ប្រធាន CVEA បង្ហាញពីសុទិដ្ឋិនិយមចំពោះទីផ្សារអចលនទ្រព្យកម្ពុជាក្នុងឆ្នាំ២០២២

ភ្នំពេញ ៖ នៅសល់ត្រឹមតែប៉ុន្មានថ្ងៃទៀតតែប៉ុណ្ណោះឆ្នាំចាស់២០២១ នឹងកន្លងបាត់ទៅ ហើយជំនួសមកវិញនូវឆ្នាំថ្មី២០២២ ដែលអាចមានភាពល្អប្រសើរជាងឆ្នាំចាស់ ខណៈដែលរាជរដ្ឋាភិបាលកម្ពុជាក៏បានបើកដំណើរសេដ្ឋកិច្ចឡើងវិញគ្រប់វិស័យ ហើយបណ្តាអ្នកជំនួញ និងអ្នកវិនិយោគចាប់មានសកម្មភាពឡើងវិញផងដែរ។

សម្រាប់ឆ្នាំ២០២២ដែលនឹងឈានមកដល់នៅពេលឆាប់ៗខាងមុខនេះ ត្រូវបានអ្នកជំនាញសេដ្ឋកិច្ច ក៏ដូចជាអ្នកវិនិយោគ និងអភិវឌ្ឍន៍សុទ្ធតែបានបង្ហាញពីសុទិដ្ឋិនិយម ជាមួយនឹងក្ដីរំពឹងថា សេដ្ឋកិច្ចកម្ពុជានឹងមានសញ្ញាវិជ្ជមានឡើងវិញជាបណ្តើរៗ ខណៈដែលគ្រប់វិស័យសំខាន់ដែលជាឆ្អឹងខ្នងនៃសេដ្ឋកិច្ចក៏ត្រូវបានប្រមុខរាជរដ្ឋាភិបាលយកចិត្តទុកដាក់ក្នុងជ្រមជ្រែង និងពង្រឹងឲ្យកាន់តែមានល្អប្រសើរជាងពេលបច្ចុប្បន្ន។

ប្រធានសមាគមអ្នកវាយតម្លៃ និងអចលនវត្ថុកម្ពុជា (CVEA) លោក ច្រឹក សុខនីម ក៏បានបង្ហាញពីការព្យាករណ៍ និងរំពឹងថា សេដ្ឋកិច្ចនៅក្នុងឆ្នាំ២០២២នឹងល្អប្រសើរជាងឆ្នាំ២០២១ជាក់ជាមិនខាន ដោយសារមានកត្តាជាច្រើនជួយជំរុញ ហើយក្នុងនោះវិស័យអចលនទ្រព្យក៏ទទួលបានសញ្ញាវិជ្ជមានផងដែរ។

លោក ច្រឹក សុខនីម បានមានប្រសាសន៍ថា ៖

«សម្រាប់ទីផ្សារអចលនទ្រព្យកម្ពុជានៅក្នុងឆ្នាំ២០២២ខាងមុខនេះ បើនិយាយថាឲ្យល្អណាស់ ឬមានកំណើនខ្លាំងដល់កម្រិតណានោះ យើងនៅមិនទាន់អាចសន្មត់ឲ្យច្បាស់ប្រាកដប្រជានោះទេ ប៉ុន្តែទោះជាយ៉ាងណា វានៅតែមានសញ្ញាវិជ្ជមានល្អជាងឆ្នាំចាស់ដែរ ជាពិសេសមានសកម្មភាពពីអ្នកវិនិយោគ និងអភិវឌ្ឍន៍ក្នុងស្រុកដែលកំពុងបន្តភាពផុសផុល»

ប្រធានសមាគមរូបនេះបានបញ្ជាក់ទៀតថា ៖

«បច្ចុប្បន្ននេះ ដោយសារតែរាជរដ្ឋាភិបាលបានផ្តល់ការចាក់វ៉ាក់សាំងដល់ប្រជាពលរដ្ឋរួចរាល់ស្ទើរគ្រប់គ្នានៅទូទាំងប្រទេស ដែលជាបង្កើនទំនុកចិត្តដល់អ្នករកស៊ីតូច-ធំ ហើយចេញធ្វើសកម្មភាពឡើងវិញ ហើយសូម្បីតែអ្នកមកពីបរទេសក៏បើកទូលាយជាងមុនសម្រាប់អ្នកដែលបានចាក់សាំងពេញលេញ ដូច្នេះទាំងអស់នេះសុទ្ធតែជាការបង្កើនទំនុកចិត្តទាំងអស់។ នៅឆ្នាំបន្ទាប់ ក្រោយកម្ពុជាមានភាពស្រាកស្រាន្តពីវិបត្តិជំងឺល្អប្រសើរជាងនេះ នោះអន្តរជាតិក៏នឹងសម្រេចក្នុងការចូលមកកាន់កម្ពុជា ដូច្នេះទាំងអស់នេះសុទ្ធតែជាសញ្ញាល្អសម្រាប់សេដ្ឋកិច្ចកម្ពុជា ហើយនៅពេលដែលសេដ្ឋកិច្ចមានដំណើរល្អ នោះទីផ្សារអចលបទ្រព្យដែលជាវិស័យសំខាន់មួយក្នុងចំណោមវិស័យសំខាន់ដទៃទៀតនោះ ក៏មានភាពល្អប្រសើរឡើងវិញដែរ ជាពិសេសទីផ្សារលំនៅដ្ឋាននៅតែរក្សាបាននូវកំណើន»

