សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីបរទេសបានរាយការណ៍ថា ធុរកិច្ចរបស់ថៃកំពុងជំរុញឱ្យមានដំណោះស្រាយដោយសន្តិវិធីចំពោះភាពតានតឹងព្រំដែនថៃ-កម្ពុជា ដោយសារបញ្ហានេះកំពុងធ្វើឱ្យប៉ះពាល់ដល់សេដ្ឋកិច្ចក្នុងស្រុក ជាពិសេសកសិករដោយសារតែមិនអាចនាំចេញផ្លែឈើមកកាន់កម្ពុជា។
លោកស្រី Wipa Sunate ប្រធានសភាពាណិជ្ជកម្មខេត្តត្រាត បានលើកឡើងថា ខេត្តត្រាតភាគខាងកើតកំពុងប្រឈមនឹងការធ្លាក់ចុះនៃសេដ្ឋកិច្ច និងការធ្លាក់ចុះនៃទំនុកចិត្តរបស់វិនិយោគិន។ ទន្ទឹមនឹងនេះ ការនាំចេញរបស់ខេត្តត្រាតមកកម្ពុជាមានតម្លៃខ្ទង់ ៣០ ពាន់លានបាត (៩០៩,៥ លានដុល្លារ) ខណៈការនាំចូលពីកម្ពុជាមានតម្លៃពី ៣ ទៅ ៤ ពាន់លានបាតប៉ុណ្ណោះ។ ការធ្លាក់ចុះនៃលំហូរផលិតផល និងការលក់នឹងប៉ះពាល់ដល់អាជីវកម្ម និងផលិតកម្មបន្ថែមទៀត។ ប្រសិនបើព្រំដែនត្រូវបិទជាអចិន្ត្រៃយ៍ក្នុងរយៈពេលយូរទៀត ផលវិបាកនឹងកាន់តែធ្ងន់ធ្ងរ ដោយសារកសិករដាំផ្លែឈើនៅខេត្តត្រាតនឹងមិនអាចនាំចេញផលិតផលរបស់ពួកគេទៅកាន់កម្ពុជា។
គួរបញ្ជាក់ថា កាលពីថ្ងៃចុងសប្ដាហ៍កន្លងទៅនេះ មជ្ឈមណ្ឌលប្រតិបត្តិការព្រំដែនកម្ពុជា-ថៃ បានប្រកាសពីគម្រោងជួយសម្រួលផ្លែឈើរបស់កសិករទាំងនោះ ដែលរងផលប៉ះពាល់ដោយសារការរឹតបន្តឹងព្រំដែន។ វិធានការណ៍ទាំងនោះរួមមាន ការរៀបចំពិធីបុណ្យផ្លែឈើថៃឆ្នាំ២០២៥ នៅតាមផ្សារទំនើប និងទីផ្សារលក់ដុំ, ការចែកចាយផ្លែស្វាយជាអំណោយនៅស្ថានីយ៍ប្រេងឥន្ធនៈចំនួន ១ ០៩៧ កន្លែងនៅទីក្រុងបាងកក និងខេត្តជិតៗ, និងការលក់ផ្លែឈើនៅតាមហាងដែលគ្រប់គ្រងដោយរដ្ឋ។ បន្ថែមពីនេះ ពួកគេគ្រោងនឹងចាប់ដៃគូជាមួយក្រុមហ៊ុនម៉ាស៊ីនលក់អាហារ, និងក្រុមហ៊ុន AirAsia ដើម្បីទិញផ្លែឈើសម្រាប់ធ្វើទឹកក្រឡុក និងអាហារក្នុងយន្តហោះ៕
Account
Security
Favourite Content