សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពពី Weforum បានបង្ហាញថា ភូមិ Mawlynnong នៅក្នុងប្រទេសឥណ្ឌាត្រូវបានគេដាក់ឈ្មោះថា «ភូមិស្អាតបំផុតនៅអាស៊ី» ចាប់តាំងពីឆ្នាំ២០០៣ មកម្ល៉េះ ហើយក៏ជាភូមិមានអនាម័យបំផុតនៅក្នុងប្រទេសផងដែរ។
ភូមិ Mawlynnong គឺជាភូមិដែលមានស្អាតបំផុតនៅអាស៊ី និងជាតំបន់ទេសចរណ៍មួយក្នុងប្រទេសឥណ្ឌា ដោយមានលក្ខណៈប្លែកខុសពីគេជាច្រើនបែប រាប់ចាប់តាំងពីទិដ្ឋភាពទេសភាពរហូតដល់បេតិកភណ្ឌវប្បធម៌ប្លែកៗរបស់ភូមិមួយនេះ ជាពិសេសគេធ្វើកន្ត្រកបែបប្រពៃណីមួយហៅថា ‘khoh’ ដែលផលិតពីវត្ថុធាតុដើមមាននិរន្តរភាព។
ជារៀងរាល់ថ្ងៃ ភូមិនេះមានមនុស្សចូលរួមប្រមូលសំរាមចំនួន ៥០០ នាក់សម្រាប់ការងារអនាម័យប្រចាំថ្ងៃដើម្បីរក្សាអនាម័យភូមិឱ្យស្អាត និងពណ៌បៃតង។ លើសពីនោះ ក្មេងៗក្នុងភូមិបានចូលរួមជួយបោសសម្អាតសំរាមតាមផ្លូវពេលធ្វើដំណើរទៅសាលារៀន ហើយស្លឹកឈើ និងកាកសំណល់ទាំងនោះអាចបំប្លែងជាជីកំប៉ុសបានទៀតផង។ ប្លាស្ទិកក៏ត្រូវបានហាមឃាត់នៅភូមិ Mawlynnong ផងដែរ។
ដូច្នេះហើយ កាកសំណល់ប្លាស្ទិកជាច្រើនត្រូវបានយកទៅកែច្នៃឡើងវិញនៅមជ្ឈមណ្ឌលក្បែរនោះ ហើយមនុស្សត្រូវបានលើកទឹកចិត្តឱ្យធ្វើប្រដាប់ប្រដាក្មេងលេង ឬឧបករណ៍ដាំពីវត្ថុធាតុដើមបែបធម្មជាតិដូចជា ឈើជាដើម។ ជារៀងរាល់ថ្ងៃសៅរិ៍ គេមានការជួបជុំគ្នាធ្វើការងារសង្គម រើសសំរាម និង ចូលរួមសម្អាតអនាម័យភូមិ ដោយត្រូវបានចាត់ចែងពីមេភូមិ។ មិនត្រឹមតែប៉ុណ្ណោះ Mawlynnong មានស្ពានដែលដុះចេញពីឫសក្នុងភូមិ ដែលវាដុះឡើងពីឫសភ្លោះនៃដើមកៅស៊ូ។ លើសពីនេះ Mawlynnong ក៏ជាកន្លែងទេសចរណ៍មួយផងដែរ ប៉ុន្តែអ្នកទេសចរតម្រូវឱ្យយកកាកសំណល់ប្លាស្ទិកទៅផ្ទះវិញ ហើយប្រាក់ចំណូលពីទេសចរណ៍បានធ្វើឱ្យអ្នកភូមិប្រមូលជាមូលនិធិមួយសម្រាប់ថែទាំសុខភាពមនុស្សនៅក្នុងភូមិ។
គួរឲ្យបញ្ជាក់ផងដែរថា កន្លែងផ្សេងទៀតក៏បានធ្វើឱ្យទីក្រុងរបស់ពួកគេកាន់តែស្អាត និង មានអនាម័យតាមរយៈការខិតខំប្រឹងប្រែងរបស់សហគមន៍ផងដែរដូចជា អូស្ត្រាលីបានកាត់បន្ថយការបំពុលប្លាស្ទិកជិត ៣០ ភាគរយនៅតាមឆ្នេរសមុត្រ ខណៈដែលនៅហ្វីលីពីន ក្រុមឆ្មាំទន្លេបាននាំគ្នាសម្អាតទន្លេដែលបំពុលបំផុតនៅលើពិភពលោក។ កាលពីឆ្នាំមុនៗ ពួកគេបានចាប់ផ្តើមជាអ្នកស្ម័គ្រចិត្តតែប៉ុណ្ណោះ ប៉ុន្តែឥឡូវនេះពួកគេទទួលបានប្រាក់ឈ្នួលពីកិច្ចការមួយនេះ។ ស្របពេលនេះដែរ Weforum កំពុងធ្វើការកែលម្អអភិបាលកិច្ចបែបបច្ចេកវិទ្យា ដើម្បីកែលម្អជាទីក្រុងឆ្លាតវៃជុំវិញពិភពលោក ៕
Account
Security
Favourite Content