គួរបញ្ជាក់ផងដែរថា នៅក្នុងរយៈពេលជិត២ឆ្នាំកន្លងទៅនេះ ដែលសេដ្ឋកិច្ចពិភពទទួលរងនូវការវាយប្រហារពីវិបត្តិជំងឺឆ្លង សម្រាប់តែទីផ្សារលំនៅដ្ឋាននៅក្នុងប្រទេសកម្ពុជានៅតែរក្សាបាននូវស្ថិរភាពរបស់ខ្លួន ខណៈដែលអ្នកវិនិយោគ និងអភិវឌ្ឍន៍ក្នុងស្រុក នៅតែបន្តសកម្មភាពរបស់ខ្លួន ខណៈដែលតម្រូវការទីផ្សារនៅតែបន្តមាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ

សហគ្រាសឧស្សាហកម្មធំៗចំនួន១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ

ព្រឹត្តិការណ៍, សេដ្ឋកិច្ច

• 27/03/2024

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជួបលោក Shen Mingrong ប្រធានក្រុមហ៊ុន Zhenjiang Zhoung និងប្រតិភូសហគ្រាសឧស្សាហកម្មធំៗ១៧ របស់ចិន

វេទិកា Maekyung Cambodia ទាក់ទាញការវិនិយោគ ពាណិជ្ជកម្ម និងធុរកិច្ច

ព្រឹត្តិការណ៍, សេដ្ឋកិច្ច

• 27/03/2024

កម្ពុជា ធ្វើជាម្ចាស់ផ្ទះរៀបចំវេទិកា Maekyung កម្ពុជា ក្រោមមូលបទ "ព្រះរាជាណាចក្រពោរពេញដោយកាលានុវត្តភាព កិច្ចសហប្រតិបត្តិការជាយុទ្ធសាស្រ្តដើម្បីរុញច្រានកំណើនសម្រាប់អនាគត"

ដំណឹងល្អ ! ជនមានពិការភាពជាម្ចាស់អាជីវកម្មខ្នាតមីក្រូ តូច និងមធ្យម នឹងទទួលបានការលើកកម្ពស់ការបង្កើតផលិតផល និងកម្មសិទ្ធិបញ្ញា

ព្រឹត្តិការណ៍, សេដ្ឋកិច្ច

• 27/03/2024

ជនមានពិការភាពដែលជាម្ចាស់អាជីវកម្ម មីក្រូ តូច និង មធ្យម នឹងទទួលបានការលើកកម្ពស់ក្នុងការបង្កើតផលិតផល សេវាកម្មថ្មីៗ និងរក្សាកម្មសិទ្ធិបញ្ញា

ការជិះរទេះគោនៅប្រដាក គឺជាផលិតផលថ្មីនៃសេវាកម្មទេសចរណ៍កំពុងទាក់ទាញទេសចរបរទេស

ព្រឹត្តិការណ៍, សេដ្ឋកិច្ច

• 27/03/2024

ការជិះរទេះគោ មើលភូមិអ្នកស្រុក និងជីវភាពរស់នៅប្រចាំថ្ងៃរបស់ប្រជាជននៅភូមិប្រដាក បានក្លាយជាគោលដៅទេសចរណ៍យ៉ាងសំខាន់របស់ទេសចរបរទេស

ហេតុការណ៍កប៉ាល់បុកស្ពាននៅទីក្រុង Baltimore នៃរដ្ឋ Maryland បានធ្វើឱ្យមនុស្ស៦នាក់បាត់បង់ជីវិត

ព្រឹត្តិការណ៍, សេដ្ឋកិច្ច

• 27/03/2024

កាលពីថ្ងៃទី ២៦ ខែមីនា រថយន្តជាច្រើនគ្រឿងដែលកំពុងឆ្លងកាត់ស្ពានដែលមានប្រវែងជាង ២,៦ គីឡូម៉ែត្របានធ្លាក់ចូលទឹកបន្ទាប់ពីកប៉ាល់ដឹកកុងតឺន័របានបុកសសរស្ពាន Francis Scott Key