សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កម្ពុជាមានតំបន់ទេសចរណ៍ធម្មជាតិ វប្បធម៌ និងតំបន់កែច្នៃជាច្រើនកន្លែងសម្រាប់ភ្ញៀវជាតិ និងអន្តរជាតិមកលេងកម្សាន្ត និងសម្រាកលំហែកាយ។ តួយ៉ាងដូចជាតំបន់លំហែមួយកន្លែងដែលស្ថិតនៅក្នុងភូមិសន្ទូច ស្រុករលាប្អៀរ ខេត្តកំពង់ឆ្នាំង កំពុងត្រូវបានអភិវឌ្ឍខ្លួនក្នុងចក្ខុវិស័យជាកន្លែងទេសចរណ៍បែបកសិកម្ម ដែលអាចជួយបង្កើតការងារក៏ដូចជាលើកកម្ពស់ជីវភាពដល់បងប្អូនប្រជាពលរដ្ឋនៅក្នុងសហគមន៍បានមួយកម្រិត។
លោក ពេជ្រ សុប៉ុនតារា ជាស្ថាបនិកភូមិលំហែក្បែរភ្នំសន្ទូចបានប្រាប់ AMS ឱ្យដឹងថា ៖ ភូមិលំហែនេះមានទំហំជិត 1ហិកតា ដែលមានដាំដំណាំហូបផ្លែច្រើនប្រភេទដូចជា ស្វាយ ដូង ខ្នុរ ត្របែក មៀន កំពីងរាជ ក្រូច និងដើមឈើប្រណីតផ្សេងៗទៀត។ ក្រៅពីនេះ ដោយសារមើលឃើញថាប្រជាពលរដ្ឋខ្មែរ ដ៏ដូចជាទេសចរនានានិយមចូលចិត្តផ្កាស្អាតៗ គាត់ក៏បានដាំផ្កាចម្រុះបន្ថែមទៀតផងដែរ។
បច្ចុប្បន្ន ភូមិលំហែនេះអាចទទួលសម្រាប់ការបោះតង់ ការជួបជុំគ្នានៅថ្ងៃសម្រាកបានយ៉ាងរីករាយ។ ក្រៅពីនេះលោកក៏មានលក់ទិន្នផលដែលផ្ដល់បាននៅក្នុងភូមិលំហែដូចជាស្វាយ ដំណាប់ស្វាយ មៀនទៅកាន់ទីផ្សារខាងក្រៅ និងសម្រាប់ភ្ញៀវទេសចរមកលេងផងដែរ។
« នៅពេលខ្ញុំចូលនិវត្តន៍ ខ្ញុំចង់ធ្វើអ្វីម្យ៉ាងសម្រាប់ជាប្រយោជន៍ដល់សហគមន៍ក្បែរភូមិ គឺមានតែបង្កើតមុខរបរដល់សហគមន៍ និងផ្សព្វផ្សាយផលិតផលក្នុងសហគមន៍ឱ្យមានទីផ្សារទូលាយ។ ខ្ញុំបានគិត និងទិញដីនេះតាំងពីឆ្នាំ2004 ហើយក៏បានឈូសឆាយ រៀបចំដីដាំដំណាំចម្រុះ និងមានគម្រោងរៀបចំជាកន្លែងសម្រាក និងផ្ដល់នូវសេវាកម្មអាហារ និងភេសជ្ជៈដល់ភ្ញៀវទេសចរដែលមកកម្សាន្ត»។
លោក ពេជ្រ សុប៉ុនតារា បានមានប្រសាសន៍ថា
ដោយឡែក ចំពោះដើមទុន ត្រូវបានលោកបញ្ជាក់ប្រាប់ឲ្យដឹងថា បានចំណាយប្រមាណជាង 3ម៉ឺនដុល្លារទៅលើការរៀបចំប្រព័ន្ធទឹក បន្ទប់ទឹក កន្លែងអង្គុយលេង កន្លែងចិញ្ចឹមមាន់ និងច្បារដំណាំជាដើម។ យ៉ាងណាក៏ដោយ កង្វះខាតដើមទុនក្នុងការអភិវឌ្ឍជាបញ្ហាដែលលោកកំពុងតែជួបប្រទះ ហើយលោកក៏កំពុងតែស្វែងរកដៃគូសហការដើម្បីបន្តគម្រោងបន្តទៀត។
ជាមួយគ្នានេះ ម្ចាស់ភូមិលំហែក្បែរភ្នំសន្ទួចរូបនេះក៏បានអះអាងថា លោកនឹងពង្រីកតំបន់មួយនេះឱ្យក្លាយជាកន្លែងសម្រាកកម្សាន្តតាមរដូវកាល ដូចជារដូវស្ទូង ច្រូត និងរដូវធ្វើស្ករជាដើមដែលភ្ញៀវអាចចុះទៅអនុវត្តដោយផ្ទាល់ ដែលទាំងអស់នេះអាចជាចំណុចមួយបង្កើនភាពទាក់ទាញភ្ញៀវទេសចរឱ្យមកកម្សាន្តកាន់តែច្រើន និងជួយលើកកម្ពស់ជីវភាពប្រជាជនតាមរយៈការផ្សព្វផ្សាយ និងលក់ផលិតផលក្នុងឲ្យបានកាន់តែច្រើន ដែលទាំងអស់នេះសុទ្ធតែជាប្រយោជន៍សម្រាប់សហគមន៍៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
ទទួលផលពីអាជីវកម្មបរិយាបន្ន សហគមន៍កសិកម្មមួយអាចផ្គត់ផ្គង់បន្លែបានជាង១តោន ក្នុងមួយខែ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 19/04/2024
អាជីវកម្មបរិយាបន្ន គឺជាប្រភេទអាជីវកម្មគំរូថ្មីមួយដែលអាចផ្ដល់អត្ថប្រយោជន៍ជាច្រើនដល់អ្នកពាក់ព័ន្ធ និងអាចជំរុញសេដ្ឋកិច្ចទាំងក្នុងសហគមន៍ និងប្រទេសជាតិមួយ។
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
Good Nature Agro (GNA) ជួយកសិករខ្នាតតូចបង្កើនប្រាក់ចំណូលតាមរយៈការអនុវត្តកសិកម្មប្រកបដោយភាពច្នៃប្រតិដ្ឋ
e-Choupal ជាវេទិកាអនឡាញធំបំផុតនៅឥណ្ឌាជួយនាំចេញកសិផលដោយផ្ទាល់ពីកសិករក្រីក្ររាប់លាននាក់
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 19/04/2024
e-Choupal គែជាច្រកនាំចេញកសិផលដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះមានកសិករក្រីក្រប្រមាណជា៤លាននាក់កំពុងអាស្រ័យផល
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content