សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពពី Weforum បានលើកឡើងថា មហាសមុទ្រគ្របដណ្តប់ស្ទើរតែ ៣ ភាគ ៤ នៃផ្ទៃផែនដីមានសមត្ថភាពអាចស្រូបកាបូន ១ ភាគ ៣ ពីបរិយាកាស និងស្រូបយកកំដៅបាន ៩០ ភាគរយពីការឡើងកំដៅផែនដី។ មិនត្រឹមតែប៉ុណ្ណោះ មហាសមុទ្រមានជីវចម្រុះជាង ៨០ ភាគរយ កំពុងរស់នៅ ប៉ុន្តែជីវិតទាំងនោះកំពុងត្រូវរងការគំរាមកំហែង។ ទោះជាយ៉ាងណាក្តី បច្ចេកវិទ្យាតាមរយៈថាមពលរបស់មនុស្សយន្តចំនួន ៦ អាចជួយសង្គ្រោះសមុទ្រ។
រ៉ូបូតទី ១ នេះ គឺជាផ្កាយរណបក្រោមទឹកដែលមានផែនទីលម្អិតមួយនៅក្នុងបាតសមុទ្រ។ មនុស្សយន្តនេះបង្កើតឡើងដោយក្រុមហ៊ុនអាល្លឺម៉ង់ Planblue ហើយវាពឹងផ្អែកលើបញ្ញាសិប្បនិម្មិត (AI) និង learning machine ។ Planblue អាចផ្តល់នូវរូបភាពបាតសមុទ្រក្នុងកម្រិតខ្ពស់ និងរូបភាពច្បាស់លាស់នៃផលប៉ះពាល់ពីការប្រែប្រួលអាកាសធាតុ ការបាត់បង់ជីវចម្រុះ និងការបំពុលនៅក្នុងមហាសមុទ្រ។
រ៉ូបូតទី ២ គឺមានសមត្ថភាពអាចជួយសង្គ្រោះត្រីបាឡែន ដែលបង្កើតឡើងដោយក្រុមហ៊ុនកាណាដា Whale Seeker។ យោងតាមអង្គការ World Cetacean Alliance បានឱ្យដឹងថា ត្រីបាឡែនចំនួនបីម៉ឺនក្បាលត្រូវបានស្លាប់ជារៀងរាល់ឆ្នាំ ដោយសារការប៉ះទង្គិចគ្នាជាមួយនឹងកប៉ាល់។ ក្រុមហ៊ុន Whale Seeker ប្រើបច្ចេកវិទ្យា AI ដើម្បីធ្វើស្វ័យប្រវត្តិកម្មរូបភាពពីលើអាកាស និង ប្រើបច្ចេកវិទ្យារូបភាពបែប infrared ដើម្បីរកមើលវត្តមានរបស់ថនិកសត្វសមុទ្រ ដើម្បីការទប់ស្កាត់ពួកវាពីការប៉ះទង្គិច ព្រមទាំងអាចតាមដានសកម្មភាពរបស់ត្រីបាឡែនផងដែរ។ ទន្ទឹមនឹងនេះ នៅរដ្ឋកាលីហ្វ័រញ៉ា បច្ចេកវិទ្យា Whale Safe ប្រើឧបករណ៍បំពងសំឡេងដើម្បីស្តាប់ត្រីបាឡែន និងបញ្ជូនការព្រមានដល់កប៉ាល់ឱ្យបន្ថយល្បឿន។ ដំណោះស្រាយនេះបានកាត់បន្ថយអត្រានៃការប៉ះទង្គិចគ្នារវាងកប៉ាល់ និង ត្រីបាឡែន។
រ៉ូបូតទី ៣ គឺដ្រូនក្រោមទឹក Hydrus ដែលមានសមត្ថភាពអាចមុជបានជម្រៅបីពាន់ម៉ែត្រពីផ្ទៃមហាសមុទ្រ ហើយវាត្រូវបានបង្កើតឡើងដោយអ្នកច្នៃប្រឌិតអូស្ត្រាលី Advanced Navigation ។ រ៉ូបូតនេះបំពាក់ដោយភ្លើងដ៏មានថាមពល និងអាចដំណើរការដោយស្វ័យប្រវត្តិទាំងស្រុង។ លើសពីនេះ វាអាចកំណត់ទីតាំងបាតសមុទ្រ កំណត់ប្រភេទសត្វសមុទ្រថ្មីៗ និង អាចតាមដានសុខភាពរបស់ផ្កាថ្មទៀតផង។
រ៉ូបូតទី ៤ គឺរ៉ូបូតក្រោមទឹក Ocean Census ដែលមានគោលដៅស្វែងរកប្រភេទថ្មីនៃជីវៈចម្រុះ និងសត្វក្នុងទឺកចំនួន ១ សែនប្រភេទក្នុងរយៈពេលមួយទសវត្សរ៍។ វាមានសមត្ថភាពថតរូបភាពច្បាស់កម្រិតខ្ពស់ ដោយប្រើបច្ចេកវិទ្យាដែលកំណត់ DNA ជីវិតក្នុងបាតសមុទ្រ។ ជាក់ស្តែង សមុទ្រចាំបាច់ត្រូវការអភិរក្សដូចទៅនឹងដីគោក និងព្រៃឈើផងដែរ ហើយគេប៉ាន់ប្រមាណថាមានសត្វសមុទ្រមានប្រហែល ២,២ លានប្រភេទ ប៉ុន្តែមានតែ ១០ ភាគរយប៉ុណ្ណោះដែលត្រូវបានគេរកឃើញ។
រ៉ូបូតទី ៥ គឺបង្កើតឡើងដោយក្រុមហ៊ុនអ៊ីតាលី WSense ដោយប្រើបច្ចេកវិទ្យាសូរស័ព្ទ និងអុបទិកដែលអនុញ្ញាតឱ្យឧបករណ៍ជ្រមុជទឹក និងឧបករណ៍ចាប់សញ្ញាពីចម្ងាយដើម្បីភ្ជាប់បណ្តាញ ចែករំលែកទិន្នន័យ ដោះស្រាយបញ្ហាចម្បងក្នុងការត្រួតពិនិត្យមហាសមុទ្រ។ រ៉ូបូតទី ៦ គឺបង្កើតឡើងដោយក្រុមស្រាវជ្រាវមកពី MBARI ក្នុងរដ្ឋកាលីហ្វ័រញ៉ា ដោយពួកគេកំពុងប្រើប្រាស់នាវាមុជទឹកមនុស្សយន្តរយៈចម្ងាយឆ្ងាយ ដើម្បីប្រមូល DNA និងតាមដានសុខភាពមហាសមុទ្រ។ មហាសមុទ្រពោរពេញដោយ DNA នៃសត្វមានជីវិត ហើយវត្តមាននៃប្រភេទសត្វកម្រ ឬជិតផុតពូជទាំងអស់មានសារៈសំខាន់ចំពោះការយល់ដឹង ដើម្បីលើកកម្ពស់ការយល់ដឹងពីមហាសមុទ្រ និង ការថែរក្សាមហាសមុទ្រ៕
Account
Security
Favourite Content