សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពីមួយថ្ងៃទៅមួយថ្ងៃ បច្ចេកវិទ្យាកាន់តែទំនើបដែលក្រៅតែពីថាមពលខ្យល់ កំដៅព្រះអាទិត្យ និងកម្លាំងទឹក ដែលអ្នកវិទ្យាសាស្ត្រអាចទាញយកមកផលិតជាអគ្គិសនីបានហើយនោះ កាលពីពេលថ្មីៗនេះសូម្បីតែម្រាមដៃរបស់មនុស្សយើងក៏គេអាចទាញ និងផលិតបានទៅជាថាមពលអគ្គិសនីបានដែរ។
តាមរយៈបច្ចេកវិទ្យាបន្ទះ Pad ដ៏តូចស្តើងមួយដែលត្រូវបានផលិតឡើងដោយក្រុមអ្នកវិទ្យាសាស្ត្ររបស់សហរដ្ឋអាមេរិកអាចយកមកពាក់លើម្រាមដៃបាន ដោយវាមានសមត្ថភាពពិសេសក្នុងការផលិតបានទៅជាថាមពលអគ្គិសនីសមល្មមសម្រាប់ការប្រើប្រាស់នាឡិកាដៃ ឬស្មាតហ្វូនផងដែរ។
Pad ដ៏តូចទាំងនេះត្រូវបានបំពាក់មកជាមួយនូវសារជាតិកាបូនអេឡិចត្រូត រួមជាមួយនឹងអង់ស៊ីមពិសេស ដែលមានសមត្ថភាពខាងជំរុញប្រតិកម្មគិមីដែលវានឹងជួយឲ្យអាស៊ីតឡាតែត (lactate) និងសារជាតិអុកស៊ីសែនដែលមាននៅក្នុងញើសនៃម្រាមដៃបង្កើតបានទៅជាថាមពលអគ្គិសនីឡើង។
គួរឲ្យដឹងដែរថា ម្រាមដៃ គឺជាកន្លែងតែមួយគត់នៃសារពាង្គកាយរបស់យើងដែលអាចផលិតញើសបានដល់ទៅ ១ ០០០ដង ច្រើនជាងផ្នែកផ្សេងណាណាទាំងអស់ ហើយជឿជាក់ថាក្នុងម្រាមដៃតែមួយប៉ុណ្ណោះប្រសិនបើអ្នកពាក់បន្ទះ Pad ហើយគេងរយៈពេល១០ម៉ោងនោះវានឹងអាចផលិតបានថាមពលទំហំស្មើទៅនឹងដំណើរការ២៤ម៉ោងនៃនាឡិកាដៃមួយ។
បន្ទះឈីបនេះក៏មានបំពាក់មកជាមួយនឹងមុខងារដែលអាចឲ្យយើងចុច និងសង្កត់វា ដើម្បីបង្កើតថាមពលឲ្យបានកាន់តែលឿន និងច្រើនផងដែរ មានន័យថានៅពេលណាដែលអ្នកប្រើប្រាស់ ឬធ្វើការចុចទូរស័ព្ទ ចុចកំព្យូទ័រ ក្នុងអំឡុងពេលការងារលេងកីឡាករ ឬលេងព្យាណូនោះអ្នកនឹងអាចផលិតថាមពលបានច្រើនជាងការពាក់ចោលលើម្រាមដៃ។
Pad គឺជាផលិតផលដែលស្រាវជ្រាវ និងអភិវឌ្ឍឡើងដោយក្រុមអ្នកវិទ្យាសាស្ត្រនៃសកលវិទ្យាល័យ University of California San Diego ហើយយោងតាមការបញ្ជាក់របស់ក្រុមការងារបានអះអាងថា នាពេលខាងមុខដ៏ខ្លី បច្ចេកវិទ្យានេះនឹងអាចប្រើប្រាស់គ្រប់គ្រាន់ល្មមដើម្បីផ្គត់ផ្គង់ថាមពលឲ្យស្មាតហ្វូន វ៉ែនតាឆ្លាតវ៉ៃ និងឧបករណ៍បច្ចេកវិទ្យាមួយចំនួនទៀតផងដែរ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សមយុទ្ធត្រីភាគី បង្ហាញពីផែនការរយៈពេលវែងរបស់ក្រុងវ៉ាស៊ីនតោននៃការបង្កើត NATO អាស៊ី
ព្រឹត្តិការណ៍, អាជីវកម្មថ្មី និងនវានុវត្ត
• 11/09/2026
បរទេស ៖ ការធ្វើសមយុទ្ធយោធាជាបន្តបន្ទាប់រវាងសហរដ្ឋអាមេរិក កូរ៉េខាងត្បូង និងជប៉ុន បានបង្ហាញយ៉ាងច្បាស់ថា ទីក្រុងវ៉ាស៊ីនតោន កំពុងបន្តរុញច្រានផែនការយុទ្ធសាស្ត្ររយៈពេលវែងរបស់ខ្លួននៃការបង្រួបបង្រួមសម្ព័ន្ធមិត្តក្នុងតំបន់ឱ្យទៅជារចនាសម្ព័ន្ធនយោបាយយោធាដ៏រឹងមាំមួយ ដែលត្រូវបានគេមើលឃើញយ៉ាងទូលំទូលាយដែលមានគំរូដំណើរការដូចជាអង្គការ NATO ប៉ុន្តែនៅក្នុងតំបន់អាស៊ី។ នៅក្នុងអត្ថបទមួយដែលត្រូវបានសរសេរដោយអ្នកស្រាវជ្រាវដ៏ល្បី លោក Konstantin Asmolov នៅមជ្ឈមណ្ឌលស្រាវជ្រាវអំពីកូរ៉េ និងវិទ្យស្ថានជាតិរុស្ស៊ីនៃវិទ្យាសាស្ត្រ ត្រូវបានដកស្រង់មកចេញផ្សាយដោយកាសែតរុស្សី RT បានឲ្យដឹងថា
គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី ទទួលបានការចុះបញ្ជីលក់សញ្ញាបណ្ណចីរភាពនៅផ្សារមូលបត្រកម្ពុជាជាផ្លូវការ
ព្រឹត្តិការណ៍, អត្ថបទពាណិជ្ជកម្ម
• 11/09/2026
ភ្នំពេញ ៖ នាព្រឹកថ្ងៃព្រហស្បតិ៍ ១៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែកញ្ញា ឆ្នាំ២០២៦ ផ្សារមូលបត្រកម្ពុជា បានប្រារព្ធ “ពិធីចុះបញ្ជីលក់សញ្ញាបណ្ណចីរភាពជាផ្លូវការរបស់គ្រឹះស្ថានមីក្រូហិរញ្ញវត្ថុ អិលអូអិលស៊ី (ខេមបូឌា) ភីអិលស៊ី”ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណិ្ឌតសភាចារ្យ ហ៊ាន សាហ៊ីបរដ្ឋលេខាធិការនៃក្រសួងសេដ្ឋកិច្ច
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content