៉ាន់ម៉ា កូរ៉េខាងត្បូង កូរ៉េខាងជើង ប្រទេសថៃ សហរដ្ឋអាមេរិក និងប្រទេសវៀតណាម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់