សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Euronews បានរាយការណ៍ថា ករណីភ្លើងឆេះព្រៃនៅរដ្ឋកាលីហ្វ័រញ៉ាអាចបង្កការខាតបង់ដល់សេដ្ឋកិច្ចរហូតដល់ទៅ ៥៧ ពាន់លានដុល្លារអាម៉េរិក។
យោងតាមការព្យាករណ៍តួលេខបឋមពី AccuWeather Inc បានឱ្យដឹងថា ករណីភ្លើងដែលឆេះនៅទូទាំងរដ្ឋកាលីហ្វ័រញ៉ាទំនងជាខាតបង់ចន្លោះពី ៥២ ពាន់លានដុល្លារដល់ ៥៧ ពាន់លានដុល្លារ។
លោក Jonathan Porter ប្រធានឧតុនិយមរបស់ AccuWeather បានលើកឡើងថា ប្រសិនបើរចនាសម្ព័ន្ធមួយចំនួនធំត្រូវបានឆេះបន្ថែមទៀតក្នុងប៉ុន្មានថ្ងៃខាងមុខនេះ វាអាចក្លាយជាករណីភ្លើងឆេះព្រៃដ៏អាក្រក់បំផុតនៅក្នុងប្រវត្តិសាស្រ្តរសម្រាប់រដ្ឋកាលីហ្វ័រដោយផ្អែកលើចំនួនសំណង់ដែលបានឆេះ និងការខាតបង់ផ្នែកសេដ្ឋកិច្ច។ មកទល់ពេលនេះ មនុស្សយ៉ាងហោចណាស់ ១០ នាក់បានបាត់បង់ជីវិតនៅក្នុងករណីភ្លើងឆេះព្រៃនេះ ហើយចំនួនអ្នកស្លាប់អាចនឹងបន្តកើនឡើង។ ទន្ទឹមនឹងនេះ ក្រុមមន្ត្រីជំនាញបាននិយាយថា សំណង់ជាង ១ ០០០ កន្លែងដែលភាគច្រើនជាលំនៅឋានត្រូវបានបំផ្លាញដោយភ្លើងឆេះ ហើយមនុស្សប្រហែល ១៣០ ០០០ នាក់កំពុងស្ថិតនៅក្រោមការជម្លៀសចេញ។
AccuWeather លើកឡើងថា ករណីភ្លើងឆេះព្រៃដ៏អាក្រក់បំផុតកំពុងឆេះពីតំបន់ Santa Monica ទៅ Malibu ដែលប៉ះពាល់ដល់អចលនទ្រព្យថ្លៃបំផុតមួយចំនួននៅក្នុងប្រទេស ជាមួយនឹងតម្លៃផ្ទះជាមធ្យមជាង ២ លានដុល្លារ។ មិនត្រឹមតែប៉ុណ្ណោះ ហានិភ័យសំខាន់ៗកំពុងប៉ះពាល់ធ្ងន់ធ្ងរលើពលរដ្ឋក្នុងតំបន់ ផ្ទះសម្បែង និងអាជីវកម្មរបស់ពួកគេ ក៏ដូចជាផលប៉ះពាល់លើវិស័យទេសចរណ៍ និងសុខភាពសាធារណៈផងដែរ។ លើសពីនេះ ផលប៉ះពាល់នៅតែបន្តកើតមាន ហើយតំបន់ខ្លះមិនទាន់បានរាយការណ៍អំពីការខូចខាត ការរងរបួស និងផលប៉ះពាល់ផ្សេងៗទៀតនៅឡើយ។ ការបន្តឆេះព្រៃកំពុងបន្តបំផ្លិចបំផ្លាញនឹងធ្វើឲ្យដំណើរការស្តារឡើងវិញប្រើរយៈពេលយូរ និងលំបាក ដែលនឹងតម្រូវឱ្យមានកិច្ចខិតខំប្រឹងប្រែងរួមគ្នារវាងសហគមន៍ និងការគាំទ្រពីអាជ្ញាធរ។ ពលរដ្ឋជាច្រើននៅខាង Pacific Palisades រាយការណ៍ថាពួកគេមិនមានការធានារ៉ាប់រងលើអចលនទ្រព្យនោះទេ ដោយសារតែក្រុមហ៊ុនធានារ៉ាប់រងលែងផ្តល់ការធានារ៉ាប់រងសម្រាប់អចលនទ្រព្យទៀតហើយ។
ប្រសិនបើភ្លើងឆេះនៅតែបន្តរីករាលដាលយ៉ាងឆាប់រហ័សទៅក្នុងសង្កាត់ដែលមានប្រជាជនរស់នៅច្រើនថែមទៀតនោះ សំណង់ដែលមានតម្លៃថ្លៃបំផុតរាប់ពាន់កន្លែងបន្ថែមទៀតនឹងប្រឈមនឹងហានិភ័យនៃការឆាបឆេះ។ ជាលទ្ធផល ការខូចខាតសរុប និងការខាតបង់សេដ្ឋកិច្ចនឹងបន្តខាតបង់អស់រាប់ពាន់លានដុល្លារបន្ថែមទៀត។ ករណីភ្លើងឆេះព្រៃនេះបន្តរីករាលដាល ដោយសារជំរុញដោយខ្យល់បក់ក្នុងល្បឿនលឿន ហើយវាកំពុងបន្តគំរាមកំហែងដល់អាយុជីវិត និងបង្កការខូចខាតយ៉ាងធ្ងន់ធ្ងរ។ អ្នកជំនាញ AccuWeather ប៉ាន់ប្រមាណថា ខ្យល់បក់បោកខ្លាំងពីខាងឈូងសមុទ្រក្នុងល្បឿន ៧០ ទៅ ១០០ ម៉ាយក្នុងមួយម៉ោង។ ទន្ទឹមនឹងនេះ ក្រុមពន្លត់អគ្គិភ័យកំពុងតស៊ូប្រយុទ្ធជាមួយនឹងអណ្តាតភ្លើង ដែលបន្តរីករាលដាលដោយសារខ្យល់ព្យុះល្បឿនលឿន៕
Account
Security
Favourite Content