សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អស់រយៈពេលជាច្រើនឆ្នាំមកនេះ ក្រុមហ៊ុនអ្នកផលិតរថយន្តដ៏ល្បីរបស់ប្រទេសអាល្លឺម៉ង់ Volkswagen តែចជួបការខាតបង់ស្ទើររាល់ឆ្នាំ ហើយនៅក្នុងឆ្នាំ២០២៣ ប្រតិបត្តិការលក់ និងផលចំណេញរបស់ Volkswagen បានធ្លាក់ដល់ចំណុចអាក្រក់បំផុតដោយមើលឃើញពីការខាតបង់រហូតដល់ទៅ ០,៣ភាគរយ ខណៈដែលឆ្នាំ២០២៤ ក្រុមហ៊ុនទទួលបានផលចំណេញមកវិញតិចតួចបំផុត ហើយថែមទាំងកំពុងរៀបចំផែនការកាត់បន្ថយបុគ្គលិកទ្រង់ទ្រាយធំនៅក្នុងឆ្នាំ២០២៥នេះទៀតផង។
ក្នុងគ្រាដ៏តានតឹងបែបនេះ ប្រធានប្រតិបត្តិក្រុមហ៊ុន លោក Oliver Blume បានបង្ហាញនូវក្តីរំពឹងទុកថ្មីសម្រាប់ Volkswagen តាមរយៈការបង្វែរអាជីវកម្មរបស់ខ្លួនមួយផ្នែកទៅជាអ្នកផលិតសព្វាវុធ និងឧបករណ៍យោធាដើម្បីអាចទាញយកចំណូលដ៏ច្រើនចេញពីផែនការចំណាយយោធាដ៏សន្ធឹកសន្ធាប់របស់សហគមនអឺរ៉ុប។
សម្រាប់តំបន់អឺរ៉ុប ថ្មីៗនេះបានប្រកាសថា បានត្រៀមខ្លួនដើម្បីចំណាយថវិកាសរុបប្រមាណជា៨៧០ពានលានដុល្លារចាក់បញ្ចូលទៅក្នុងវិស័យការពារជាតិដែលទាំងនេះនឹងក្លាយទៅជាប្រភពចំណូលដ៏ធំមួយដែល Volkswagen សង្ឃឹមថានឹងអាចទាញយកមកបាន។
ថ្លែងទៅកាន់ក្រុមអ្នកសារព័ត៌មានកាលពីថ្ងៃអង្គារដើមសប្តាហ៍នេះ លោក Blume បានប្រកាសជាផ្លូវការថា ក្រុមហ៊ុនកំពុងធ្វើការពិនិត្យយ៉ាងម៉ត់ចត់ទៅលើតម្រូវការទីផ្សារបច្ចុប្បន្ន ជាពិសេសទៅលើឧស្សាហកម្មផលិតសម្រាប់វិស័យការពារជាតិ។
លោក Blume បានពោលបែបនេះថា៖
«ជម្រើសទាំងអស់ស្ថិតនៅលើតុរបស់យើង រួមទាំងការប្តូររោងចក្រមួយចំនួនដែលធ្លាប់ផលិតរថយន្តទៅជារោងចក្រសម្រាប់ផលិតអាវុធវិញ។ ទាំងនេះគឺជាប្រធានបទជាអទិភាពដែលយើងត្រូវសម្រេចចិត្ត»។
ដោយឡែក ប្រធានប្រតិបត្តិក្រុមហ៊ុនផលិតអាវុធធំបំផុតរបស់អាល្លឺម៉ង់ Rheinmetall លោក Armin Papperger បានសំដែងការគាំទ្រចំពោះជំហរបស់ Volkswagen ដោយលោកបានលើកឡើងកាលពីថ្ងៃពុធថា ក្នងចំណោមរោងចក្រជាច្រើនរបស់ Volkswagen លោកមើលឃើញថាទីតាំងនៅ Osnabruek គឺស័ក្ដិសមបំផុតសម្រាប់កិច្ចការងារនេះ។
សូមរំលឹកឡើងវិញដែរថា កាលពីអតីតកាល Volkswagen ក៏ធ្លាប់ជាអ្នកផលិតរថយន្តយោធាសម្រាប់កងទ័ពណាហ្ស៊ីស អាល្លឺម៉ង់ កាលពីអំឡុងសង្គ្រាមលោកទី២ផងដែរ ដែលក្នុងនោះមានទាំងម៉ូដេលសម្រាប់ដឹកទំនិញ រថយន្តយោធា Kubelwagen និង Schwimmwagen ជាដើមផង៕
Account
Security
Favourite Content