លោកខាងលិចកំពុងសាកល្បងយុទ្ធសាស្ត្រថ្មី ដើម្បីជំរុញសេដ្ឋកិច្ចទៅកាន់ទីជនបទ

បច្ចុប្បន្ន នៅលើសកលលោកមានមនុស្សដល់ទៅប្រមាណ៥៥ភាគរយកំពុងនាំគ្នាប្រមូលផ្តុំរស់នៅក្នុងទីក្រុងច្រើនជាងនៅជនបទ ដូចនេះ សកម្មភាពសេដ្ឋកិច្ចនៅតាមតំបន់ជនបទមានលក្ខណៈយឺតយ៉ាវ និងមិនសូវជាសំបូរពលរដ្ឋវ័យក្មេងរស់នៅនោះឡើយ ដែលអាចនឹងធ្វើឱ្យកើតមានវិបត្តិសេដ្ឋកិច្ច និងភាពប្រឈមនៃគម្លាតរវាងអ្នកទីក្រុង និងអ្នករស់នៅទីជនបទនៅថ្ងៃអនាគត។

ក្រុមអ្នកជំនាញប្រជាសាស្ត្ររបស់អន្តរជាតិបានធ្វើការព្យាករ និងរំពឹងទុកថានៅត្រឹមឆ្នាំ២០៥០ខាងមុខនេះ កំណើននៃចំនួនពលរដ្ឋរស់នៅតាមទីក្រុងនឹងមានកើនឡើងទៅដល់៧០ភាគរយនៃពលរដ្ឋរបស់ពិភពលោក ខណៈដែលរូបភាពទាំងនេះអាចជះឥទ្ធិពលយ៉ាងខ្លាំងទៅលើសកម្មភាពរស់នៅប្រចាំថ្ងៃនៅក្នុងតំបន់ទីប្រជុំជន ប្រសិនបើមិនមានការរៀបចំទុកជាមុន និងឱ្យបានទាន់ពេលវេលានោះទេ។

ក្រោមហេតុផលដូចដែលបានលើកឡើងខាងលើនេះ ប្រទេសអភិវឌ្ឍន៍ចំនួន៣ដែលស្ថិតនៅក្នុងតំបន់អឺរ៉ុបបានសម្រេចចិត្តក្នុងការអនុវត្តគម្រោងដ៏គួរឲ្យចាប់អារម្មណ៍មួយ ដើម្បីអាចរុញឱ្យក្រុមអ្នកបម្រើការងារឯកជន និងក្រុមពលរដ្ឋដែលមានវ័យក្មេងៗក្នុងការវិលត្រឡប់ទៅធ្វើការនៅជនបទវិញតាមរបៀបធ្វើការងារពីចំងាយ។ ជាមួយនឹងការដាក់ចេញនូវយុទ្ធសាស្ត្រថ្មីទៅលើការជំរុញឱ្យមានការបំពេញការងារពីចំងាយនេះ ក្រុមអ្នកជំនាញបានដាក់ក្តីសង្ឃឹមថានឹងអាចជួយឲ្យសហគមនៅទីជនបទនឹងមានជីវិតរស់រវើកល្អប្រសើរឡើងវិញ ហើយថែមទាំងអាចលើកកម្ពស់សកម្មភាពសេដ្ឋកិច្ចនៅក្នុងតំបន់ផងដែរ។

១ ក្នុងចំណោម ៣ ប្រទេសប៉ទុយហ្គាល់ ដែលបានអនុម័តកញ្ចប់ថវិកាគាំទ្រប្រមាណជា ៤ ៨០០អឺរ៉ូសម្រាប់មនុស្សម្នាក់ដែលធ្វើការងារ ពីចំងាយ(រស់នៅទីជនបទ) ដោយក្នុងនោះ ទោះបីជានៅក្នុងតំបន់អឺរ៉ុប ឬតំបន់ណាក៏ដោយឲ្យតែជាទីជនបទ ដែលទំហំទឹកប្រាក់ទាំងនេះគឺគ្រប់គ្រាន់ល្មមឲ្យពួកគេប្រើប្រាស់សម្រាប់ការជួលកន្លែងស្នាក់នៅក្នុងរយៈពេលពេញមួយឆ្នាំ ប៉ុន្តែជាលក្ខខណ្ឌទាមទារត្រឡប់មកវិញគឺក្រុមអ្នកធ្វើការត្រូវយល់ព្រមក្នុងការរស់នៅទីជនបទយ៉ាងហោចណាស់រយៈពេល១ឆ្នាំ។

ងាកទៅប្រទេសអៀរឡង់ឯណោះវិញ ក៏បានប្រកាសដែរថា នឹងចាប់ផ្តើមអនុវត្តកម្មវិធីស្រដៀងគ្នានេះទោះបីជាមិនទាន់បានបញ្ជាក់អំពីទំហំលុយគាំទ្រក្តី ហើយក៏មានទាំងការប្រែក្លាយរោងកុន និងកន្លែងប្រជុំធំៗមួយចំនួននៅតាមទីជនបទឲ្យទៅជាកន្លែងអង្គុយធ្វើការងាររួម ( Co-Working Space) ផងដែរ ជាមួយនឹងបណ្តាញខ្សែកាបអុបទិចលើប្រព័ន្ធអ៊ីនធឺណេតដែលមានគុណភាពខ្ពស់ និងល្បឿនលឿន។

ដោយឡែក រដ្ឋ New South Wales នៅក្នុងប្រទេសអូស្ត្រាលីឯណោះវិញ ក៏បានដាក់ក្តីរំពឹងទុកដែរថា នឹងអាចទាក់ទាញអ្នកជំនួញជាច្រើនទៅកាន់ទីជនបទវិញដោយផ្តល់ប្រាក់គាំទ្រប្រមាណជា ១០ ០០០ដុល្លារអូស្ត្រាលីសម្រាប់បុគ្គលិកម្នាក់ៗដែលរដ្ឋាភិបាលក្នុងតំបន់បានហៅថាវាជាការលើកទឹកចិត្តចំពោះក្រុមហ៊ុនទាំងឡាយដែលមានបំណងចង់ដូរទីតាំងទៅកាន់ទីជនបទវិញ។ ក្រៅពីនោះ នៅប្រទេសអ៊ីតាលីក៏មានការដាក់ផែនការអនុវត្តស្រដៀងគ្នាដើម្បីនាំយកជនភៀសខ្លួនវ័យក្មេងឲ្យទៅរស់នៅតាមទីជនបទដែលស្ថិតនៅក្នុងតំបន់មួយចំនួនក្នុងប្រទេសដែលមិនសូវមានមនុស្សចង់រស់នៅ ឬមានតែមនុស្សចាស់ ដើម្បីធ្វើយ៉ាងណាជំរុញកំណើនចំនួនមនុស្ស ក៏ដូចជាធ្វើឱ្យមានសកម្មភាពសេដ្ឋកិច្ចក្នុងតំបន់ដាច់ស្រយាលឡើងវិញ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