សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ គិតត្រឹមខែមេសា ន្លងទៅនេះ ទំហំនៃការនាំទំនិញពីប្រទេសចិនចូលមកកាន់ទីផ្សារវៀតណាម និងទំនិញរបស់វៀតណាមទៅកាន់ទឹកដីអាមេរិកមានការកើនឡើងខ្លាំងគួរឲ្យកត់សំគាល់ដូចគ្នាពោលគឺដល់កំណត់ត្រាមួយចាប់តាំងពីក្រោយសម័យកាលកូវីដ។ ការកើនឡើងនេះត្រូវបានកាសែតរ៉យទ័រមើលឃើញថា នៅចំពេលដែលរដ្ឋាភិបាលក្រុងវ៉ាស៊ិនតោនកំពុងបន្តពិភាក្សាជាមួយនឹងក្រុងហាណូយនៅឡើយចំពោះបញ្ហាជញ្ជីងពាណិជ្ជកម្មនៃទំនិញរវាងប្រទេសទាំងពីរ ជាពិសេសចំពេលដែលអាមេរិកកំពុងព្យាយាមក្នុងការបោសសំអាតការក្លែងបន្លំប្រភពដើមនៃទំនិញមកពីចិនចូលទៅក្នុងទីផ្សារសហរដ្ឋអាមេរិកតាមរយៈប្រទេសវៀតណាមផងនោះ។
វៀតណាមកំពុងប្រឈមមុខទៅនឹងការអនុវត្តពន្ធគយថ្មីប្រមាណជា៤៦ភាគរយទៅលើគ្រប់មុខទំនិញដែលត្រូវនាំចេញទៅសហរដ្ឋអាមេរិកប្រសិនបើមិនមានការប្រែប្រួលណាមួយនៅត្រឹមខែកក្កដាខាងមុខនេះ។ មានន័យថា វានឹងធ្វើឲ្យប៉ះពាល់ ដែលមិនត្រឹមតែទំនិញនាំចេញតាមរយៈវៀតណាមប៉ុណ្ណោះទេ សូម្បីតែទំនិញពីរោងចក្រដៃគូសំខាន់ៗរបស់ខ្លួនផ្សេងទៀតក៏ត្រូវប៉ះពាល់ផងដែរ ដូចជា Samsung និង Nike ជាដើម។
យ៉ាងណាក្តី រហូតមកដល់ខែឧសភានេះ រដ្ឋាភិបាលទីក្រុងហាណូយបានរៀបចំសំណើផ្តល់ជាលក្ខខណ្ឌធំៗមួយចំនួនរួចទៅហើយទៅកាន់រដ្ឋបាលរបស់លោក Donald Trump ដោយសង្ឃឹមថានឹងអាចបញ្ជៀសខ្លួនចេញពីការអនុវត្តពន្ធដ៏ច្រើនមួយនេះ ដូចជាយុទ្ធនាការបង្ក្រាមទំនិញចិនដែលបន្លំខ្លួនចេញទៅអាមេរិកតាមរយៈអ្នកនាំចេញវៀតណាមដែលពួកគេនឹងទទួលបានស្លាក”ផលិតនៅវៀតណាម”ដើម្បីអាចទំលាក់តម្លៃនាំចេញបានយ់ាងច្រើនជាងការនាំចេញផ្ទាល់ពីចិន។
ជញ្ជីងពាណិជ្ជកម្មគឺជាអ្វីដែលរដ្ឋបាល លោក Trump ចង់រៀបចំឡើងវិញជាមួយនឹងបណ្តាប្រទេសទាំងឡាយ ខណៈដែលចិន និងវៀតណាមគឺស្ថិតនៅក្នុងចំណោមប្រទេសដែលមានការនាំចូលទំនិញច្រើនលើសលប់ជាងការបញ្ជាទិញទំនិញពីអាមេរិក។ ក្នុងរយៈពេល៤ខែ ដើមឆ្នាំ២០២៥នេះ វៀតណាមបានបន្តការនាំចូលទៅកាន់អាមេរិកកើនឡើងដល់ទៅ២៥ភាគរយរួចទៅហើយ។ គិតត្រឹមតែខែមីនាប៉ុណ្ណោះទំនិញវៀតណាមនាំចេញទៅអាមេរិកបានឡើងទៅដល់ ១៣,៥ពាន់លានដុល្លារ និង១២ពាន់លានដុល្លារនៅក្នុងខែមេសា។
ប្រធានប្រតិបត្តិការនៃក្រុមហ៊ុន និងរោងចក្រនានានៅក្នុងប្រទេសវៀតណាមបានលើកឡើងថា ក្រុមអ្នកផលិតនៅវៀតណាមកំពុងញាប់ដៃញាប់ជើងក្នុងការជំរុញឲ្យមានការនាំចេញបានច្រើនបំផុតតាមដែលអាចធ្វើទៅបានទៅកាន់អាមេរិកមុនពេលការអនុវត្តពន្ធគយថ្មីចូលជាធរមាន។
ជាក់ស្តែង ស្របតាមផែរបស់វៀតណាម សកម្មភាពលើកដាក់ទំនិញតាមនាវាមានសន្ទុះកើនឡើងខ្លាំង។ ក្នុងនោះ កំពង់ផែ Cai Mep ដែលជាច្រកនាំចេញទំនិញទៅអាមេរិកច្រើនជាងគេបំផុតនោះគិតត្រឹមខែឧសភានេះមាននាវាផ្ទុកទំនិញធំៗចំនួន២៦គ្រឿងក្នុងមួយសប្តាហ៍រួចទៅហើយ ខណៈដែលជាធម្មតាមានត្រឹមតែ ២០ ទៅ ២២ គ្រឿងប៉ុណ្ណោះក្នុងមួយសប្តាហ៍៕
Account
Security
Favourite Content