សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ តាមរយៈការដំឡើងពន្ធគយដ៏ភ្ញាក់ផ្អើលនៃរដ្ឋបាលលោក Donald Trump ដែលធ្លាប់អះអាងថា វាជាផែនការធ្វើឲ្យវិស័យផលិតកម្មក្នុងស្រុកងើបឡើងខ្លាំង និងទទួលបានអត្ថប្រយោជន៍កប់ក្តោងនោះ រហូតមកទល់ពេលនេះជាលទ្ធផល បណ្តាក្រុមអ្នកផលិតកាន់តែច្រើនបានក្លាយទៅជាជនរងគ្រោះ ដោយសារបញ្ហាបន្ទុកពាណិជ្ជកម្មកាន់តែធ្ងន់ធ្ងរ។
របាយការណ៍ថ្មីមួយដែលចេញផ្សាយដោយ The Politico ផ្តោតទៅលើវិស័យឧស្សាហកម្មដែលបណ្តាលមកពីការសម្រេចចិត្តរឹតបន្តឹងពន្ធគយប្រមាណជា៥០ភាគរយទៅលើការនាំចូលនៃផលិតផលដែក និងអាលុយមីញ៉ូមមកកាន់សហរដ្ឋអាមេរិក បានធ្វើឲ្យឧស្សាហកម្មរបស់អាម៉េរិកខ្លួនឯងទទួលរងនូវការខូចខាតយ៉ាងដំណំ។
ភាពមិនច្បាស់លាស់ និងការព្យាករណ៍លែងបាន ថាតើតម្លៃពន្ធគយថ្មីនេះអាចធ្វើឲ្យប៉ះពាល់ដល់ភាគីខាងណាឲ្យពិតប្រាកដនោះ ព្រោះជាក់ស្តែងពេលនេះ វាបាន និងធ្វើឲ្យបណ្តាក្រុមហ៊ុនអាជីវកម្មជាច្រើនពិបាកក្នុងការសម្រេចចិត្តក្នុងគ្រាដ៏លំបាក និងប្រឈមមុខទៅនឹងការធ្លាក់ចុះនៃប្រាក់ចំណេញ ហើយអាចឈានទៅដល់ការកាត់បន្ថយកម្លាំងពលកម្មក្នុងស្រុកទៀតផង។
សាស្ត្រាចារ្យដ៏ល្បីនៅសាលា Harvard Kennedy ដែលសរសេរឯកសារ The China Shock លោក Gordon Hanson បានបញ្ចេញមតិយោបល់អំពីភាពគ្រោះថ្នាក់ដែលកំពុងបង្កជាហានិភ័យទៅដល់ឧស្សាហកម្មរបស់សហរដ្ឋអាមេរិក ហើយមកទល់ពេលនេះការគំរាមកំហែងនេះគឺបានធ្វើឲ្យអាម៉េរិកមិនអាចគ្រប់គ្រងបានតទៅទៀតនោះទេ។
ប្រភពដដែលបានសរសេរទៀតថា ប្រសិនបើផែនការដំឡើងពន្ធគយរបស់លោក Trump បរាជ័យ វាអាចធ្វើឲ្យអ្នកគាំទ្រ និងនៅពីក្រោយរដ្ឋបាលអាមេរិកបច្ចប្បន្ន ជាពិសេស បក្សសាធារណៈអស់ទំនុកចិត្តចំពោះ Trump មិនខាន ខណៈការបង្កើនផលិតកម្មក្នុងស្រុកគឺជាយុទ្ធសាស្ត្រស្នូលដែលលោក Trump ធ្លាប់យកធ្វើជាគោលដៅអាទិភាពសម្រាប់ការឃោសនាបោះឆ្នោត ហើយវាទទួលបានការគាំទ្រភ្លូកទឹកភ្លូកដីដោយពលរដ្ឋអាម៉េរិក។ យ៉ាងណាក្តី តម្លៃពន្ធគយថ្មីនេះបានត្រឹមតែជាទស្សនៈវិស័យដែលអាចទទួលបានប្រសិទ្ធភាពក្នុងរយៈពេលខ្លីក្នុងអាណត្តិរបស់រដ្ឋបាលលោក Trump ហើយបច្ចុប្បន្នវាកំពុងធ្វើឲ្យប៉ះពាល់យ៉ាងខ្លាំងដល់តម្លៃថ្លៃដើមនៃការផលិត ហើយក្រុមហ៊ុនជាច្រើនដែលត្រូវការវត្ថុធាតុដើមដូចជាដែក និងអាលុយមីញ៉ូម កំពុងទទួលរងសំពាធ និងផលលំបាកជាបន្តបន្ទាប់។
យ៉ាងណាក៏ដោយ ទោះជាទទួលរងការរិះគន់ និងត្អូញត្អែរកាន់តែច្រើនពីសំណាក់អ្នកផលិតក្នុងស្រុកកាន់តែច្រើនយ៉ាងណាក្តី ប៉ុន្តែទាំងប្រធានាធិបតីអាម៉េរិក លោកTrump និងក្រុមមន្ត្រីរដ្ឋាភិបាលរបស់គាត់នៅតែមានជំនឿចិត្តថា ពន្ធគយនេះនឹងអាចលើកទឹកចិត្តដល់ការវិនិយោគនៅក្នុង ក៏ដូចជាក្រុមហ៊ុនផលិតក្នុងស្រុក ហើយថែមទាំងអាចជួយឲ្យពលរដ្ឋអាម៉េរិកទទួលបានការងារមានប្រាក់ខែកាន់តែប្រសើរ ជាពិសេស ធ្វើឲ្យសេដ្ឋកិច្ចមានភាពធន់ជាងមុន៕
Account
Security
Favourite Content