សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ័របានរាយការណ៍ថា ប្រទេសជាច្រើនទៀតនៅជុំវិញពិភពលោកមានបំណងចេញឆ្ងាយពីប្រាក់ដុល្លារក្នុងការធ្វើពាណិជ្ជកម្មថាមពល ខណៈដែលសហរដ្ឋអាមេរិកកំពុងប្រឈមមុខនឹងហានិភ័យសេដ្ឋកិច្ចធ្ងន់ធ្ងរ។
លោក Paul Craig Roberts ជាជំនួយការរដ្ឋមន្ត្រីរតនាគារសហរដ្ឋអាមេរិកបានលើកឡើងថា ប្រសិនបើ Petrodollar ឈានទៅដល់ទីបញ្ចប់ វានឹងមានផលប៉ះពាល់យ៉ាងធ្ងន់ធ្ងរទៅលើតម្លៃនៃប្រាក់ដុល្លារ អតិផរណារបស់សហរដ្ឋអាមេរិក និងអត្រាការប្រាក់។ Petrodollar សំដៅលើទីផ្សារប្រេងដែលប្រើប្រាស់លុយដុល្លារជាគោល ដែលបានមកពីការនាំចេញប្រេង។ ថ្មីៗនេះ អារ៉ាប៊ីសាអូឌីតកំពុងធ្វើការទទួលយកការទូទាត់ថ្លៃប្រេងជារូបិយប័ណ្ណផ្សេងក្រៅពីប្រាក់ដុល្លារ ដែលអាចបណ្តាលឲ្យតម្រូវការប្រាក់ដុល្លារ និងតម្លៃរូបិយប័ណ្ណមួយនេះនឹងធ្លាក់ចុះ។ នេះគឺជាការគំរាមកំហែងយ៉ាងខ្លាំងដល់អំណាចរបស់វ៉ាស៊ីនតោន និងអំណាចហិរញ្ញវត្ថុរបស់ធនាគារអាមេរិក។
អស់រយៈពេលជាងកន្លះសតវត្សរ៍មកហើយដែល Petrodollar ត្រូវបានគាំទ្រជាតម្លៃប្រាក់ដុល្លារអាមេរិក ធានាការផ្តល់ហិរញ្ញប្បទានសម្រាប់ថវិកា និងឱនភាពពាណិជ្ជកម្មដ៏ធំរបស់អាមេរិក។ បើទោះបីជាបញ្ហាសេដ្ឋកិច្ចដ៏ធំនៅឆ្នាំ១៩៧១ ប៉ុន្តែ Petrodollar នៅតែបន្តគាំទ្រប្រាក់ដុល្លារជារូបិយប័ណ្ណពិភពលោក និងធ្វើឱ្យប្រាក់ដុល្លារអាមេរិកមានតួនាទីរូបិយប័ណ្ណបម្រុងទៀតផង។
ទោះជាយ៉ាងណាក្តី ក្នុងរយៈពេលប៉ុន្មានឆ្នាំចុងក្រោយនេះ គេបានសង្កេតឃើញថា វ៉ាស៊ីនតោនបានរំលោភតួនាទីរូបិយប័ណ្ណបម្រុងរបស់ប្រាក់ដុល្លារជាមួយនឹងទណ្ឌកម្ម និងទ្រព្យសម្បត្តិដែលប្រទេសជាច្រើនចង់ដោះស្រាយអតុល្យភាពពាណិជ្ជកម្មជារូបិយប័ណ្ណផ្ទាល់ខ្លួនរបស់ពួកគេ ដើម្បីគេចចេញពីអំណាចរបស់វ៉ាស៊ីនតោន និង សម្ពាធផ្សេងៗ។ ដូច្នោះហើយ ប្រសិនបើអារ៉ាប៊ីសាអូឌីតបញ្ឈប់ការប្រើប្រាស់ប្រាក់ដុល្លារនោះ ប្រជាពលរដ្ឋអាមេរិកអាចប្រឈមមុខនឹងហានិភ័យខ្ពស់ពីអតិផរណាខ្លាំងខ្លា និង អត្រាការប្រាក់ខ្ពស់។ ក្នុងករណីនោះ អតិផរណារូបិយវត្ថុនឹងត្រូវបានបន្ថែមទៅអតិផរណារួមដែលបណ្តាលមកពីការធ្លាក់ចុះនៃតម្លៃប្តូរប្រាក់បរទេសជាមួយនឹងប្រាក់ដុល្លារ៕
Account
Security
Favourite Content